مسيسيبي ..القاهرة...حرايق حرايق

Feb 28, 2007 1:35 AM

الراجل ابو ميكروفون في البلكونة
بميدان طلعت حرب

العمارة و البلكونة و اللافتات و في ضهري العساكر
..
.

Cairo Burning
القاهرة تحترق
____
انطلقنا من الكلية بالعباسية الساعة اتنين و نص علي امل اننا نوصل وسط البلد في وقت قياسي عشان الحق اشتري بعض الكتب اللي كنت عايزاها, و بعديها نطلع ع السفارة الامريكية بجاردن سيتي – لا مش ح اهاجر لسة- انما لحضور عرض فيلم هناك ..الساعة خمسة
..
طبعا خطة التوقيت الزمني فشلت فشل زريع و لقيت نفسنا متأخرين و يادوب جريت علي مكتبة الشروق عشان اجيب اهم كتاب عايزاه للكلية و طبعا مش نسيت و انا هناك اجيب ديوان جديد لفاروق جويدة.. بس المشكلة ما ان وصلت ميدان طلعت حرب و الدنيا مقلوبة و عساكر و ضباط,, و خير اللهم اجعله خير فيه صوت عالي ميكروفون جي من مكان ما, و زي ما اكون كدة سمعت شتيمة في النظام و كلام كدة من اللي ربنا يجعل كلامنا خفيف عليهم: فساد , سرقة.. سونة.. قصور.. تعذيب,, سجون..مش يهمنا... اما الصوت اللي جي من العلالي انا قلت دول جند الله اللي في السماء جايين ينقذونا.. بينما عفاريت الاسفلت ( الشرطة بتاعتنا يعني) هاتك يا لاسلكي و الو الو يا مركز... اتاري بقي فيه واحد ببدلة و حليوة واقف في البلكونة و معاه ميكروفون و بيهدد و يندد و بيعلن ان حزب الغد ح يعمل مناظرة ما بين مرشحيه لاختيار رئيس جديد للحزب مش مناظرات اي كلام بتاعتهم ( الحكومة يعني..هو اللي بيقول والله مش انا) .. ناس بتصور .ورايا عربية شرطة و ظباط و عساكر.و هووب طلعت الموبايل تك تك.. اصحابي بيحاولوا يوقفوا تاكسي للسفارة الامريكية..التاكسيات مش بتقف خايفة.. قالوا القيامة قامت خلاص..ما بالك تقولهم السفارة الامريكية كمان..!!!.. المهم انا بعدت عن اصحابي شوية و صورت الراجل ..و اخدت صورة للعساكر..و هوووووب لسة جاية اعمل فيديو عشان صوت و صورة.. لقيت لك عزرائيل..و حساب الملكين...( تف تف تف بسم الله الرحمن الرحيم.). فيه واحد علي ايدي اليمين و التاني ع الشمال.. و لزقين فيا بطريق غبية اوي.. انتي صورتينا... طلعي الصور..هاتي الموبايل.. ( بهدوء وانا قافشة ع الموبايل) لا انا صورت عادي الشارع و العمارة..لا طلعي الموبايل... لا ما هو عادي انا مش صحفية و لا نيلة.. هاتي الموبايل..خلاص خلاص استني.. ح اطلع الصور عشان تطمن.. دي كلها لقطات عادية ..اهيه الصورة ديه ( بيشاور علي صورة لعربية الشرطة و شوية عساكر و ضباط ) دي مفيهاش حاجة و بعيدة!!.. لا امسحيها.. بعد مداولات قصيرة..خلاص ح امسحها!! (محدش يقولي مسحتيها ليه عشان انا معرفش اتكلم مع ناس دماغهم متركبة شمال).. ماسبش الموبايل و لا انا الا لما شاف انها فعلا ديليت و ما هموش صور الرجل بتاع الميكروفون
..
مفيش تاكسي للسفارة و انا مشيت و حكيت لاصحابي في الطريق اللي جم وقفوا معايا لانهم اتخضوا من منظر الظابط وهو واقف معايا بالمنظر ده..مشينا للسفارة الامريكية.. عشان الميعاد.. حكيت لهم في الطريق اللي حصل و الحمد لله ان الموضوع خلص علي قد كدة..مع انها حتة صورة مش واضحة اوي.. بس بتقول انهم موجودين
و محاولتش افسر خوفهم و ذعرهم من حتة صورة زي ديه صغيرة.. و العسكري(ولا ايه كانت رتبته) بيستظرف بيقول لصاحبتي اللي جت جري تشوف فيه ايه واقف لي كدة ليه عشان مايتدخلوش و يبعدوها : معلهش..اصلي ماحبش مراتي تشوف صورتي منشورة!!!!!! اصل الصورة متصور فيها ببمبي مسخسخ باين
...
Missippi Burning
المسيسيبي يحترق
_____
المفروض ان فيه عرض لفيلم "المسيسيبي يحترق" في احد قاعات السفارة الامريكية (السفارة مش الجامعة..و للاسف بياخدوا الموبايل ع الباب من برة لذا ماصورتش حاجة من جوا)..بيدور حول العنصرية ضد السود في امريكاو واقعة سنة 1964 اللي قام فيها التطهير العرقي و التخلص من الزنوج و القيام بابشع التصرفات الوحشية ضدهم و حرق كنائسهم.. ناهيك عن انتشار الفساد.. حيث الظابط و عمدة البلد متواطئين مع الجماعة اللي بيقوموا بتلك الاساليب الوحشية.. فبمعني اصح بتلاقي الفساد اللي وصل للنظام و بقي يسمح انه قصاد عينه يهان المواطنين.. فقط لانهم سود او يهود او من اي جنس تاني غير الانجلو ساكسوني..مع انهم امريكان
...
فيه الظابط الشاذ جنسيا و اخلاقيا و سلوكيا و فاسد و يقوم باعنف الاعمال ..اللي مش ح احكيها ,لكن كله قصادك يا حكومة.. غير ان القضاء غير عادل..و بيضطر عملاء اف بي اي انهم يغيروا من طريقتهم بقيادة جين هاكمن عشان يوقعوا بهؤلاء المجرمين و بعض من الحق يرجع تاني لاصحابه
...
و في مشهد جميل في جنازة احد النشطاء الزنوج اللي قتل هو و اتنين بيض (بس يهود) علي ايدي الجماعة سابقة الذكر اللي بتناشد بتطهير العرق الانجلو ساكسوني و رفعته عن اي شئ اخر, بنلاقي الواعظ الزنجي واقف بيلقي كلمته. بيناشد بكل غضب.انه حان وقت الكلام و الافعال و الخروج عن الصمت..و الوقوف في وجه الظلم..حان الوقت للتعبير عن القهر و الظلم..و الدفاع عن النفس و عن حضارتهم و ماضيهم و كيانهم
...
Heart of Darkness

