Sunday, September 9, 2007

كلنا في الهم...ليلي



وعدت سنة علي ليلي, و السنة دي...ليلي جاية و معاها سين سؤال..فأهلا بالصراحة

.

.

هل انتِ سعيدة كفتاة وبدورك فى الحياة؟
ايوة الحمد لله, و سعيدة بأن اخواتي بنات, فالبنات مش بس "الطف الكائنات" بس مش يقل دورهم في الحياة عن الرجل,فهي علاقة بتكمل بعضها البعض, مش الند بالند ولا هي الاقوي و الاضعف
.

.
ما الذى لا يعجبك فى المجتمع اتجاه نظرته لليلى ؟؟
انها مجرد "الطف الكائنات" و انكد السيدات, والمفهوم الخاطئ انهن "ناقصات عقل ودين"
.

.
-ما رايك فى دور الاعلام فى ترسيخ صورة نمطية عن المرأة؟ ومعالجات قضايا المرأة؟ وتأثيره؟
انهي اعلام ده؟ الاعلام اللي بيطلع البنت موديل رخيص في اعلانات, او فيلم كل اللي شاغلها انها تحب و انها اتصدمت و انها انضحك عليها, الاعلام اللي مهتم بلون البشرة من غير بقع و لا بثور, وانهي قضايا مرأة اللي اتعالجت., لا عمره اتكلم علي مشكلة عنوسة ولا التحرش, ده كفاية ان نادرا ما بتلاقي ادوار نسائية حتي كويسة في الافلام الموجهة الي الجماهير العريضة, بتطلع مجرد وجه حلو في ظل بطل العمل, لا قالت جملة مفيدة ولا عرضت مشكلة ولا اي حاجة
.

.
-
ما رايك فى يوم ليلى ؟؟
فرصه لاسقاط الضوء علي "ليلي" اللي الظل طفاها
.

.
-
أول خطوة.. اقتراح للتغيير مشاكل معينة ؟؟
البداية تكون من البيت في اسلوب التربية,فمفيش داعي لتكرار الاكلشيهات بتاعة انتي بنت و مش ينفع و معرفش ايه...يكون التبرير المقدم منطقي مش شماعة انتي بنت و السلام! نفسيا و في العقل الباطن بتتكون الفكرة عند البنت انها حاجة عيب..عشان كل ما تطلب تخرج و لا تسافر رحلة و لا تسوق انها بنت!! لانها اسهل ما يقال من قبل الاهل! لو اب او ام ح يتناقشوا في حاجة يكون اسباب الرفض او النقاش مش فيها شماعة انتي بنت عشان يخلصوا و السلام!
.

.
هل تحبين نفسك أم تتظاهرين بالقوة؟
الحمد لله بحبها..وعشان احافظ عليها...باتظاهر بالقوة
.

.
هل تعرفين دورك في الحياة أم تتسابقين وتلعبين أدوارا مرسومة وفقط؟
لا الحمد لله..عندي اهدافي اللي هي بتشكل دوري في الحياة, فالانسان مالوش لازمة في الحياة من غير ما يكون عارف ايه دوره, مش بيحركوه زي قطع الشطرنج
.

.
هل مستعدة أن تدافعي عن وجهة نظرك عموما أم تجبنين عند المواجهة؟ وهل ترين جبنك سمة شخصية أم يغذيها من حولك؟
لا باحاول اني ادافع عنها,وحتي لو مش ربحت الجولة دي...كفاية اني حاولت
.

.
ما مشاكل ليلى الملحة في المجتمع من وجهة نظرك؟ ما مصدرها؟ هل يمكن حلها؟ وهل عندك موقف شخصى من واقع الحياة؟
موضوع التحرشات, وده زايد اوي..والتحرش مش بس بحركة او ملامسة جسدية, كفاية الكلام البذئ او انك تكوني واقفة الساعة تمانية الصبح في امانة الله في الشارع و تلاقي اب بيوصل ولاده المدرسة ولا يتورع انه يسمعك كلام وهو معدي..او اشارات .اوانك ترجعي من كورس الساعة تمانية, وواقفة علي محطة زحمة فيها ناس,وتلاقي عربية بتقف لك..كفاية انك انثي عشان يتحرش بيكي مش مهم بقي محجبة ولا محتشمة, قالعة ولا لابسة, انتي في الاخر انثي هشة و فريسة في نظره
مصدرها, انه فاكر البنت كائن لطيف ضعيف, ح تخاف من الفضيحة وانه متخيل ان تفكيره اسرع عقبال ما يسمعك كلمتين ح تكوني انتي من الخضة ماحططتيش منطق ف حيسيبك مصدومة و يجري! مصدرها الاعلام والاغاني و الفيديو كليب, مصدرها, قلة الوازع الديني و الانعدام الاخلاقي المترتب عليه
*
موضوع الجواز والعنوسة, الموضوع في تزايد خطر, وبقت كلمة "عانس" دي اسهل ما يقال علي بنت في اواخر العشرينات,كأنها مصيبة في البيت
مصدرها. انها بنت. يعني فرصتها في الجواز تقل كل ما تعدي الواحد و عشرين وتتخرج من الجامعة
حلها, انها انسان.ووالرضاء بقضاء الله و التخفيف من الضغوط عليها, وانه مش دور مرسوم ليها انها تتجوز و السلام او ان ده يكون اولويتها فتوقف حياتها عشان تفتح الصالون و مستنيه العدل, ان البنات كمان تهتم بهوايات وانشطة ثقافية و اجتماعية و تنشغل بالحياة, مش ان الحياة تساوي بيت العدل
شخصيا , كفاية اوي الجملة دي اللي سمعتها اكتر من مرة "يا بنتي لما تكملي دراسات عليا فرصك في الجواز تقل, حتلاقي فين حد يوافق ان مراته درجتها العلمية اعلي منه, معني كدة انك لازم تتجوزي حد برضه بيدرس, ودول قليلين وبرضه مش بيتجوز غير واحدة اصغر منه و اقل في الدماغ منه"- اي والله ده سمعته
.

