Monday, January 4, 2010

امتنان..

إلى كل اللي كانوا معايا سواء في لحظات قصيرة ،واللي فضلوا معايا وقربنا اكتر، لكل الخيوط الصوف اللي اتحولت فجأة لكوفيات طويلة ودافية، للساحرة الشريرة اللي خلصت منها، لاسوأ سنة تمهيدي مريت بيها وخلصتها هي كمان، لتاني سنة شغل ليا، وللف ع المكتبات،ولكل الفراشات البيضا اللي كانت بتيجي تصبح وتطمن، ولعلي الحجار والوعد، ولبكرة اللي جه اخضر، ولتميم ومريد ورضوى، ولكل فنجان قهوة مظبوطة، وللضي، ولكل لحظة اكتئاب وضيق، ولكل لحظة فرحة مسكرة، ولكل كتاب حلو قريته،ولكل علامات الكون، للملايكة الطيبة والاشارات، لبهاء طاهر، ولصحاب المدرسة اللي كبروا فجأة، لأحلامي، ولمنى ونوران ورزان، وللشيكولاتة باللبن ... شكراً انكم كنتم في 2009
شكراً...لأني لقيتني اكتر..وعرفتني اكتر!ا
وممتنة للحاجات والأشخاص اللي غيرت وأثرت فيا!ا
كبرت سنة...والرقم اللي جنب العشرين عمال يزيد! بس لسة زي العيال عايزةاعرف اللي جاي فيه ايه، وح الاقي ايه جوايا، وممكن تفكيري يتغير ازاي، وايه تاني ممكن اكتشفه عني!ا
.
.
2009: شكراً كنتي عام البدايات فعلا
2010: فقط، كوني جميلة

8 comments:

Ana keda said...

كل سنة وانتى طيبة

ان شاء الله السنة دى تعملى حجات كتير تبسطك ويبعد عنك اى حاجة وحشة

Zianour said...

كل سنة وانت

اسعد وكل حاجة حلوة

مدونك لطيفة زيك وروحها بلون الاوركيد الابيض

كل امنياتي الطيبة

امرأة تقول الذي لا يقال said...

:)

micheal said...

كل سنة وأنتي طيبة وأحلى وأكثصر معرفة
بجد مسكوف أوي أني كنت فاكر أن البلوج بتاعتك قفلت من زمان وإزاي مخدتش بالي أنها فتحت من مدة
تحياتي

Sharm said...

كل علم و انتى بخير

GIA said...

كل سنة وانتي بالف خير يا قمر

Epitaph1987 said...

Ana keda,
آمين..وانتي طيبة :)

Zianour,
ربنا يجعل ايامك بيضا كلها :)

امرأة تقول الذي لا يقال
:)) وحشاني

مايكل
وانت طيب يا رب :)
مكسوف ليه بس! هي كانت اتقفلت وانا عملت واحدة تانية في الخباثة :))

Sharm,
وانت بصحة وخير وسلامة :)

Gia,
شكرا :) سنة سعيدة ان شاء الله على الجميع

No Fear said...

السلام عليكم
ربنا يحلي أيامك و سنينك كلها