قلب الظلام
مش عارفة ليه وانا راجعة في السي تي ايه باستعيد احداث اليوم كله... لقيت ان من ميسيسبي لوسط البلد يا قلبي لا تحزن...ميسيسبي تحترق.. القاهرة تحترق.. بالفساد, بالظلم ,بالسكوت ,بالخنوع ,بالغضب ,بالقهر, بالقرف ..انها
"تحترق و تحترق.. بصيت للرواية الانجليزية اللي كنت اشتريتها " قلب الظلام
عن العنصرية برضه و نظرة عنصرية لابناء افريقيا و السواد مش باللون و العرق بس..انما الاخلاق و الشرور
...
الدبلوماسية اللي كانت بتعلق ع الفيلم ( امريكية سودا كوتة يعني و لا كونداليزا رايس) اسمها ناتاشا كانت لسة واصلة حالا بالا من اسكندرية نزلت من القطر علينا ومع ذلك التزمت بالميعاد و قدمت الفيلم و قامت بتحليله معانا..عرفت نفسها انها عملت في اسرائيل, جمايكا و الكاريبي (!!!).. و بقالها ست شهور في مصر.. و ح تكمل لمدة اربع سنين هنا.. و في سؤال خبيث عند نهاية العرض.. سألها احد الحضور.. شوفتي تفرقة عنصرية هنا قي مصر؟؟! ردت... ايوة... طبعا!! العنصرية مش ضد الالوان و الاعراق و بس..انما في كله!!
...
وبعد ان قررت اراحة عقلي بعض الوقت , تركت الظلام و القهر و الظلم..و بدأت بقراءة الابيات علي ظهر ديوان فاروق جويدة.. فوجدت تلك الكلمات
:

قدمت عمري للاحلام قربانا

لا خنت عهدا ..و لا خادعت انسانا

شاخ الزمان ..و احلامي تضللني

وسارق الحلم كم بالوهم اغوانا

شاخ الزمان و سجّاني يحاصرني

و كلما ازداد بطشا..زدت ايمانا

أسرفت في الحب.. في الاحلام.. في غضبي

كم عشت اسأل نفسي: أيّنا هانا؟

ها هان حلمي..ام هانت عزائمنا؟

أم انه القهر..كم بالعجز أشقانا؟

شاخ الزمان..وحلمي جامح أبدا

وكلما امتد عمري..زاد عصيانا

والان اجري وراء العمر منتظرا

ما لا يجيء..كأن العمر ما كانا

...
و يجعله عامر

تفاريح

الـحـنـيـة

الـحـلاوة

الـحـريـة

الـشـقـاوة

الطعامة و اللزازة

دي كنافة دي بقلاوة

كان فـيـه بـنـت اسـمـهـا
تـررررررم

ضـحـكـتهـا مش طبـيـعـيـة

!

