Tuesday, November 11, 2008

خيط دخان



أخرجت من حقيبتي علبة السجائر, فضضت عنها الورق الشفاف, دسست انفي به لأستمتع برائحة التبغ غير المحترق, ألقيت "السوليفان" بعيداً وضحكت..فأنا أعرف كم كنت تنزعج من علبة سجائرك دون تلك الورقة الشفافة السخيفة! أعرف الطقوس التي سأجريها هذه الليلة جيداً..(ال ام زرقاء) سجائرك المفضلة! الساعة الثانية إلا دقائق قليلة بعد منتصف الليل ..لم أنم..كنت قد ارتشفت فنجاناً من القهوة (المحوجة) كفيلة بإبقائي متسيقظة لأعوام قادمة! أخرجت دفتري وفتحت صفحة اليوم (12 ديسمبر) ! اقرأ قليلا منها: "..السابعة صباحاً..يوم جديد..ح اشوفك! الثالثة عصرا: قابلت (..) رغينا شوية واتغدينا سوا..وفكرتني ان النهاردة 12 ديسمبر...وانا مكنتش ناسية! السابعة مساءا: ..اشتريت السجاير من كشك عم صبحي..الراجل استغرب معرفش ليه..اشتريت شيكولاتة ومشيت! العاشرة مساءا: وحشتني اوي ..ح اقابلك الليلة ..ح تيجي انا عارفة..وانا ح استناك ! منتصف الليل: "هج الحمام منه وبقيت الي حالي الي حالي"*.. باكرهك يا فيروز!" ..ابتسم لما خطته يداي علي مدار اليوم..والان انها الثانية بعد منتصف الليل: بداية الطقوس...سنتلقي! ارتديت "السويتشيرت" الكحلي الذي كلما رأيته كنت تسخر من منظري وانا اعقص شعري الي الخلف, كأني استعد الي الركض في مارثون اوليمبي, كنت اضحك علي التشبيه , وأنا مرتمية كعصفور صغير بين احضانك الدافئة! لكني تركت هذه المرة شعري مسدلاً كما كنت تحبه..ووضعت الكثير من عطرك المفضل..لا ينقصه الان سوى أن يمتزج برائحة سجائرك..لأتدثر بوجودك! أشعلت "سيجارة" وحيدة..وأسندتها علي حافة "الطفاية" ...جلست بجوارها علي الأرض ..لا لأشاهدها تحترق, انما لتستدعي تلك الاطياف في صمت..! كان الدخان يتموج في أشكال عدة.. أولهم, كانت ضحكة جميلة جداً..ثم وجهك الهادئ..فكانت عيناك الحانية.. ثم يد تعلق بها اصبع طفلة صغيرة! تموج خيط الدخان الرمادي اكثر فأكثر..فأحدث دوائر صغيرة كتلك التي كنت تصنعها بهدوء حينما تدخن..!كنت تضم شفتيك..وتنفث الدخان بهدوء, و اطاردهم أنا بأصابعي الصغيرة كمن تعزف البيانو علي الهواء..فأسمع ضحكاتك وأنا أتراقص من حولك أطارد خيط الدخان! توشك السيجارة علي الانتهاء, استنشق اكبر قدر من النيكوتين ليحتل رئتاي.. لم أعد اسعل كما في السابق..صارت تلك الرائحة مألوفة جداً ..بل وجميلة جداً ..مدمرة جداً .. واشتاق اليها ..جداً, جداً! كان خيط الدخان الان يأخذ اشكالاً مرعبة تطارد رماد الذكريات العذبة! رأيت وجهاً مخيفاً, ليس بوجهك, انما وجه بلا ملامح..نظرة شاردة.. وجوه تبكي.. كانت أشباحاً الان! أشباح كتلك التي تزورني منذ ثلاثة اعوام الان في كل ليلة موحشة كتلك... تلك الاشباح الأليفة التي حدثتك عنها في مذكراتي.. تمنعني عن النوم قليلاً.. تحثني علي البكاء كثيراً, تجعلني ارتجف دائماً, ثم يبزغ الفجر..فاهدأ..أتلو بعض من الايات وأنام! كانت السيجارة قد احترقت عن اخرها..ونثرت الرماد من حولها ..فاتخذت انا هذا الوضع الجنيني المعتاد ..اسندت رأسي المتعب علي ركبتاي..وبعينين زائغتين, اشاهد الأشباح التي ظلت تحتفل صاخبة بعيد ميلادك هذه الليلة..اما انا فكنت اتمتم بالفاتحة.....لك!ه


(تمت)


_____


من أغنية "وحدن بيبقوا" لفيروز*



20 comments:

Ghafari said...

:))

Nour said...

جميلة قوي يا هاجر..قوي

Unknown said...

فكرت في حاجات كتير

لكن ماتخيلتش انه مات

):

إبـراهيم ... said...

حلوة قووووي ، قوووي ، ، قوووي


في الأصـل داخـل أقول لك حمد لله ع السـلامـة ،

كان بلغني إن مدونتك أصيبت بوعكة تدوينية


************
التديونة فكرتني بـ "زي النهاردة" فكرة المذكرات دي حلوة قوي، ياريت الواحد"يعرف" بجد يعملها !!

ody911 said...