.
هل ترى المرأة أقل من الرجل في أي مستوى من المستويات؟ و إن كان فعلا، فما هي هذه المستويات؟
لا مش اقل, مش معني ان الرجال قوامون علي النساء, وانه هو اللي بيشتغل والمجهود البدني والعملي والذهني كبير عليه, انه بيتفوق علي المراة ! فاحتياجتها النفسية و الذهنية و برضه البدنية (في الشغل او الاعمال المنزلية) بتخليهم متساويين.بمعني مش عشان الراجل بيشتغل وهي في البيت, انه هي اقل منه, عشان بس همهما بينحصر في العيال و ابوهم و مصروف الشهر و المطبخ!! و مش معني ان المرأة بتكون في حاجة نفسيه ان الرجل يحتويها و يشعرها بالامان , انها كدة اضعف منه,لانها بالمثل بتوفر له السعادة و الاستقرار اللي بيخليه يقدر يقوم بواجباته ناحية اسرته و مجتمعه! فيه مقولة قالها ممثل اجنبي بعد زواج ناجح سمعتها مرة :
اذا كانت الملكة (الزوجة) سعيدة, فسيسعد الشعب باكمله (اي الاسرة)ه
.

.
بعد مرور سنة من يوم ليلى الأول ماذا تغير في وضع ليلى؟

أولا ماذا تغير حولها في الشارع، كالظروف و المشاكل في مصر بالنسبة للبنات والسيدات صارت أحسن أم أسوأ؟

ثانيا هل تغير شيء شخصيا بالنسبة لك أو بداخلك؟ هل أصبحت شخصية أكثر انفتاحا أم انغلاقا؟ ثقة أم عدم ثقة؟ ولماذا؟

.

.

الظروف في الشارع من انيل الي اسوأ, وانا مش شايفة اي تغيير,وان كان فيه ناس بتحاول انها تكون واعية للي بيحصل وتراعي تعاملها مع الاخرين

.

.

بالنسبة ليا, ع الاقل عرفت اننا "كلنا في الهم
ليلي

.

.

اتعرف علي ليلي هنا

.

.

تحديث: امرره تاج الي كلمات و ريموو و حنين و لمياء محمود
و سمراء النيل والي كل من لديه الرغبة في المشاركة

Sunday, June 3, 2007

الأولة تاج والتانية تاج


تاج تاني و تالت من شيماء و روميل شخصيا باعتهولي كمان

و التاج بتاع تسنيم

حاضر

من عونيا

_____

الاول بتاع شيمو و روميل

____

اسم مدونتك ؟
Epitaph
نقوش علي شاهد قبر
فيه زملا بلوجراوية بيكتبوه شاهد قبر و ينجزوا

..

لماذا اخترته .. ماذا تقصد بـه؟

عشان باحب طريقة نطق الكلمة ديه لغويا ابـ يـ تـا ف
ومعناه..عشا ن دي اخر جملة الانسان بيختارها يودع بيها الحياة و يواجه بيها الدنيا..او ناس تانية بتكتبهاله

...

هل فكرت فى إغلاق المدونة؟ و السبب ؟

ايوة..و السبب..؟ تعددت الاسباب و الموت واحد

...

رمز صورة المدونة؟

شاهد قبر و عليه النقش ..هو ده الابيتاف بعينه

...

ايه طبيعة كتابتك في المدونة بشكل عام.. سيساسة؟ قصة؟ عبث؟ كلام فاضي؟

diaries on air مذكرات ع الهوا

...

لماذا تدون اصلا ؟

باكتب كرد فعل لاي حاجة حاسة بيها او مريت بيها او موقف اتعرضت له..سياسة.. سيما..كتاب... موقف شخصي

...

احلي جملة قيلت لك فى وصف مدونتك ؟

احمد شقير قاللي علي اول تدوينة هنا عن اختياري لاسم المدونة..كنت حاسس ان ابيتاف دي اكله فرنساوي .. طلعت الشاهد اللهم احفظنا
:)

...

التعليقات بالنسبة لك .. ايه أهميتها ؟

وانا مبسوطة..فيه ناس هنا بتفرح بجد معايا
و انا مكتئبة..فيها ناس هنا بتنتشلني من الالم و الضيق و الوحدة
وانا غايبة.. فيه ناس هنا بتسأل عليا
ولما اكتب..فيه ناس بتنقد نقد سليم عشان يبقي فيه احسن
نوع من التواصل الجميل

...

