Wednesday, March 18, 2009

يا رب شوية ضي



من الصبح وانا بأدور ع الضي..مالقتوش!ا
.
النهاردة ضحكت جدا..لاني كنت خايفة اعيط جدا!ا
.
كدبت لما قلت اني بخير وكويسة...انا مش بخير ولاكويسة!ا
.
مالقتش الضي..يا رب شوية ضي!ا
.
الروتين..بيقتلني ببطء! نفس الشارع ، نفس الطريق، نفس المشوار!ا
.
ساعات بيبقى نفسي التاكسي يغير طريقه..وياخد طريق اطول ولا يتوه شوية! انا مش ح اعترض!ا
.
بقيت اسيب التليفون ينور ويطفي، واكتم صوته..خايفة من الكلام!ه
.
اسوأ شئ ان روحك اللي بتتمرجح وتتنطط..تقف، وتسكن
.
.
.
يا رب ، عرف الضي مكاني...لأني توهت منه المرادي!ا

8 comments:

Hassnaa said...

انا تعبانه اووووي اووي
وانتي بتعبري عني اوووي
:( يا رب

Hassnaa said...

عارفه, يمكن احنا محتاجين بس نفتح الشباك و نخلي الشمس تدخل
بس نفتح الشباك
ليه دايما الحل الاسهل بيبقي صعب؟

شيمـــــاء said...

هيجي
اللى زيك ميقدرش يبعد عنه كتير
بس دورى كويس

مـحـمـد مـفـيـد said...

موجود
بس اياكي والتجاهل

Epitaph1987 said...

حسناء
كلاكيت اول وتاني مرة
سلامتك من الوجع :)
النهاردة الصبح فتحت الشباك ونزلت وقفت بدري قبل ميعاد رحلتى اليومية للشغل
واستمتعت بالشمس
اللي سلفتني شوية نور وانتعاش ع الصبح :)
وادينا بنحاول..حاولي انتي كمان :))

شيماء
:)) متشعبطة اهو في اي حاجة بتنور :DD

محمد مفيد
:)) مفتحة عينيا الاتنين عشان اول ما اشوف الضي اجري عليه
:D

انا حره said...

انتى نسيتى ولا ايه

بكره جاى اخضرى وانتى ايييييييييه

ايوه بالظبط

وانتى بتتبسمى ياقمر

اجمدى

Hassnaa said...

حاضر,هحاول انا كمان

Epitaph1987 said...

انا حرة
اتبسمت حسب نصيحتك
ونصيحة على الحجار
وبكرة جه اخضر
ومعاه شوية بحر
:)))
الحمد لله


حسناء
:)) هو ده الكلام