Sunday, September 11, 2011

Fun Facts!

شوية ملاحظات سريعة ما بين هنا وهناك!! - وأغلبهم عن الشيكولاتة بما اني مدمنة!! :)ه

مقيش لا فانتا ولا ميرندا ولا بالتفاح ولا باليوسفي ولا الدلع ده!!-انما عندهم كراش! اي والله كراش بتاعة زمان دي!
شيكولاتة جالاكسي..اسمها دوف هنا!! ومش حلوة!
كادبري هنا..خرافة!
الشيبسي هنا وهمي! انا مش ح اعرف اكل شيبسي تاني في مصر عااا
معندهمش شيكولاتة "مارس"!! بديل مارس Three Muskteers
شيكولاتة مارس اللي باللوز النادرة عندنا في مصر...اختها هنااللي باللوز الجديدة دي سموها سنيكرز
الفاكهة بلاستيك!! شكل يفتح النفس..الطعم من غير مبيدات مسرطنة منيل!
المانجا هنا وحشة اوي! محرومين من اللحوسة!
مفيش عصاير زي عندنا! متلاقيش عصير اناناس ..عصير جوافة..عصير مانجا..! هو عصير البرتقان المشروب الرسمي هنا..وبصراحة هو فريش جدا
ملقتش ديتول!! بخ اختفى
هي مصاصة تشوباتشوبس راحت فين هنا؟
الشيكولاتة البيضا نادرة ..وفي الأغلب بتكون مستوردة
مالتيزر مش موجودة
شيكولاتة "باونتي" مش موجودة..وليها بديل امريكي! بس كدهون
مفيش قطط! مفيش قطط في الشارع!! انا نسيت شكل القطط!
نادرا اما تسمع كلكس!! نااادرا
السينما مش بتختار الكراسي فيها!! سداح مداح كدة
تستجري عربية تتجاوز الاتوبيس اللي موقف الشارع عشان بيركب حد؟ ولا تقدر اصلا
مبيسهروش! ع الساعة 10 كله بيقفل! حتى السوبر ماركت ومحلات الاكل! كئيبة بالليل
مصر أدفى..مصر أدفى تماما!
...
السؤال اللي بيطرح نفسه..هو ليه الحاجات اللي احنا عارفينها انها امريكاني..بتتصدر لنا..وهما ملتزمين بأقل من اللي بيتصدرلنا بكتير..وبيعتمدوا على منتجاتهم اكتر!! هو احنا ليه بيتصردلنا الهيافة اصلا بس؟!!

6 comments:

Anonymous said...

طيب هو انتي كنتي فين اصلا؟

يا مراكبي said...
This comment has been removed by the author.
يا مراكبي said...

واضح إنك مركزة في الدايت قوي هناك
:-)

الحاجات دي موجودة في أمريكا عادي بس يمكن انتي بس لسه ما لفيتي كويس، أو ان الحاجات دي مش موجودة في المنطقة اللي انتي فيها

وموضوع الصادرات والواردات .. احنا ولله الحمد بنستورد كل حاجة .. هايفة ومش هايفة .. من أول الماكينات والطيارات والمواتير .. لحد الشيكولاتة واللبان والهَبَل .. بس أغلب وارداتنا هَبَل

Anonymous said...

- الديتول وخلافه حتلاقيه في محلات العرب وغالي ... أي مطهر هنا احسن من الديتول وارخص زي لايسول وكلوركس
- باونتي موجودة بس تدوري عليها كويس في محلات ويجمانز او شوبرز تقريبا
- إنجوي :)

Epitaph1987 said...

Anonymous,
كنتي؟ انا لسة هناك :)

يا مراكبي
جدا اوي خالص!
لفيت..بس الفكرة ان وجودها مش كتير زي عندنا فعلا!!
يعني مش بنفس الكترة اللي بنلاقيها!!

Anonymous,
انا سعيدة بالمطهرات اللي هنا
وانا مش حواليا محلات عرب اساسا
:(
بس مفتقدة ديتول وايبس الصراحة :D
بالنفس لباونتي..والله البديل الامريكاني بتاعها حلو
:D
and am trying to enjoy...
Thank You :)

انا حره said...

انا اللى نفسى اعرفه بجد هو سر طعم الخضار والفاكهه عندنا بره البلد دى كل الخضار والفاكهه ملوش اى طعم ... تفتكرى السر فى المبيدات و ميه المجارى ولا عشان الحاجات دى مزروعه فى ارض مصر عشان كدا واخده حلاوتها

احيانا والله تتصادفى كدا بمانجايا ولا جوافايا تحسى من كتر حلاوتها انها جايالك هديه من الجنه

على فكره البوست كان ماشى حلو اوى ودافى وجميل بس السطرين الاخيرين دول بوظولى الحاله :))