أحلى بوست كتبته .. ضع اللينك .. ثم أذكر لماذا؟

في شهر سابعة.. يوليو.. تلاتة تدوينات ورا بعض..كل ما اتضايق اقراهم.. عشان هما اكتر حاجة بتوصفني..و بيفكروني باكتر حالة مريت بيها...مش احلي بوست عشان اسلوبه..عشان بيعبروا عني اوي

الاول عن
شخصيتي
, الثاني خروج من شرنقة العذابات, الثالث عن دائرتي المفرغة

...
أفضل مدونة قرأتها .. يمكن اختيار اكثر من مدونة

كل مدونة وليها مكانة معينة..مفيش واحدة معينة
لكن انا ح اختاردلوقتي

مختار العزيزي..و محاولاته ضد تفكيك المخ
احمد شقير و ثلاثيته: نظارة شمس, حكاوي ليلية, و الصور الطريفة
صور عز

جدو اسكندر
و لسة فيه كتيييير
...

أفضل بوست قرأته .. يمكن اختيار اكثر من بوست و متنساش اللينك
في الفترة الاخيرة اثر فيا اوي.. موضوع النديم
قهوة امي
و محمد ابو زيد عن الشتاء
و تسنيم يستأصلها بنفسه

...

هل خسرت صديق بسبب كتابة هنا؟
لا ان شاء الله-ده لو حد منهم بيجي او حتي بيعلن ظهوره..سامعني يا بشر!!:)

...

حد قل أدبه ف التعليق؟ ايه كان رد فعلك؟

ايوة
مرة باستخدام الفاظ خارجة.. و كان رد فعلي التجاهل, بعد ما حاولت انه يكون نقاش هادئ
ومرة كان عن موضوع

خطوبة عتريس و فؤادة
..و هجوم و تتار ..علي اساس ان بعض الناس خلاص مش عايزة تسمع غير نفسها..رد فعلي تناقشت بهدوء- واللي عايز يسمع يسمع بقي

و اي موضوع باتكلم فيه عن البنات و احلامهم و اوضاعهم بسرد وقائع.. بيبقي فيه ضرب نار من البعض
واخر اطرف تعليق
لسة واصل علي
مدونتي القديمة علي موضوع الريس برج الثور

و التعليق بيقول صاحبه

ياست البنات انت للاسف امعه ماشيه مع الطياروالله الانماط اللي زيكم همه اللي هيمكنوا الاخوان مننا ويخلونا مداس في رجليهم ماله الريس؟عايزاه يرمينا في جهنم الحمرا!!!؟وياترى هترتاحي لما مصر تبقى زاي العراق مثلابطلوا سخافات بقىبسرعة كده نسيتوا حسني مبارك وفضله علينا؟؟؟؟!!!!فعلا قلة اصل وبكره تندموا وتقولوا ياريت اللي جرى ما كان

:) فلتحيا الديموقراطية

مع العلم اني ماجبتش سيرة الاخوان خالص

بس دع الخلق للخالق :)

..
أسوأ مدونة ... هى كتيرة أصلاً : ) ؟

مفيش!وانا ح اتابع مدونات سيئة ليه
..
أسوأ بوست .. لازم تجاوب .. ويسمح بتعدد الأختيارات

تدوينة فيها تحريف لايات القران الكريم علي مدونة الله الوطن فاطمة

...

أسوأ
مدون .. ما هو حاتجاوب حاتجاوب ؟

كل واحد حر في مساحته التدوينية
زي ما انا حرة اقفل و افتح انهي مدونة
لذا مفيش برضه

...

انشر الآن بشكل حصرى بوست لم تجرؤ على نشره من قبل .. ومش محتاج أقول اجبارى


هو مش مسألة لم اجرؤ او حاجة

هو فضل في الدرج

لسبب لا اعلمه

بس اهو

اسمه _ عبث


عجبا

ما عاد القلب يطرب لدي رؤياك

ولكنه مازال يسهر بانتظارك

!!

_______

احب اباصي التاج

لتسنيم

مختار العزيزي

النديم

محمد مفيد

احمد شقير

بعدك علي بالي

ندا

.

ودمتم

____

و تسنيم بعتت لي ده

التاني

:)

_______

هل تسعد عندما يمرر لك احدهم تاجا؟
تاج الملوك للناس اللي بيجبوك
اول مرة جالي تاج من حلم..كنت مبسوطة اوي..و التاج كان جامد اوي الصراحة

...
هل مقدار سعادتك أو شعورك ايا كان- عند تمرير التاج لك يختلف حسب المدون الذي يمرر لك التاج؟
وليه العنصرية دي؟ لا عادي ..جميل انك تلاقي ناس عايزة تدبسك و تعرفك اكتر
...

هل تستمتع عند إجابتك عن أسئلة التاج؟
لذيذ ورايق
...

هل ترى للتاج أهمية حقيقية؟
ساعات.. لو الاسئلة خبيثة و بتطلع المستخبي اللي جوانا بجد
...
هل فكرت في عمل تاج خاص لك من قبل؟

لا
...
هل تفضل قراءة اجوبة التج عند المدونين الاخرين؟
أم لا تهتم سوى بالتدوينات الأخرى فقط؟
باحب اقرا تصريحات البلدان الاخري وموقفهم من التدبيس
...
عندما ترد على التاج ما الذي تراعيه اكثر؟
جرام صراحة و جرام بساطة و معلقتين غموض بودرة و بالهنا و الشفا
....
إلى من تحرص على تمرير التاج؟
ناس عايزة اعرفها ح تضيف ايه و تقول ايه ع الاسئلة دي بالذات
و اشاكس
جدو اسكندر والمعلم كلمة كل مرة عشان يجاوبوا ع التاج
;)
...
هل تحرص على قراءة اجابات من تمرر لهم التاج ؟ و هل تغير إجابتهم للتاج شيئا في ادراكك لهم ؟
ايوة باحب اشوفهم ح يخرجوا ازاي من هذا المزنق, وهي مش بتغير قد ما بتضيف للبورتريه لشخصياتهم
...

