Sunday, January 4, 2009

يالا حالاً بالاً حيوا أم الفصاد..

اللي في الصورة دي..النهاردة اربعة يناير.. كملت 22 سنة..و عندها طلبة بتدرس لهم..ومحاضرات بتاخدها..ومتخرجة من سنة.. ومش بتشيل شنطة باربي..انما شنطة كبيرة كدة عاملة متقمصة دور الشخصية المهمة الجادة.. عملت فيش وتشبيه وطلعت كعب عمل و بتمضي حضور وانصراف..ومش بتاخد مصروف انما مرتب..واتعرفت علي مصطلحات جديدة زي شغل, اجازة, تأمينات, زملاء..! ورغم كل ده, بتؤمن بالفراشات الملونة اللي ترقص, عندها جنية طيبة حاطاها جنبها تستدعي بيه الفرح وقت الضيق, مخبية "بطريق" صغير تحت مخدتها, بتحضنه كل يوم تنيمه جنبها عشان تدفا بيه..بتحب الشيكولاتة والعسلية اللي بالسمسم, بتحب الورد والريحان, ونفسها في عقد فل! مؤمنة بأهمية غزل البنات في الحياة! يبقي ازاي بقي 22 والنبي؟!ه
____
رسالة الي 2008: كنتي سنة لطيفة وجميلة وهادية..حبيتك رغم كل شئ
رسالة الي 2009: انتي عام البدايات :)ه

19 comments:

Ma 3lina said...

Happy Birthday :))))

PS: U look very cute in that pic

Ma 3lina said...

And, also I love ur hallucination post, from the inside zai ma bi2olo ;))

ستيتة said...

كل سنة وانتي طيبة
مستغربة ليه من انك بتحبي الفراشات وعندك بطريق بتحضنيه
دي تقريبا شوطة برج الجدي انا عيد ميلادي الاربعين بكرة يعني خمسة يناير
ورغم اني يا ستي عضو هيئة تدريس كبيرة حجما وموضوعا "وخدي بالك قوي من حجما" لكن بحب ورده تجيلي يوم عيد ميلادي .... رسالة من انسان كنت فاكراه ناسيني .... بحب العسلية برضه بس من غير سمسم ... ولسه رومانسية رغم اني بلغت من العمر ارزله
كل سنه وانتي طيبة يا جميلة يا رومانسية

Ola said...

Happy birthday sweety:)
You look exactly the same now:D

Anonymous said...

happy birthday :) 3o2bal 10000 sana

Anonymous said...

شفتي بقى
ان ابيتاف حتفضل ابيتاف
اتمنالك صحيان جميل في صباح دافي جنب البطريق بتاعك
يوم 4 يتاير 2999

To a friend said...

كل سنة و انت طيبة و يا رب دايما الجنية الطيبة تملي ايامك فرحة و سعادة

و مرحبا بكِ في عالم الشغل و دفاتر الحضور و الانصراف
:)

الحمد لله الفيش و التشبيه طلع فل

To a friend said...

نسيت اقولك ان عندي صورة شبه صورتك بس عند بيت الغزالة .. في اسكندرية

انا حره said...

كل سنه وانتى طييييييييبه ياجوجو

انا كمان 2009 هتكون سنه البدايات بالنسبه ليا رغم انى خلصت دراسه فى 2008

وهعمل فيش بكره وتامينات وحركات بس معنديش حد بدرسله

سنه جميله عليكى ياسكر

يا مراكبي said...

شفتي .. أنا أول واحد عرفت إن 4 يناير هو عيد الفلاح .. مش كده؟ راجعي البوست بتاع الفراشات

ههههه

كل سنة وإنتي طيبة وسنة سعيدة إن شاؤ الله

Anonymous said...

كل سنة وانتي جميلة
وبتحققي كل اللي انتي عايزاه
وبييجي عليكي اربعة يناير من غير خوف:)

تــسنيـم said...

كل سنة وانتي طيبة انا عرفتك في عيد ميلادك العشرين لو تفتكري

:)

bastokka طهقانة said...

سنة حلوة يا جميل و عقبال 123 سنة
في سعادة و هنا

قبلاتي

Samar said...

كل سنة وإنتي طيبة يا جمييييييلة
:)

ويارب يارب كل سنة أحسن من اللي قبلها
:):)

وأنا كمان عندي صورة زي دي بالظبط بنفس الوقفة في جنينة الحيوانات
:)))))))))

Ahmad Hegab said...

kol sana we anty tayba :)

Epitaph1987 said...

Ma 3alina,
thank you dearest :))
hallucination is an integral part of living! :D

ستيتة
كل سنة وحضرتك طيبة
اجدع ناس بتوع برج الجدي
ربنا يديم عليكي الفرح والسعادة يا رب
وبالعكس بقي سن الاربعين ده احلي سن
:)) ميرسي لحضرتك

Frustrated,
you think? :D thanks 7obyyy! *kiss*

Nehal,
thanks , lovely one :)))

مصطفي
ياااااااه 2999
والبطريق ح يكون لسة عايش؟
:D

فضفضات نور
وانتي طيبة وجميلة
هو كلنا كان عندنا نفس الصورة ولا ايه!!:D

انا حرة
وانتي طيبة يا رب
:)) بداية جميلة عليكي
وفيش تشبيه زي الفل
:D

يا مراكبي
شفت بقي
انا عارفة واديت حضرتك جايزة حل الفزورة
راجع بوست الفراشات
:D
وحضرتك طيب وفرحان :)

alexandmellia,
امين :))))

تسنيم
وانا مبسوطة يا توتا
عقبال سنين كتير بقي :))

طهقانة
وانتي طيبة وسيبماتيك
:))

سمر
حبي..واضح ان كلنا عندنا نفس الصورة بقي
:DDD وانتي طيبة وحياتك مزروعة لافندر

احمد
وانت طيب :)) تتفضل شيكولاتة؟
:D

ody911 said...

كل سنه وإنتى طيبة يا إبى

مع إنها متأخرة


بس إنتى فاهمة المصطلحات الجديدة مأثرة على الواحد بقة


عادى بقة


أودى

saso said...

متأخرة متأخرة
كل سنة وانت طيبة يا جميلة
وتفضلي دايما دايما زي مانتي البنوتة الصغيرة اللي بتحب الدنيا

Epitaph1987 said...

اوودي
ولا يهمك
كل سنة وانت طيب
ومش عادي
:)


ساسو
ربنا يخليكي يا جميلة
كفاية طلتك
:) الك وحشة
وكل سنة وانتي جميلة زي ما انتي