___

من اغنية محمود العسيلي ترررم

تا اقدر نام

اضم يداي بقوة, اقربهما الي قلبي, اتمتم بدعاء
.

.

ترنيمة فيروز لا تتوقف
.

.
سأصحو من هذا الكابوس.. سأصحو..بالتأكيد سأصحو
.

.
"شو بخاف نص الليل ما حاكيك"
.

.
الم فظيع, يقتلني, يسلبني الارادة
.

.
سأكون بخير,, سأكون بخير.. بالتأكيد سأكون بخير
.

.

مخدر جميل, يقتلني بلذة ..ويالها من نشوة

.

.
اين انت؟؟
.

.

" شو بحس الليلة صعبة..باسمعها ضربة ضربة"

.

.
الالم يختلج صدري, اكتم انفاسي, اشعر بدموعي تنساب رغما عني
.

.
اختنق
.

.
ابحث عنك بين اوراقي . بين ارقام هاتفي, بين نظراتي اليائسة
.

.
اين انت؟
.

.
اغمض عيناي, لعلي اراك في حلم
.

.
كابوس اخر..والم فظيع...ارحل عني
.

.
"انا فزعانة
تقوم عن جد تنساني"
.

.
فيروز تحيك نهايتنا
.

.
"و يمكن حبك جد بس انا تعبانة"
.

.
اسفة, لا استطيع.. ابكي الان كما لم ابك من قبل.. فانت لست هنا
.

.
"حبوا بعض.. تركوا بعض"
.

.

انت في كل مكان , بين حروفي, كلماتي, همساتي, انفاسي
.

.
ارحل عني
.

.
سأنام الان, لاراك باحلامي
.

.
اتمتم ببعض الايات,, احتضني, الالم يعتصرني
.

.

"تا اقدر نام"

.

.
اختنق في الشرنقة التي نسجتها من حولي, لاهرب من الجميع, منك, من نفسي
.

.
انت في كل مكان, في دموعي, مخيلتي, ذكرياتي, اغانيّ
.

.
!!عاهدتني ان تكون دوما هنا.. لكني لا اراك
.

.

"تقوم عن جد تنساني"
.

.
انت كاذب
.

.
اين انت؟
.

.
الكلام الكلام الكلام! سئمت الكلام

.

.

"كل الاحدايث ما بتفيد ما دامك مش معي و الاسوأ مش وحيد"
.

.
اكره الصمت!! تكلم... سئمت الصمت

.

.

افعل شيئا.... الصمت يقتلني
.

.
اين انت؟
.

.
انت لعنة تطاردني لترديني قتيلة
.

.
انقذني
.

.
"حبوا بعض.. تركوا بعض"
.

.

عندي امل, بل يقين, لا ,بل هو الحنين

.

.
سم.. يسري بعروقي , يضخه قلب مريض!سم, سم قاتل
.

.
"تركوا بعض"
.

.
كاذب! قاتل!
.

.
"حبوا بعض"
.

.
اكرهك
.

.
رجفة غبية تسري بأوصالي, اعجز عن الكلام
.

.
فقط.. جرعة اخيرة من الوهم..دعني اتجرع الاكاذيب المحببة.. مرة اخيرة قبل الرحيل.. فقط مرة اخيرة لكي انام دون كوابيس, فقط مرة اخيرة حتي يخفت الالم, حتي تذبل الورد, حتي تجف الدمعة, حتي لا اصحو مجددا,فقط جرعة موت اخيرة
.

.
"اعطيني خمس دقايق بس..اسمع عا الموسيقا"
.

.

"تا اقدر نام"

وميض حياة

كالعنقاء... نحترق
ولكن نولد من رماد
.

.
كالعنقاء..ابكي
لكي تلتئم الجراح
.

.
كالعنقاء..نبعث

لنحلق من جديد

______
تقول الاسطورة ان طائر العنقاء يمـوت فى النار، ومن رمادها يخرج مخلوق جديد.. دودة لهـا لـون كـاللبـن تتحـول إلـى شـرنقـة، وتخـرج مـن هـذه الشـرنقـة عـنقاء جـديدة تطـير عـائدة إلـى موطـنها الأصلي، وتحمل كل بقايا جسدها القديم إلى مذبح الشمس في هليوبوليس بمـصــر

.