هل تلتزم حرفيا بأسئلة التاج ؟
ايوة
....

ما هي نوعية التاجات التي تفضلها؟
اللي بالشيكولاتة
اي حاجة بتفصح عن الشمخ الجواني ..نقلا عن
المعلم كلمة

..
تمرر التاج ده لمين؟
شادي فايد
لمياء محمود

Daisy
Hoby

جدو اسكندر و كلمة مش محتاجين عزومة

:D

________

شيمو فاضل كدة اخر و اقصر تاج و ليكي عندي غرامة تأخير 75 قرش


Tuesday, May 29, 2007

,,,,,






You're just too good to be true.


Can't take my eyes off you.


You'd be like Heaven to touch.


I wanna hold you so much.


At long last love has arrived


And I thank God I'm alive.


.


.


But if you feel like I feel,


Please let me know that it's real.


You're just too good to be true.


Can't take my eyes off you.


I love you, baby,


And if it's quite alright,


I need you, baby,


To warm a lonely night.


.


.


Don't bring me down, I pray.


Oh, pretty baby, now that I found you,stay


And let me love you, baby.


Let me love you.


.


.


.


You're just too good to be true.


Can't take my eyes off you.


.


.


Oh, pretty baby,


Don't bring me down, I pray.


Oh, pretty baby, now that I found you, stay..


.


.


*Song by Andy Williams..Can't take my eyes off you!



Monday, May 28, 2007

Nostalgia!!





توهنا
مين راح فين
مين اتخطبت
ومين اتجوزت
و مين ح تتخرج
مين وحشاه المراجيح ورا المدرسة جنب الكانتين
و الموف الهادي بتاع الدور الاولاني
وعيد الميلاد في الفصل


مين جري تحت المطر عشان ندوقها
والمعمل..و المكتبة الكبييييييرة و الفيديو
جلاد ملون و اسم المدرسة "فيوتشرز" بيلمع
chalk holderالطباشير
و السبورة و
الهروب من التطعيم
الجديري..و محضرتش امتحانات الشهر و ضاع عليا دور في مسرحية المدرسة
يمني و ايمان بيوصوني قبل ما اسافر في الصيف..مش نسياكم
شروق ح تسيب المدرسة
الباب الجانبي عامل زي باب العجايب
هو السر الي منه بنروح نتمشي مع مستر مصطفي
عشان نروح مدرسة اعدادي و ثانوي


حفلة المدرسة


ضحكة ايمان


كسوف شروق


دلع منة


فاكرني؟


نسيتوني؟


نسيتوا مستر مصطفي؟ ميس هيام؟


طيب مجلة المدرسة..ميس فاتن مكتبة؟


رحلة بانوراما حرب اكتوبر


كنت كاتبة عنها في المجلة


صور المتفوقين في المجلة


فين نهي اسامة؟


فين شيم؟ رنا؟ ايتن؟ امنية؟ نسرين؟


صور..صور و بس


لا..و شوية ذكريات








انتوا بجد رحتوا فين؟



Wednesday, May 23, 2007

وماله مش عيب







فقرات مستفزة




صورة لمواطن مصري ما اكلشي السوشي




.
.
علي غير العادة فتحت التلفزيون و كان الظريف جدا تامر امين عمال يمدح في ربة الجمال شيرين ( اه يا ليل) و ازاي ان الاغنية الجديدة اللي عملاها عن مصر تخلي الواحد يقشعر ..الاغنية اسمها ماشربتش من نيلها.. اغنية يقشعر لها الابدان..و علي حسب قول تامر امين ان عينيه كانت ح تدمع من فرط التاثر.. مسكت اعصابي و قلت اتفرج ع الاغنية..و ماله مش عيب.. الاغنية حلوة.. شوارع وسط البلد الكحك...المطار الغربة...وماله مش عيب بنقول..نرجع بعد الاغنية الحلوة للعكننة ع المشاهد واننا نستحمل تامر وهو بيمدح شيرين في انها في الاغنية هي كل بنت مصرية.. (مع الاعتذار لكل بنت مصرية للي جي) الست شيرين قعدت تتشكر في كاست – فريق العمل- و الانتاج السخي " اللي كان بيجيبلي كل اللي انا عايزاه ..دول جابولي سوشي اللي طلبته...ههههه".. (السوشي لمن لا يعرف من الطبقات الكادحة من المصريين اللي الاغنية بتمثلهم و علي رأسهم شيرين بتاعة القلعة هي اكلة ياباني وليست صيني ) الحقيقة هي فعلا بتمثل كل بنت مصرية لان كل بنت مصرية و كل مصري بياكل علي غيار الريق سوشي.. نصيحة اخيرة.. اتفرج ع الاغنية دول مشاهدة شيرين في اي حوار تلفزيوني بتاتا..او انا انصح اننا نغير اسم الاغنية مااكلتش من السوشي بتاعها..وماله مش عيب


.


