Tuesday, July 20, 2010

Press Send...!


لأسباب غير مفهومة بالمرة..جزء مني مسامحك النهاردة!! رغم انه شئ من العبط اني بأقولك ده، ويمكن على بكرة يرجع رأيي يتغير، أو احتمال..ان ده يكون تأثير الحباية المهدئة .. بس..تؤ! فيه جزء مني بجد مسامحك النهاردة! انت واحشني بحُب، مش بوجع..تخيل!!ه
serenityولأن حالة الـ
دي معرفش ح تستمر عندي قد ايه، ومش ضامنة الوجع والبرد ح يرجع تاني امتى (ما هو اصله أكيد ح يرجع!!) يسأل اسئلة منطقية، في دايرة غير منطقية، معنديش ليها أجوبة... قلت بقى اقولك..واقولي ده النهاردة: ان أنت النهاردة .. مش واجعني!ا
.
بس كدة يا سيدي..ده اللي عايزة اقولهولك... :)ه
.
سلاماتي
.
.
ملحوظة: أنا خايفة دي تكون أول علامات انك بتهرب من روحي!! اوعاك يكون ضلك مفارقني! خليك، مهما كان ..خليك! حتى لو زعقتلك على الوجع اللي ضلك بيعيطني بسببه كل ليلة ...حتى لو أي حاجة! حتى لو ما اخدتش المهدئ.. متمشيش..!! اوعى تسيب ايدي، امسكها بالأوي! حتى لو بكرة مش سامحتك تاني، حتى لو لقيتني بأدبدب برجلي ع الأرض زي العيال .. بأقولك انت ليه انهزمت وكسرتني كدة!! برضه ماتروحش! حتى لو بكرة قمت مفزوعة..ولقيت..انك فعلا، فعلا..مش هنا! بس..ماتمشيش، خلّي ضلك ع الأقل! اتفقنا؟ :) ه
ا
.
يلا..سلامات بقى
_________
تمت
الصورة ..لسوزان عليوان

5 comments:

Nouran said...

ليه ميمشيش؟؟
خليه يمشي
ليه من الاول مشي و ساب بس ظله؟؟
خليه يمشي
و بكره هيجي حد احسن منه
و يفضل موجود مش بس بظله
هيفضل موجود بحبه و عمره و حياته و كله


كان تعليق و اتقلب شعر معلش:)

بس بجد خليها تنور النور اللي في قلبها علشان الظل بتاعه يختفي و يمشي

بوبو said...

بتوجعي قلبي

روز said...

لأسباب غير مفهومة بالمرة جزء مني سامحه من زمان وده بعد ما ابتدى تدريجيا ينسحب من دمي وروحي
..

بتوجعي قلبي حرام عليكي بجد.. بس نعمل ايه بقا. مش ح تبطلي كتابةعشان حد أكيد!
..
بتعجبني اختياراتك في العناوين والصور يا جوج :)

يمامة شاردة said...

يا لهوي على ملحوظاتك!!

طب خدي دي بأه :)
....................
ليه ماجتشي!!
طب فرضنا ماتبسطش
هلقى فين حضنك وأعيط؟!!!!!
مش يكون قلبك عليا؟!
وإن صحيح وقتك مزنق
أو مكانك مش بيسمح
سيبلي حضنك طب وروّح
.
.
بقيتها عندي
:)

يا مراكبي said...

وأقول أبعد يصعب على روحي تطاوعني ليزيد حرماني

:-(