.

.

P.s.: Dedicated to
Hoby :) as well

هلوسة

كله بيتحرق

ببساطة بيتحرق

.

كلمات

حروف

ذكريات

احباب

احلام

قلوب

ايام

اوقات

ضحكات

اشعار

اوراق

امنيات

.

كله دخان

رماد

تراب

.

لانه ببساطة بيتحرق

كله بيتحرق

Je Suis Malade....

Lara Fabian- Je Suis Malade

__

Je ne rêve plus je ne fume plus

Je n'ai même plus d'histoire

Je suis seule sans toi

Je suis laide sans toi

Je suis comme un orphelin dans un dortoir

Je n'ai plus envie de vivre dans ma vie

Ma vie cesse quand tu pars

Je n'ai plus de vie et même mon lit

Ce transforme en quai de gare

Quand tu t'en vas

...

Je suis malade, complètement malade

Comme quand ma mère sortait le soir

Et qu'elle me laissait seul avec mon désespoir

Je suis malade parfaitement malade

T'arrive on ne sait jamais quand

Tu repars on ne sait jamais où

Et ça va faire bientôt deux ans

Que tu t'en fous

...

Comme à un rocher, comme à un péché

Je suis accroché à toi

Je suis fatigué je suis épuisé

De faire semblant d'être heureuse quand ils sont là

Je bois toutes les nuits mais tous les whiskies

Pour moi on le même goût

Et tous les bateaux portent ton drapeau

Je ne sais plus où aller tu es partout

...

Je suis malade complètement malade

Je verse mon sang dans ton corps

Et je suis comme un oiseau mort quand toi tu dors

Je suis malade parfaitement malade

Tu m'as privé de tous mes chants

Tu m'as vidé de tous mes mots

Pourtant moi j'avais du talent avant ta peau

....

Cet amour me tue si ça continue

Je crèverai seul avec moi

Près de ma radio comme un gosse idiot

Ecoutant ma propre voix qui chantera

...

Je suis malade complètement malade

Comme quand ma mère sortait le soir

Et qu'elle me laissait seul avec mon désespoir

Je suis malade

C'est ça je suis malade

Tu m'as privé de tous mes chants

Tu m'as vidé de tous mes mots

Et j'ai le cœur complètement malade

Cerné de barricades

T'entends je suis malade

_____

ليس بمقدوري الحلم
ولا حتي التدخين
انا بلا تاريخ الان
وحيدة, بدونك
بغيضة, من غيرك
كالطفل اليتيم بغرفته وحيدا
لا اريد انا احيا
لقد انتهت حياتي منذ رحيلك
وتحول سريري الي رصيف قطارات
منذ رحيلك
.
كالصخرة, كالخطيئة
التصق بك
انا متعبة, مرهقة
لا استطيع الاستمرار باصطناع السعادة امام الاخرين
كل ليلة, احتسي الخمر
لا يهم, كلهم لي بنفس المذاق
كل المراكب , تحمل اعلامك
لا استطيع الهروب الي اي مكان
فانت في كل مكان
سأتي اليك لا اعلم متي
سترحل مجددا لا اعلم الي اين
.
انا متعبة, كلي متعبة
دمائي تغذي جسدك
انا طائر بارد ميت, بينما انت هناك نائم
انا متعبة, حقا متعبة
لقد حرمتني من اغانيّ
لقد سلبتني الكلمات التي اعرفها
رغم اني ذات يوم كانت لدي الموهبة امامك
.
سيقتلني هذا الحب
اذا استمر
سأنفجر وحدي
التصق بالراديو كالطفل الاحمق
استمع الي صوتي الذي كان يعرف الغناء
.
انا متعبة, حقا متعبة
مثلما رحلت عني امي ذات مساء
تركتني وحيدة مكتئبة
انا متعبة
حقا متعبة
لقد حرمتني من اغاني
لقد سلبتني كل الكلمات التي اعرفها
قلبي المريض
محاصر بين براثنك
اتسمع؟
انا متعبة

.