.
فاكرين الصيانة و الترميمات..و نذاكرها اي حاجة كدة و مادة مالهاش لزمة غير ضياع الوقت..و نرميها في الاخر..اهو هو ده بالظبط اللي حصل.. قال ايه المفروض اني فيه مادة كمبيوتر عملي و نظري للفرقة الرابعة بالكلية.. و قال ايه كمان ادفع خمسين جنيه..تاخد الكورس العملي عشان تدخل الللاب اي معمل الاجهزة الحديثة.. شوية اجهزة ما يعلم بيها الا ربنا كل اتنين او تلاتة علي جهاز..اللي بيدرسها بيكونوا معيدين بالاقسام اللي عندنا (وهو كله اوفر تايم).. و مشرف عام المادة دكتور كبير في احد اقسام اللغات عندنا..وهو اللي كان بيديني..اول يوم دخل.. قال لنا يا ولاد حافظوا ع الاجهزة لان الجامعة مش هي اللي جايبلكوا الاجهزة انما انتم من المصاريف..و ماله مش عيب..حاضر.. نقعد الساعتين بتوعنا..الراجل عامل زي الفرخة الدايخة يجيب ماوس للجهاز ده و كيبورد لده..و يقفل ده و يفتح ده.. الاجهزة ماعتقدش انها شافت فوطة ..اول يوم كان كوميدي اوي بيتكلم عن الميجابايت و البايت و المدخلات و البتاع.لقيته مرة واحدة طلع من جيب جاكيت البدلة اليمين ده ايه يا ولاد..ده فلوبي ديسك..شوية من جيبة.. يا ولاد ده سي دي بس صغير. شوية من جيبة اليمين دي فلاشة ..حاوي يا ربي..طبعا المحاضرات و لا بتاعة بيل جيتس.. ازاي تكبر الخط ..و تلونة..و اتعلمت اعمل سكرين سيفر اه والله.. و يا ويله يا سواد ليله اللي يسبق كلامه بخطوة..ده انا مرة كتبنا اسماينا زي ما قال.. و قال استنواو احنا تجرأنا و سبقناه خطوة و اختارنا الالوان جه قفلنا الشاشة..وماله مش عيب
.




ده صورة تذكارية لاحد الاجهزة العطلانة اصلا




.
الامتحان العملي.. يكفي الحضور الصوري اعملي المطلوب .. بنختار خمس طلبات من اصل تسعة.. و الحقيقة بيتم فرض اننا نضع اطار للصفحة... فيه اللي معرفش يحط اطار عملها هو اطار و قالها قومي.. فيه واحدة زيي عملت حاجات تانية اصر اني لازما و لا بد اعمل اطار لغاية ما صفحة شغلي طارت كلها من غير ما اكون سييفتها.. قال لي قومي برضه روحي...و السلام ختام..ماشي..الوكسة بقي في النظري.. اه والله استلمنا كتاب لا هو مش كتاب هو ما يقرب الي ورق اللحمة..نسميها ملزمة مجازا مكتوبة بخط 8 تقريبا عشان نعمي الطالب و نوفر في الورق..و مطلوب انه يمتحن فيها.. نوعيه كلام بقي من ايه هو الحاسب الالي.. و اجيال الحاسبات..و ايه فايدة البريد الالكتروني.. و يعني ايه بيانات..ده اللي شفته في اول صفحة و قفلتها.. و نسيت اقولكم انه مادة نجاح و سقوط..عشان اصلها ناقصة.. حد من المشاهدين ح يقولي ماهو فيه ناس لا تفقه في الكمبيوتر شئ و اكيد هي اللي استفادت من الكورس.. ارد بكل اباء و شمم..بلا خيبة..اللي بيعرف في الكمبيوتر استفاد انه وقته بيضيع اكتر مما هو ضايع..و اللي مش بيعرف اتعقد زيادة..و الفايدة الوحيدة ان جيب الوزارة دخل في خمسين جنيه من كل طالب..وماله مش عيب قلنا


سين سؤال:


البرامج


البرامج هي التي تشغل الاجهزة فالجهاز بدون برامج كالسايرة بدون بنزين و البرنامج هو الذي يوجه الحاسب لما يجب عمله و علي رأي البرامج الذي يتكون منه الحاسب نظام التشغيل- منقول من الكتاب نصا ناهيك عن تعريف الكيبورد و الفأرة و سطح المكتب اي الديسكتوب



.




.
كان يا ما كان كان فيه دكتور و دكتورة جامعيين.. بيدرسوا عربي.. كل واحد في قسم.. اشتركوا في وضع الكتاب..قووووم اييييييه؟ قوم الدكتورة متخانقة مع الدكتور ع المادة العلمية الموضوعة لصعوبتها الشديدة جدا و ان مش ده اللي متفق عليه.. قوم اييييه؟ قوم الدكتور سالف الذكر متوعد و مهدد طلبة قسمه انهم ح يسقطوا.. قوم اييييه؟ قوم الدكتورة الاخري مهددة طلبة اقسامها انها بتدافع عن حقوقهم.. و انهم ح يذاكروا ده يعني ح يذاكروا ..قوم ايييه؟ قوم الطلبة اقترحوا الغاء ( بجملة اللغي اللي هي لغيته فعلا من جزء الدكتور الزميل) الجزء بتاع الدكتور اياه و الاكتفاء بنص الكتاب التاني بتاعة الدكتورة بتاعتهم اللي هي فعلا شرحته و مالناش دعوي بالاقسام الاخري و خاصة ان كدة كدة الاسئلة في الامتحان بتيجي لكل قسم منفصلة.. قوم ايييييييه؟ ردت الدكتورة: لا كدة المادة العلمية تبقي قليلة (مع العلم ان الكتاب نصين مالهمش علاقة يعني)...وده لاننا يا شطار بنوزن المنهج بالكيلو مش بالفهم..فبقي معانا كتاب نصه مفهوم و مشروح و النص التاني طلاسم و مقرر علينا و خلاص.. لكن الدكتورة كتر خيرها و من امثالها سطرت معانا علي اجزاء منه..و تسب و تلعن في اللغة الموضوع بيها و تغيظنا و تقولنا مقرر ..و ينتهي الطالب و بين يديه كتاب يحمل الفاظ من نوعية " التأطر- الرجراجة – العلائقية-– وشائج –" و عبارات من عينة




