يا رب شوية ضي

من الصبح وانا بأدور ع الضي..مالقتوش!ا

.

النهاردة ضحكت جدا..لاني كنت خايفة اعيط جدا!ا

.

كدبت لما قلت اني بخير وكويسة...انا مش بخير ولاكويسة!ا

.

مالقتش الضي..يا رب شوية ضي!ا

.

الروتين..بيقتلني ببطء! نفس الشارع ، نفس الطريق، نفس المشوار!ا

.

ساعات بيبقى نفسي التاكسي يغير طريقه..وياخد طريق اطول ولا يتوه شوية! انا مش ح اعترض!ا

.

بقيت اسيب التليفون ينور ويطفي، واكتم صوته..خايفة من الكلام!ه

.

اسوأ شئ ان روحك اللي بتتمرجح وتتنطط..تقف، وتسكن!ا

.

.

.

يا رب ، عرف الضي مكاني...لأني توهت منه المرادي!ا