Sunday, August 8, 2010

استغماية


غيابك بوّخ أوي!! قلتلك ستين مرة مابحبش لعبة الاستغماية... ايه حكمةانك تمشي وتغيب اوي كدة وتستخبى وأنا عينيا تفضل مغمضة، مش شايفة غير العتمة! الدنيا ضلمة وايديا تايهة مش لامساك..وأنا مش بأحب الضلمة.. بأخاف منها ومن بردها!! ليه أقف محلك سر.. في الضلمة لوحدي!!! ليه نتوه؟! وليه مجريش في حضنك وأعيط زي زمان؟! مش بنتك أنا؟! بص بقى.. خلاص! أنا ح اعد من واحد لعشرة..ألاقي صوابعك الدافية بتخبي عينيا، وتنور ابتسامتي، وميّل إنت على ضهري بصدرك واحضنني جامد ..ونفس طالع ونفس نازل ويايا..عشان اتنفس ! يلا..ح أعد اهو

1

2

3

4

5

6

7

8

9

10

ها...أفتح بقى؟

.....

*يادي الفرح لو جيت*

________

تمت

الجملة الأخيرة..استعيرها من عمر مصطفى، ورزان

7 comments:

تــسنيـم said...

هي الجملة دي لعمر مصطفى؟

تصدقي أنا قريت الديوان و مخدتش بالي و لطشتها من عند حنين من المدونة

:)

حنين said...

يمكن لو غمضت عينيا أوي أوي ومش ح أغش أبدا، يمكن ييجي؟

ويتنفس معايا بالراحة، نفس طالع ونفس داخل
.
.
.
:)

حنين said...
This comment has been removed by the author.
حنين said...

سنيم:
مرثية للشيخ وريحة زمان:

لا أوحش الله منكَ يا شيخ ممدوح
لا أوحش الله منكِ يا روح بتروح

أنا مش ح اعتب عليك
عدم غـُناك في الفرح
آديك مشيت
ومجاش ميعاد الفرح

يادي الفرح لو جيت

*عمر مصطفى*
:)

يا مراكبي said...

جميلة النهاية المفتوحة
لأن لسه فيها الأمل إنها تفتح عينيها وتلاقيه

ياريت تلاقيه

انا حرة said...

حلوة اوى

Hadota ... حدوتة said...

جميل اوى احساسك ان حتى لحظات الغياب والشوق بتحوليها للحظة حلوة .. واحساس جميل

يارب يجى بقى :))