الصورة مجسدة بطريقة غير طبيعية


بجد هايلة أنا كنت حاسس إنى قاعد مع البطلة


هايل


يا إبى

هايل



عادى بقة
أودى معى

Anonymous said...

مكملتهاش يا هاجر
سامحيني
اول مرة مكملكيش حاجة
سامحيني

اللي جوايا كنت بكتفي بيكي تحسيه عني
بس المرة دي وجعي مكتفتيش تحسي بيه
عرفتي تحسسيني بيه
و بوجعك يا صحبتي
.............
.............
لا اله الا الله

سها السباعي said...

حلوة اوي


بس ممكن تشيلي الوورد فيريفاكاشن من التعليقات

علا من غزة said...

هاجر ...

انا بمر بحالة من الاندهاش

المرة الي فاتت قلتيلي اني قرأت بين السطور

بس هادي المرة انتي حكيتي بلساني !!

يمكن مش بكل التفاصيل .. لكن ..

ال ام زرقا

العطر الممتزج برائحة السجاير

دواير الدخان

ريحة النيكوتين الي اتعودت عليها بعد ما كنت بكرهها

قرائتي لآيات من القرآن لعلها تهديني

وقراءة الفاتحة .. ليس له .. وانما على قصتنا التي انتهت

كلها تفاصيل غريييبة جدا

مندهشة من وجودها في قصتك !!

وكالعادة .. لم امنع دموعي من النزول

تسلم ايدك

دينا فهمي said...

يا نهار مدوحس )):

حرام عليكي يا بنتي

Epitaph1987 said...

Ghafari,
:D na3am?! :P

Nour,
:) تعرفي اني بانبسط لما باشوف تعليقاتك يا ست الحاجة
:D

اسراء
:))انها لكل من فقدناهم وافتقدناهم في الحياة

ابراهيم..معايا
يا هلا "بأنت..وأنت" ههههه
الله يسلمك :) قدر ولطف بقي
:D فيلم زي النهارة..فيلم جميل
وفكرة المذكرات ع العموم..هي حاجة غريبة اوي..كأنها شاهد علي جنوننا
:)

اوودي
:) مبسوطة انها عجبتك..وانت حسيت احساسها

وحدي
صديقتي..اشعر بأني اعرفك..لكنه الزهايمر اللعين..او انك غيرتي الاسم
اسفة ع الوجع
قد يكون الالم..مرحلة لابد منها للوصول الي بر الشفاء
كوني بخير :)

سها السباعي
اشكرك
:) word verfication مزعج للدرجة؟
:D

علا
غالين الدموع دي :(
مش عارفة انبسط من "التليباثي" و اني قريت القلب والافكار
ولا اعتذر علي تذكيرك وعلي ألمك
انه يا صديقتي الجميلة.."خيط دخان" الذكري
:)

امرأة تقول الذي لا يقال
:) اي خدعة

dandana said...

الألم بيخلينا نعمل حاجات كتير ماكانتش تخطر على بالنا ف يوم
معتقدين إنه ممكن يروح أو حتى يخف شوية
بس مابنبقاش متأكدين
عشان كدا ف أغلب الأحيان
بيزيد

حلوة يا جوجو

admelmasry said...

بصراحه انا ماقريتش البوست بس اتفاجاءت
.
.
مش كان اولي بيكي زي ما قولتي ان البلوج ضاع
تقولي ان البلوج رجع تاني واحمد لله ؟؟؟
.
.
.
الف حمدلله ع السلامة يا فندم

daktara said...

احساس رائع
سمعت ان المدونة تم حجبها
هل عادت من جديد
لو حدث اذن عودا حميد

إيمان قنديل said...

وحشتني بنوتي الحلوه



والحمد لله أنك استعطي إعادة مدونتك

Epitaph1987 said...

دندنة
الالم تكوينه غريب..ومحدش عارف بقي بياخد شكل ايه..ولا بيشكلنا ازاي


ادم المصري
:) كان حقي بعت تلغراف
بس انا كنت عارفة انك ح تلاقيها يعني
:)

دكترة
يا هلا يا هلا
هي المدونة تم مسحها خالص بسبب هاك
هي مش رجعت..دي مدونة جديدة
ومنورني فيها من تاني :)

مكسوفة
يااااه
وحشاني
:))
منورة المدونة الجديدة..زي قبل كدة واكتر :)

Geddo Iskandar said...

ya gamed enta ya gamed :))

ra2e3a ya hagar - ana 3andy 2eqtra7 from now on ... fyh posts 7a2olek print it & add it to (a / the) file

de testahel tenzel demn magmo3a qasasya :)

Anonymous said...

i agree with geddo completely!

more than great begad!!!!!

Ma 3lina said...

Lovely :))

loved the smoke part alot lol

Epitaph1987 said...

جدو اسكندر
يا سلام يا باشا
رافع من روحي المعدنية دايما كدة
:D magmo2a qasasya mara wa7da!! :DDDDD fi maglet Mickey :D
toshkar ya basha..2oly 3ala ra2yak keda dayman :))

Evaluna Hanem :)
:)) Thanks, sweets :D always appreciated your opinion.. just like the good old days :))

Ma 3lina,
:) glad that you liked it ya Dr. :)

Ahmad Hegab said...

كل شويه ارجع اقراها