بتصرف

________

p.s. :also Dalida performing Je Suis Malade here

احجز مقدماً

اخي المواطن,,اختي المواطنة,,,قال تعالي
"أينما تكونوا يدرككم الموت ولو كنتم في بروج مشيدة" ( النساء 78) صدق الله العظيم, اخي المواطن اختي المواطنة,المجتمعين في هذا الصوان, اذا امتنعت عن ركوب الطائرة خوفا من الوقوع في البحر و تكون طعاما لذيذا لاسماك القرش اللي مش معانا فلوش عشان نوكلها, و اذا امتنعت عن ركوب العبارات خوفا من الغرق عشان مامعكش فلوس تجيب عوامة تنقذك, و اذا امتنعت عن ركوب القطارات خوفا من انه يولع بيك و اهلك ميتعرفوش عليك في مشرحة زينهم, واذا امتنعت عن حضور المسارح القومية خوفا من الحريق عشان محلتناش حاجة نطفي بيها, واذا امتنعت عن الذهاب للمستشفيات خوفا من الدماء و المحاليل الملوثة و اهمال الاطباء و الموت بيد المشارط , واذا امتنعتي يا اختاه من المشي ليلا او حتي نهارا في الشوارع خوفا من السفاح او التحرشات, و اذا منعت ابنك من اللعب خوفا من التوربيني, فاعلم يا عزيزي المواطن و يا اختي المواطنة,, ان الحكومة الذكية – اذكي اخواتها- الان توفر لكم الحل الامثل للتخلص من حضراتكم حتي و انتم هانئين نائمين في بيوتكم,وذلك خدمة متوفرة في جميع خطوط انابيب البوتاجاز, فلا طائرات بعد اليوم و لا عبارات و لا مسارح و لا قطارات و لا حتي سفاح و لا توربيني, خدماتنا تصلك لحد البيت, كل ما عليك الا انك تدعي ربنا ان البوتجاز يفرقع في وشك بسرعة عشان تخلص من حياتك و تقابل ربك , وحتي من غير دعاء, ح ينفجر يعني ح ينفجر, وقد تكون من سعداء الحظ وانت بتدعي ربنا يفرجها و يبسطها عليك.. تكون ابواب السماء مفتوحة تنزل علي نفوخك انبوبة بوتاجاز مشتعلة من حيث لا تحتسبون, وننصح اخواننا المواطنين,ان يتلوا صلواتهم قبل النوم و في كل وقت و كل ادان, و ان تستقبل القبلة اينما كنت, و ان تكون طاهر علي وضوء, حتي تقابل وجه كريم علي اتم استعداد,الكمية محدودة.. احجز انبوبتك مقدما!! و نحب نفرح عملائنا الكرام عن خدمة جديدة ستكون متوفرة في الاسواق قريبا جدا بعد نفاذ الخطة الجهنمية لتفجيركم عن طريق انابيب البوتاجاز, ان القلة القليلة اللي ح تتبقي سيتم توفير لكم خيار موت اخر و هو اكثر رقيا و راحة : اي جهاز كهربائي يولع علي طول اول ما تدوس ع الريموت كنترول.. خدماتنا تصلك اينما كنت.,,,و هذا بعد ان فشلنا في ان نوفر لك "الاستقلال التام".. فنحن نلبي رغبتك في "الموت الزؤام" .. فنحن الحكومة الذكية,, التي تتبع كل اساليب النظافة" و "العدالة" و "الجمال" و "العز" و "الكمال" حتي تنعم بكل "سرور"..و الحياة بقي لونها بمبي

!!
...
ملحوظة: نستقبل العزاء في سلامترو كافيه.. مع توفير القهوة السادة للمعزيين و الكركدية لاصحاب الضغط المرتفع و مياه نار للحكومة الذكية
.

انتهي البيان
...


ويجعله عامر

ذكريات

كنت دايما – ومازلت الصراحة – من اشد المعجبين بعبد الحليم, رغم اني لم اعاصره...انما ارتجف لكل احساس ينطقه, و كل كلمة يشعر بها....اما الست ام كلثوم.... فكعادة الشباب – ال يعني انا منهم : )- كنت احترمها..و اقدر هذا الصرح العظيم الذي يعشقه اباؤنا...لكن لم اكن قد استمعت اليها بعد
..
مش حأقول اني اتربيت في بيت الست و عبد الحليم علي طول موجودين..وانما كل واحد في البيت له ذوقه الخاص,,لذا لم يفرض عليّ شيء بحكم العادة و الاعتياد...رغم عشق ابي لكليهما..لكن انا اللي سمعتهم لوحدي دون اي تدخل خارجي
..

..

المهم..و صار للست جزء من حياتي ..احب من وقت للتاني..اسمع لها...بتشدني لعالم ملائكي هادئ
عالم ابيض واسود
الصراحة و الوضوح
الاستقامة و الحب العفيف
الوردة المفتحة و قطرات الندي في الصباح الباكر
الليالي الساهرة علي ضوء القمر
العيلة المتجمعة ..و جري الأطفال حول مائدة رمضان
البيوت القديمة..و المشربية
وعيون متكحلة بتطل منها

و ضفاير و فيونكة حمرا

..

