Monday, March 9, 2009

هو صحيح الهوى غلاب؟




عودت عيني على رؤياك وقلبي سلم لك أمري


***


لا أحتمل أنك لست هنا، وأني لا اسرد إليك التفاصيل اليومية السخيفة من الصحيان مبكراً إلى المكالمات الهاتفية، ومحاولات فاشلة للتركيز! أحجم نفسي التى تبحث عنك لتحدثّك عن كل ذلك؛ فقط لتسمع نبرة صوتك وضحكة خفيفة أو إندهاشة، أو حتى تأنيب، أو نبرة عدم إكتراث بالتفاصيل المملة الصغيرة... تفاصيلي المملة الصغيرة.ه


***


أبات على نجواك واصبح على ذكراك


***


اكتب أعلى صفحة الكتاب الذي اقرأه بعضاً من التفاصيل بدلاً من أن تصل إليك: الساعة 11، باشرب نسكافيه وبعد شوية ح انزل يمكن اليوم يخلص!ه


أخرج وأعود... ولا اشغل تفكيري بك! على طرف صفحة الجريدة كتبت: الغدا كان حلو اوي معاهم في البيت، يا ريتك كنت هنا دلوقتي عشان اقولك كدة! ه


***


لو كنت خدت على بعادك كنت أقدر اصبر واستنى


***


تفاصيل...! تفاصيل تزاحم عقلي وكتابتها لا تغني عنك حتى! تفاصيلي تصر أن تكون إليك... يا للغرابة! أخرج مساءً مع مجموعة من الاصدقاء... هذه تضحك، تلك تثرثر... احكي انا لهم عن مخططاتي، عن الكثير... ولكن يبدو الكلام أجوفاً لانه ليس إليك! فلا طائل من الكلام اذاً! سأصمت حتى يبوح الصمت بكل شئ! أُخرج "الموبايل" من حقيبتي عدة مرات بتوتر... وأتوقف وابعده عن يدي! افكر جدياً بكسره، أو أن اسقطه من بين يدي لعل مكروهاً يحدث له، فأتوقف عن الصراع مع نفسي على ان احدثك، وسأقول لنفسي حينها، موهمة إياها بأنك اتصلت ولكن "الموبايل" كان معطلاً! لكني لم اكسره، والموبايل ليس معطلاً، وأنت لم تتصل بعد! ه


***


ان غبت يوم عني أفضل انا وظني
يقربك مني ويبعدك عني
واحتار في أمري معاه ومعاك


***


نعم، انا استيقظ كل يوم في حالة صراع، ما بين أنا وأنا، إلى أن ينتهى اليوم وأغفو الى النوم، محاولة التماسك، وأن اتغلب على لحظات ضعفى التى تحن اليك.أكرهني حين أحن إليك.ه


***


انت اللي شاغل البال وانت اللي قلبي وروحي معاك


***


حتماً سترديني قتيلة يوماً ما... قتيلة هواك الذى يسري بعروقي الآن. هواك الذي اتنفسه حتى بغير وجودك! لازال الصخب مستمراً، لازالوا يتحدثون. المنديل الورقى على الطاولة، اكتب فيه تفصيلة جديدة: لو بس تاخدني في حضنك وتخبيني منهم! ثم ارحل معهم وأنا اضحك، أو هكذا اعتقدت. هو ضحك مؤقت اذا لم اجدك، وضحك دائم اذا باركته أنت.ه


***


واسرح وفكري معاك لكن غالبني الشوق في هواك


***


مساءً، اخرج من مكتبى ورقة بيضاء عريضة واكتب فيها كل شئ، حتى لا اشاركك اياه. الورق الأبيض سيستقبل تفاصيلي التي سـأحرمك منها، مثلما حرمتني من وجودك اليوم: 1- كيكة الشيكولاتة كانت جميلة اوي. 2-(هـ)جت زارتني النهاردة. 3- قابلت العيال اصحابي وصباح الضحك بجد. 4-اشتريت شنطة جديدة. 5-سمعتلك حتة اغنية وانا جاية، عايزة اديهالك. 6-(ر)بعتتلي ميل فيه قصيدة حلوة اوي عايزة اقراهالك. 7-معرفش ليه مش ح اكلمك... الصراحة، أنا عارفة! 8-كتبتلك ميل ومش بعته وفضلت متنّحة قصاد الشاشة ساعة الا ربع وقمت من غير مابعته برضه! 9- مش (أ) اخيراً رجعت من السفر وكلمتني النهاردة ع الموبايل. 10- نفسي اعرف انا عايزة احكيلك كل ده ليه، ليه بجد؟! ه


***


قربك نعيم الروح والعين ونظرتك سحر إلهام
وبسمتك فرحة قلبين عايشين على الأمل البسّام


***


تركت القلم ينفلت من بين اصابعها، ثم ببساطة شديدة، مزقت الورقة وألقت بها بعيدا، وأمسكت بهاتفها وأرسلت إليه... "وان مر يوم من غير رؤياك، ما ينحسبشي، ما ينحسبش من عمري"!ه

____

تمت

مقاطع من أغنية أم كلثوم "عودت عيني"، كلمات أحمد رامي،وموسيقى رياض السنباطي
العنوان: أغنية أخري للست

12 comments:

Ghafari said...

جامد البوست ده يا جوج!

بطلة القصة حالتها سيئة خالث خالث خالث!

(A)

Nour said...

*sigh*

Hassnaa said...

love = sharing bad &good times with the one u care about ..

يا مراكبي said...
This comment has been removed by the author.
يا مراكبي said...

أيوة الهوى غلاب .. أنا متأكد

Sigh

جامدة قوي قوي نهاية البوست ده

ده إيه الروقان ده كله؟

تــسنيـم said...

بمناسبة سؤالك عن / هــو صحيح الهوى غلاب...؟ فالإجابة ... معرفشي أنــــــــــــا


:P

Anonymous said...

هــو صحيح الهوى غلاب...؟
YES so true :)) , Piece of art as usual

انا حره said...

وأن اتغلب على لحظات ضعفى التى تحن اليك.أكرهني حين أحن إليك

ياااه الاحساس دا وحش اوى وصعب اوى اوى بجد بتبقى زى ماتكونى بتحاربى بس عارفه انك ضعيفه ومسيرك فالاخر هتتغلبى وبيقى نفسك تخبطى موبيلك فالحيطه او ترميه من البلكونه ما هى هيا دى الطريقه الوحيده اللى هتقدرى بيها تغلبى نفسك اللى فالنهايه بردو مش هتقدر تقاوم

انتى جميله اوى ياهاجر

Epitaph1987 said...

Ghafari,
شكرا :))

نور
يا بنتي بلاش تنهيد بقى ووجع قلب :D

Hasnaa,
so, these are the syptoms of love then?! :)

يا مراكبي
يعني متأكد حضرتك؟
:D فين بس الروقان
دي شخابيط كدة ع السريع
:))

تسنيم
معرفشي انا
:D

Nehal,
:)) Thanks, sweets!! So it is then!! yemken :)

انا حرة
اسوأ حاجة انك تحارب نفسك
الصراع يبقى جواك
عشان تطفي نور بيحاول يضوي
!
...
وانتي اجمل
:)

بوبو said...

أه طبعا غلاب
تعبيرك عن احاسيسك حلو اوي

Anonymous said...

صحيح جدا
: )
: (

Epitaph1987 said...

BoBo,
:)) شكرا على تشجيعك

مصطفى
طب دي تبقى حاجة حلوة
ولا حاجة وحشة؟
:))