Sunday, January 3, 2010

لمستقبل أفضل لأولادنا



لما طلبة هذا الجيل تسألهم لو ممكن يغيروا اي حدث تاريخي حصل يكون ايه..وتكون الاجابة ان هما مش بيحبوا التاريخ ولا عارفين فيه او انهم مش عارفين حصل ايه عشان يغيروه ...وترسى الاجابة على ان الحدث التاريخي اللي ممكن يتغير هو نتيجة ماتش مصر الجزائر...وواحدة مختلفة عن الاخرين تقرر ان الحدث التاريخي كانت حفلة انريك اجلاسيس وانها لو تقدر ترجع بالزمن وتلحق تجيب تذكرة الصفوف الامامية بدل التذكرة اللي رميتها في اخر صف...وان مفيش ولا حرب ولا قتل ولا فساد ولا احتلال خالص جه على بالهم ومش مهتمين اساسا ومش شايفين ان فيه حاجة في العالم ده كله يستحق التغيير ... يبقى إطمن على مستقبل ولادنا


5 comments:

هوندا said...

دمار يامصر مش عمار يامصر
:S

الحقيقة ان جزء كبير ناتج من جهل الآباء نفسهم
للأسف معدش حد بيربى قليل أوى الى بيربو ولادهم

كلمه said...

tareee5???!!!!
ely fat mat b2a, w kol 3am w ento b 5eer :D

ysf said...

حرام

mohra said...

يالهوى
قريتى فين الكلام ده؟؟؟
بس تعرفى مش غريبه قوى لو فكرتى ان دى نتيجه طبيعيه لكل اللى احنا عايشينه

Epitaph1987 said...

هوندا
فيه طبعا مسئولية على البيت
بس ايه انعدام الوعي والتغييب ده
يعني شكل المستقبل ح يكون ايه لو الاغلبية كدة

كلمة
looooool :D 3la ra2yak :D wenta bel se7a wel salama :D

Ysf,
حرام على مين بالظبط؟
:)

مهرة
مش قريته
انا كنت بامتحن الطلبة دول! ومش صغيرين دول طلبة جامعة!!
اهو بمجملة البنج اللي العيال دي عمالة تستنشقه من الاعلام والهلس واي حاجة تبعدهم عن القضايا اللي بجد! بس برضه عليهم مسئولية انهم مش يهربوا للهيافة بعيدا عن قضايانا!
الا مافي حد جبر بخاطري وقال فلسطين واوقف الاحتلال ولا اي حاجة
حتى اسئلة التمني كمان...مش ممكن نغير بيها الواقع ولو في خيالنا!!!

لله الامر من قبل ومن بعد