النيل ومركب وعم النوبي ومراته نايمة علي صدره
الشوارع الواسعة النظيفة
وقهوة ع الناصية و دخان المعسل..ورؤوس تتمايل طربا
البخور في مجلس عربي..و كوباية الشاي
راديو صغير مزروع في اذن الجد و هو يمسك يد رفيقة العمر
موجة عالية ع الشط...تداعب قدم غجرية
دمعة تقبل خد الحبيبة
ويد خجلانة تحتضن يد الرفيق

...

صوت الست يمتزج بالنسيم
تسري النغمات
لتقبل الزهور
و ليتوقف الزمان
...
انه
السكون
الهدوء
راحة البال
الوفاء
الدفء
الاخلاص
الحب
فالحب
فالحب

...

لوحة للفنان حلمي التوني

...

طول عمري بخاف
م الحب و سيرة الحب
وظلم الحب
لكل اصحابه
.
العاشقين دابوا
ما تابوا
طول عمري بقول
لا انا قد الشوق
وليالي الشوق
ولا قلبي قد عذابه
.
وقابلتك انت
ولقيتك
بتغير كل حياتي
معرفش ازاي
حبيتك
.
من همسه حب
لقيتني بحب
..

نفسي اقعد في البلكونة في ليلة قمرية
ونسيم جميل يدغدغني
وابتسم وانا ادفئ يدي بكوب الشاي بالنعناع- مع اني مش بحب الشاي : )
"وانا بسمع الست تغني "سيرة الحب

لوحة للفنان حلمي التوني

يا ما الحب نادي علي قلبي
ما ردش قلبي جوابه
ياما الشوق حاول يحايلني
واقول له روح يا عذاب
.
ياما عيون شاغلوني
لكن ولا شغلوني
.
الا عيونك انت
خدوني
وبحبك امروني
امروني احب
لقيتني بحب

وادوب في الحب

____

ادين للعزيز النديم و تدوينته عن عبد المطلب و وصفه للزمن الجميل و اللي خلتني اطلع من دفاتري القديمة الموضوع ده اللي كنت كتباه من شهور

حنين

الانهيار
الشوق

الالم
الحنين
.

.

جراح
نبض
صراخ
انين

.

.
ولا شئ يبقي

سوي الحنين

اقر انا المسئول اعلاه

هي لطشة صراحة و تسييح واحدة بقي .. بعد توزيع شهادات الاستثمار ام ربع جنيه ع الناس اللي عرفت اسمي في التاج السابق... ادي اخر تاج في ذمتي..حاليا بالاسواق

...
حلم و علا ..توجوني بالتاج الجميل ده..المهم.. انا كتبت اول خمس حاجات خطرت علي بالي..و اليكم البيان التالي

..

اذكرى خمس أشياء لا يعرفها عنك أحد
...
اولا: لو انا كنت اخر حد صاحي,, باروح اتأكد ان اللي نايمين دول لسة بيتنفسوا و عايشين.. ايوة.. اطمن انهم نايميين فعلا, وده بيكشف عن الجانب السوداوي القلوق اللي في شخصيتي, غير اني كل يوم لا اراديا باشوف وفاتي, مرض, مستشفي, حادثة, اثناء النوم...غير بقي ان لو قريت في الجرنال و لا مجلة و لا حتي برنامج عن احد الامراض..اقعد اطبق اعراضه عليا., ليلة تكون عن امراض القلب,مرة تانية الرئة, حتي عند ذيوع السارس كنت خايفة جدا منه, ده جزء من وسوستي.. نوع من التدريب الذهني اللارادي... انا باتخيل اني ح اموت صغيرة, فاحلامي المستقبلية لا تتعدي السنوات القليلة جدا..عشان كدة انا فعلا محتفظة بوصيتي, نوتة صغيرة علي طول في شنطتي او تحت المخدة لما بانام فيها كل حاجاتي تتقسم ازاي و ارقام اصحابي و الباسوورد, و صندوق التذكارات يتقسم علي مين من اصحابي و اخواتي
...
ثانيا:من ذكريات الطفولة : في خروجة عائلية جدا مع عيلتنا و خالي و مراته و عليتها في بداية حياتهم و اثناء فترة الخطوبة, كان عازمهم في مكان ما ع النيل, و بما اني الطفلة الوحيدة ساعتها, و اللي معروفة بهدوئها , يعني حطها في اي حتة ح تقعد ساكتة, رحت عند السور, و منه ع النيل, و قعدت افكر ايه يا تري اللي ح يحصل للشوز (و لا مؤاخدة الجزمة) بتاعتي لو وقعت في المياه؟؟؟!! و ببرائة الاطفال في عينيها قمت قلعتها شوية و مرجحتها, لحد ما هوووب وقع المحذور ووقعت في النيل, و انا سرينة عياط اتفتحت... القرش ح ياكل الشووووووز.!ّ مفيش قرش في النيل!! لا القرش ح ياكل الشوووز انا عايزاها!! المهم هما افتكروها طبعا وقعت غصبا عني و في ثانية القعدة باظت عشان خاطري ( كنت دلوعتهم و بالذات خاله اللي زعلت انه اتجوز واحدة غيري ساعتها) المهم بابا شاورلي ع المراكبي و قالي سمكة القرش مش ح تعرف تبلع الشوز ف ح ترجعها, و عمو المراكبي ده ح يجيبها و يوصلها البيت. (كنت خمس سنين ساعتها اعتقد )...و عمري ما ح انسي منظر المراكبي بيبص لي و يهز راسه انه ايوة..و كلهم ميعرفوش اني انا اللي رميت الجزمة اصلا عشان اعرف ايه اللي ح يحصلها واديني عرفت ....القرش اكلها