ما به الشئ هو هو , هي من حيث هي هي"


و عبارة اخري :


و ان كانت دلالات المعجم تقصر المماهاة علي التأطير الظاهري او الشكل الخارجي للشيئين المتماهيين او


المتطابقيين. فالمحاذاة و اللزق و الموافقة او التوافق ووضع الفرس رجليه موضع يديه, كلها تؤكد وقوع الحافر علي الحافر من حيث حدود الفاصلة في الاطار الخارجي للشئ


.


ملحوظة تقريبا مقولة "ووضع الفرس رجليه موضع يديه" ان الطالب يحط راسه تحت و رجله فوق مش ح يفهم برضه والله اعلم .


.


مع العلم..ان الكتاب استلمناه في اخر الفصل الدراسي..وعلي الطالب انه يشرب من البحر..و ينجح و يحاول يفتكر كلمة من اللي ح يحفظه ده لو عرف يحفظه و يبقي يقابلني


كفاية كدة عشان اعصابي..دعواتكم


مش باقولكم..و ماله مش عيب

Monday, May 21, 2007

Inspiration....!





















Your Power Color Is Magenta









At Your Highest:

You energize yourself and push others to suceed.

At Your Lowest:

You feel frustrated and totally overwhelmed.

In Love:

You are suprised by who you attract. You're a love magnet.

How You're Attractive:

Open and free spirited, people want to explore the world with you.

Your Eternal Question:

"What is my next source of inspiration?"




What's Your Power Color?




.




.




.




what is my next source of inspiration!!!




.




.




How True!



Thursday, May 17, 2007

بيتك يا عصفورة وين؟


طــيري
طــيري يا عصفورة


Wednesday, May 16, 2007

If You Say so...!







Which Shakespearean Character Are You? Part One: The Ladies







Hero: (Much Ado About Nothing) Sweet, caring and pure. You ARE the goddess the men pray to! Pure and chaste love is the game and you are the champion!
Take this quiz!








Quizilla
Join

Make A Quiz
More Quizzes
Grab Code

في دايرة الرحلة






حكت لي جدتي عن ذلك الكنز الدفين في تلك الجزيرة البعيدة..فكان علي ان ابحر لأجده
.


.
ابحرت و ابحرت...لابتعد عن كل شئ...و أغترب
.


.
اغتربت عن نفسي تارة..و اجدها تارة اخري
.


.
اذوب في

البحر.. لترفعني امواجه..و لتحطمني صخوره..و لتحملني شواطئه
.


.
ابتعد و ابتعد... واضل السبيل,,لاجد فنار يضئ رحلتي بالهداية
.


.
استمر و ابحر... فانكسر
.


.
استسلم و انهزم... فابحر
.


.


وميض الفنار يأتيني من بعيد


.


.
لأصل الي هناك..واجد هذا الصندوق العتيق الذي طالما اشتقت لاقتنائه ..ولكن لصدمتي اجده فارغا..عدا ورقة : " الم تجدي ما تبحثين عنه بعد؟


.
.
فأنظر باتمنان و سعادة الي مركبتي المنهكة من طول الرحلة لأري شراع قلبي يحتضن السماء
.


.


.


.


.
اعود من حيث اتيت.. ومعي كنزي الثمين من اصدقاء و رفقاء تحملوني في رحلتي عبر امواج الحياة بدوامتها و صراعاتها.. فكانوا منارة قلبي...ولكني ابحر من جديد وكلي امل ....وحياة

Monday, May 14, 2007

سين سؤال


شكرا لشادي فايد اللي بعت لي التاج ده..وهو فاصل اعلاني برضه

.

.

أحب شخص لقلبك في الدنيا؟
ماما- هبة (اختي الصغيرة) -عزة (صاحبتي)ه
.

.
انسان مستعد تضحي بحياتك – ركز فى كلمة حياتك - عشانه؟
ماما
.

.
انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟
ايه الشر ده...مهما كان....المسامح كريم
.
.
ما هو:اسم اجمل كتاب كتبه بشر قراته ومحتفظ به حتي الان؟
لكل كتاب مكانة في قلبي ..من شكسبير لغاية رفعت اسماعيل واحتفظ بهم جميعا

.

.

اسم
كتاب كتبه بشر برضة- انت متعلق بيه وبتقرأه كل فترة؟

متعدد
.
.
اهم جهاز
منزلى انت متعلق بيه او بتستخدمه كتير؟
الكمبيوتر
.

.
مكان تحس
بالراحة عندما تدخله؟

بيت جدتي
.

