Monday, January 10, 2011

2011: Resolutions!


عايزة:ه

أجندة 2011 ..يمكن ارجع اكتب تاني
زرعة (ريحان أو فل أو كليهما)..اصبّح عليها كل يوم
الهدية اللي وعدت نفسي بيها لما الدنيا توفي الوعد اللي عليها
ان بكرة يجي اخضر
ان احضر حفلة حلوة اوي واتمشي بعدها وانا باكل ايس كريم ومعايا كوفية انا اللي عملاها
ان الدنيا تحضني
اضحك بصوت عالي من غير زغزغة
البنت الصغيرة تتجنن وتزأطط بشدة
اتصور صورة حلوة...عينيا بتلمع فيها
اذاكر حبة صغنتتين
اقرا كتاب حلو بزيادة..لدرجة اني مش عايزاه يخلص
اكون مع ناس بحبها.. وأنا كويسة بجد وهما كويسين بجد بجد
أتوهم بحاجة اوي..لدرجة الطيران
حد يقول ان كل ده طبيعي وعادي
نسرق شوية فرحة من السما
:) وبس

4 comments:

حنين said...

عارفة يا إيبي إنتي بقالك كاااااااام سنة بتقولي نفسك في ريحان وزرع وفل وياسمين؟
كام سنة يا مفترية؟

كتير!!
انزلي اشتري المشتل كله وتعالي!

Epitaph1987 said...

اه انا ملاحظة ان دي تالت سنة!
حاجة اخر قلة ادب
وكل شوية باشوف مشتل فعلا
ومش باقف اشتريه
لا
ان شاء الله
I wish
:D

يمامة شاردة said...

يارب تتجمّع الحاجات دي كلها في حلم واحد

و تصحي الصبح تلاقيها حقيقة

:)

يا مراكبي said...

ربنا ينولك اللي في بالك كُله ان شاء الله

كل سنة وانتي دايما مُتفائلة وطيبة