... :)

ثالثا: احنا ثلاثة بنات..و انا اكبرهم... هبة اصغر مني بعشر سنين..و الحقيقة الجميع يعرف قد ايه علاقتي بهبة قوية جدا الحمد لله..و اني باعتبرها بنتي اكتر من اختي...و هي كمان.. و يقعدوا يتحاكوا في العيلة ازاي كنت باسكتها و اشيلها و لاعبها ووووو... بس اللي محدش يعرفه اني ساعة ماما ما كانت حامل فيها و انا ما كنتش طايقاها... مضايقة من فكرة ان ح يبقي ليا اخ او اخت تاني غير هدير و انا..و لسة طفل جديد دوشة و زحمة و اهتمام..و فعلا لما اتولدت انا مش شفتها غير بعد مدة,, و كنت مضايقة انها السبب في تعب ماما ساعتها ( عملت بعديها عملية حياة او موت) و بعدين عشان الشكل للبيع.. قعدت اغلس علي اسمها.. يا بابا اسم هبة مش حلو. سميها اي حاجة تانية. سميها هاميس (اسم كان بابا عايز يسميهولي لكن ربنا ستر).. سميها هديل.. سميها اي حاجة.. لما قالي هبة.. قلت له سميها هبة الله طيب.. هو كان اي اعتراض و السلام... بس لازم اعترف ان مفيش شهر و التاني..و انا اللي اتبنيتها و بقت هي قلبي كله.. وعلاقتنا مختلفة تمام وهي عندي بالدنيا كلها..حبيبتي هبة دي :)
...
رابعا: اني موسوسة..يعني لازم اتأكد من نضافة الكوباية و الطبق اوي..و اتأكد من رحيتهم , باشمهم اصلا عشان اتأكد انها من غير اي ريحة ونظيفة تماما ,و اغسلهم بعد ما يطلعوا من غسالة الاطباق ,اصلا المواعين بتتغسل مرتين بسببي, و مشربش مياه من عند حد بره, لازم مياه معندية بتاعتي وحدي,و مشربش من ازازة في التلاجة, لازم من كولمن او ازازة مقفولة خالص بتاعتي بس, ومكولش عند اي حد,مهما كان الحد ده نضيف اوي, اكل ماما وجدتي هو اللي اتعودت عليه , و طبيعي جدا انهم في البيت عندي يتعودوا ع الجملة الشهيرة بتاعتي غسلتوا ايديكوا قبل ما تحضرولي الاكل؟!!, جملة لا ارادية سخيفة لازم تتقال رغم اني شايفاها بعيني انها فعلا غسلت ايدها, و لازم اتأكد من الدوا اللي بيدوهولي, و باقرا نشرة الدوا وراهم, و اكلم الصيدلي علي طول للتأكيد, ماما لما تيجي تديني دوا لازم تجيبلي نشرته عشان تطمني اصلا ,كأنهم ح يسمموني :),علي النقيض تماما انا باكل من اكل المطاعم برة عادي ,طالما مش باشوف بيتعمل ازاي,و ممكن تلاقيني وقفة في محل قصب في الشارع, و اقوله ممكن شاليموه!؟ و برضه ببراءة الاطفال في عينيها