.
شىء تحس بالراحة النفسية عندما تنظر اليه؟
السما – البحر- هبة و هي نايمة
.
.
مكان تحس فيه
بالحنين الى شىء لا تدرى ماهو و ذكريات جارفة الى لاشىء؟

مدرستي..كليتي.. بيت جدتي
.

.
اجمل مدينة زرتها داخل مصر ؟
الاقصر و اسوان
.

.
أجمل مكان طبيعي رأيته داخل مصر ؟
بحر مطروح صيفا و الاسكندرية شتاءا
.

.
شخصية كارتونية بتحبها؟
كابتن ماجد..مازنجر..كونان :)
.

.
نوع هاتفك المحمول؟
تشتريه بكام؟ 6630 نوكيا
.

.
سرعة بروسيسور جهازك؟
ولا اعرف...انت جي تقر ع الجهاز و لا ايه :)
.

.
حجم ذاكرة –هارد- جهازك؟
باين 80..تقريبا..عادي و لا سوبر؟
.

.
المساحة التى تشغلها المواد الاسلامية على جهازك؟
2 كيلو
.

.
نفس المساحة السالف ذكرها فى قلبك -الاجابة لنفسك عشان الرياء يا اخواننا -؟
ربنا يزيدها في قلوبنا
.

.
أهم هدف انت واضعه لحياتك الآن؟
ان ماما تبقي مبسوطة

.

.
مواصفات فتي الأحلام بالنسبة لك؟
عريض المنكبين طويل القامة شلولوخ
طموح...بس الجري ورا المادة مش يسرقه
قوي.. لكن مش مفتري
حنين..لكن مش ضعيف
يحسسني بالامان

يحميني من نفسي, مخاوفي, عقلي ,وساوسي ,واي حد وكل حاجة
يكسب ثقتي
يفهمني..ودي مهمة صعبة
نحلم سوا..نتشارك..مش عنيد
مايكونش غامض.. يدخلني عالمه
يتقي الله فيا
مايكونش متردد.. مقدام كدة..واثق من الفوز

مايكونش عصبي..مابحبش الصوت العالي

:Dمابيكرهش الانجليزي..عشان نعرف نتفاهم

مايكونش بارد..حياتنا ح تبقي تلاجة..ده علي اساس اني باردة و هادية :)

محب للحياة..منطلق
.
صف ما يأتى:شعورك لما بتسمع كلمة مصر ؟
مصر التي في خاطري و في فمي
احبها من كل روحي ودمي
.

.
شعورك لما بتسمع كلام عن اليهود؟
يهود..ديانة..لكم دينكم و لي ديني..اما الصهاينة..خونة و قتلة و ارهابيين
.

.
شعورك لما بتشوف ظابط شرطة؟
اه يا قفا...
.

.
شعورك لما بتشوف الكناس العجوز فى الطريق؟
مصري..بيلم زبالة الفساد..الوحيد اللي بينضف مصر
.

.
افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟
المهم هو احساسه ايه..عامل كدة عشان الناس...و لا لربنا؟
.

.
احساس يراودك فى اشارة مرور مغلقة بسبب مسئول كبير؟
يا عيني ع العسكري اللي واقف في الشمس من غير ذنب

.

.

:) وبس

Sunday, May 13, 2007

Seeking Strength!!






tell




me




to




be




STRONG
.


.


Exhausted


.


.


Have to Fight


.


.


Can't


.


.


.


Have to

Friday, May 11, 2007

Perplexed!





blurred
.


.


.


.


.


.


thinking...!


.


.


.


.


.


what to do?!



Thursday, May 10, 2007

Resurrection of Hope!








At a time... when I was searching for the remains of strength within me.. when I was digging into the rubbles of my soul, searching for ashes of hope... at a time when I sought -or rather waited- for security and love from someone in particular, but never had them... at a time when I was declining so fast... getting absorbed in the whirlpool of loneliness once again... Angels have come to enlighten my way again, to take my hand! My God-sent angels to me with indirect messages of the revival of hope!




.




.




Love still exists !!




.




.




They've inspired me ... Resurrected what has long died..or was about to die!




.




.




Tears .. but with taste of happiness!!




.




.




For you..and Only because of YOu.. I am gonna fight.. will Not Succumb!




.




.




God!! Grant me strength and power for my last struggle, Only for them...! Lord! Grant me strength not to disappoint those who taught me to love ... and made me feel loved! O Lord! I am thankful to You.. for You've sent them to my way, please Make me able to give them their due value, the messengers of hope... ! will try not to let you down .. O Lord! aid me with that!


.


.


p.s. I wanted to dedicate it to those messengers of hope... but how can I name them all... I'd suffice to say.. Dedicated to Azza ( the one who inspired me most and provoked me to translate my tears to words ) , Neveen ( the one whom I woke up with a message of love) , Mona ( who kindled the candle of hope) , Nouran ( who taught me to laugh sincerely from the bottom of my heart) , Hoda ( who showed that kindness exists) , Hagar Adel ( who without knowing wiped the rust wrapping my heart with her few lines) , and Department of English 07 ( the love incarnate) :)



Sunday, May 6, 2007

فاصل اعلاني: و متنساش العلامة

خلاص يا اخواننا مولد و انفض...و اقعدوا يا بنات بحسرتكم, زينة الشباب اتجوز, ربنا ينصره علي مين يعاديه هاي هييه!
.
.
ابا الحاج جاله تلافون صحاه من احلاها تعسيلة عصاري من عمكم اللي في روسيا و غنا له هابي بيرث تو يوووه (زي ما وليد توفيق بيغنيها كدة) في مكالمة دولية بعد الساعة واحدة عشان الدقيقة بتبقي بنص التمن..و فيه اقاويل انه اشتري (اي عمنا الروسي) كارت منزلي دولي عشان يجري المكالمة..مش خسارة في ابا الحاج العزيز...واحنا بدورنا ارسلنا ليه كارت معايدة و تهنئة في نفس ذات الوقت
.
.
طبعا ابا الحاج زعل حبتين ان زملاته في النجوع المجاورة ما عبرهوش بحتة شيكولاته حتي..بس نقول يمكن انه اعتبار ان اعياد الميلاد بدعة و كل بدعة ضلالة و كل ضلالة في...بالظبط!!
.
.
طلع فيه مدونات صيني و تايواني يا رجالة...وكل واحد ياخد باله بقي ..., مانجلكمش في حاجة وحشة, وانتم طبعا عارفين ان حقوق الطبع محفوظة في التلاجة.... واد يا دوق دوق ما تنساش العلامة
.
.
الثانوية عامة عاملة وششششششش في دماغ العيال ... والاهالي . .. الجدول يا مزنووووق يا مرحرح ع الاخر .. و المراجعات النهائية علي ودنه دلوقتي ..من يومين .. السنتر اللي اختي بتاخد فيه درس..عمال يقولي عروض المراجعات في التليفون...و يقولي "ده اوكازيون يعني نعمل ايه للطالب اكتر من كدة لازم تنتهزوا الفرصة"... والنبي يا شيخ ما انت مزعل نفسك..انا عارفة اختي مش عارفة مصلحتها في انهي درس... دي بتروح لمدرسين و دروس بعدد شعر راسها.... وقرررررررب قررررررررب خد درس تحصل علي مراجعته بفلوس الان..اغتنم الفرص!
.
.

عم باحكي مع حالي :اغنية اسمهان..معلقة معايا اوي..صوتها جميل.. فعلا فن الزمن الجميل .. المعني في بطن الشاعر

.

فتكم بعافية... فيه لجنة امتحانات ح تقفش فيها ..دعواتكم....البلوج بلوجكم..بس لو لقيتم حد طالع ع المواسير..عشان يسرق النملية ابقوا نشوه بالنبلة الله يكرمكم

و يجعله عامر


Saturday, May 5, 2007

كارت معايدة




صورة تذكارية لاسرة العزبة المصونة


.


.


فراشة الحاج الكبير تهني اهالي العزبة الكرام بالافراح و ليالي الملاح..و تهدي اغنية :النهاردة فرحي يا جدعان " لزينة شباب العزبة..و بهذه المناسبة سيتم اطلاق 79 طلقة ناريه في الهواء لعلها تصيب افراد العزبة عشان يرتاحوا..و ينبسطوا
.


.
ايها الناس المجتمعين في هذا الصوان... اللية عيد..و ح ننصب النصبة في النجع الخاص بالحاج الكبير..اللي بيطل ع الترعة الشرقية ..و يتشرف الحاج بدعوة كل الاعيان و العمد النجوع المجاورة (جمع عمدة) لمباركة اليوم الحافل
.


.
يلزم الذكر ان الفرح تبرع به افراد العزبة من اجل ممثلهم و حبيب قلبهم زينة شباب العزبة.. فهو رمز المستقبل بكل اشكاله و الوانه...لم يكدر صفو الاحتفالات غير النميمة النسائية ان فستان العروس هو وارد الخارج من الكرداسة و اشاعات اخري تقول انه من ميدان الجامع... مما اثر علي نفسية العروس و بدات ترطن و تهلفت بلغة غريبة علي اهل العزبة...مما اضطر صديق العريس "ابو العز" ان يقدم "سيخ" محمي يتحط في صرصور ودن اجدع شنب في العزبة يلسن علي العرسان
.


.
تتفضل فراشة الحاج الكبير ان تتقدم بخالص الشكر لرئيس مركز الكفر الحبيب.. و الفلاح النجيب, و المقاول النظيف و الطويل في نفس ذات الوقت, و الغفير ذو الطلة و الكمال و كذلك الاعلام النافع الممتاز اللي كله انس علي الزيطة اللي عملينها لولد العزبة المصون,
وكل من اشرف علي ليلة زينة شباب العزبة
.


.
و في الدوار تم خبز 79 فطيرة مشلتتة كبيرة بالسمن البلدي الفلاحي, و استوردنا الفاكهة و الخضار من جارتنا توشكي, و خرج فريق كشافة لاصطايد الاسماك من ترعة الغيط اللي ورانا لاقامة الولائم, تشرف ام العروسة و مرات الحاج علي دبح الزفر
.


.
الجدير بالذكر ان زينة شباب البلد هو حاجة طول بعرض بارتفاع شلولخ , افني سنوات عمره الماضية في خدمة اقرانه من شباب العزبة, ترعرع علي حكمة الوالد و هو قاعد علي حجر الحاج في دوار العمدة , اما صاحبة الصون و العفاف عروسته فهو سيتباهي بها في اوساط العزبة وامام اروبا و الدول المتقدمة
.


.
اقرا كارت معايدة اخرهنا ايضا
.


.
و يجعله عامر