..
خامسا:ornithophobia
انا فعلا عندي فوبيا من جميع انواع الطيور الصاحية .. باخاف منهم, وكنت باصاب بحالة بكاء هستيري لما اشوفهم حتي ع التلفزيون, والي الان - رغم تماسكي- الا اني باكره اشوف العصافير و الحمام و الفراخ ع التلفزيون او حتي صور في جرنال,و اسود ايام حياتي لما كان في البيت كتاكيت عشان هبة تتسلي بيهم, كنت باعتكف في الاوضة و اعيط لو شفت واحد هرب او هدير و لا هبة -اخواتي- مسكينه يقربوه مني, اسوأ مكان هو بلكونة جدتي اللي مليانة عصافير, باقفل عليها لما باكون عندها, ومع اني مش باحلم كتير الا اني عندي كابوس واحد متكرر.,حد ماسك طائر و بيقربه مني و انا لا قادرة اصرخ و لا اهرب و عاجزة تماما قصاد الطائر ده و خايفة, ده كابوسي المتكرر اللي باشوفه علي طول, و للي ح يسأل عن السبب, لا مش حصل حاجة وانا صغيرة عشان اخاف منهم, يعني ماحصلش حادث معين, انا فعلا باكره الطيور,,و للمفارقة انا لا امانع في اكلهم بتاتا.. طالما انا عقلي ما ربطتش بين الكائن الطائر عند دبحه و الكائن اللي في الصينية
...

.

...
ادبس مين معايا

اني راحلة

مختار
العزيزي

ادم المصري

سيجارة

زبادي في الخلاط

ابا ريشة

شادي
فايد

السدغ

عربي و منجي

جدو اسكندر

جدو

هاني-انتوك

شيماء -مدونة الصراحة خنقة

SaSo

زنجولا الطبيب الطنطاوي

...

تحديث: اودي برضه دبسني في نفس التاج...اهو..تاج من غير عروستي يا اودي..وعادي بقي

يا رب يكون موسم التاج خلص :)

اعترافات ليلية

مصري و همس الليل افتكروني بالتاج الجميل ده... الف شكر ع التدبيسة...و اليكم البيان التالي

اية اللي حيحصل لايميلك لما تموت ؟

سايبلهم كل ايميلاتي و الباسوورد لصديقة عشان تفتحهم ..و الاسباب في الوصية مكتوبة

اديت الباس وورد لحد قبل كده؟

اه... ومغيرتهاش..و معنديش مانع يستخدموها

لو اه كانت طبيعة علاقتك بيه اية؟

حد باثق فيه جدا

اسمك؟

ابيتاف!! و اللي يعني ايه يا كتاكيت؟: يعني النقش اللي علي شاهد القبر ..وحدووووووووه
اسمي الحقيقي: عربي اصيل.. اصطلح استخدامه كفعل ماض ماتسيبه في حاله , له خلفية دينية تاريخية..معناه سهل اوي و مش ح اقوله ههههه عروستيييييييييي
(اللي عارف مايقولش اما نشوف مين ح يوصل و ليه ربع جنيه)

اسمي اهو بالهيروغليفي كمان

اسم الدلع المشهور في وسط اصحابك؟

جوج... جوجي..جوجو....جوجيتو

ايبي...اصطلح استخدامه برضه.. تحسه خفيف ع المعدة.. رايب يا حليب.. يا مربرب

عمرك؟

امبارح كان عمري عشرين

برجك؟

الجدي.. يعني السادات..يعني عبد الناصر.. يعني جمال مبارك.. يعني اي حد مفتري و جامد وواصل و انا و انت

مجالك او مجال دراستك ؟

اللغة الانجليزية... كلية انشأها رفاعة الطهطاوي عام1835, عروستي

شخصيتك نوعها اية؟

ستة سلندر :)...عادي.. عنيدة.. باحب الناس.. زي ما بحب الوحدة بالظبط.. باحب الضحك... بيتوتية..قاسية..متقلبة المزاج احيانا..اجيد اخفاء مشاعري .. رغاية.. عند الجد قليلة الكلام جدا و لا استطيع التعبير عن نفسي..مستمعة جيدة .. باردة ..موسوسة..فيا متناقضات كتير

السفر بالنسبة لك؟

تغيير جميل عشان اشتاق للبيت و الناس من تاني

المود بتاعك؟

اسود مقلم بابيض..و ابيض مقلم اسود

وقت فراغك بتعمل فيه اية؟

النت, القراية, افلام, اخرج مع العيال اصحابي

الاكلة المفضلة؟

اكل جدتي-محشي ورق العنب

الصفات اللي خدتها من بابا؟

الهدوء.. البرود.. الوسوسة..حب العمل..حب القراية و التاريخ و دراستي ... ماما بتقول اشبه بابا في حاجات كتير اوي

الصفات اللي خدتها من ماما؟

عنادها..استقلاليتها.. استعدادها الدائم للتضحية..انها عملية و واقعية..و رومانسيتها الخفية و يا رب اكون طيبة زيها

اكتر 6 حاجات بتكرهها؟

العصبية و الصوت العالي
الظلم
التحكم و السيطرة
اللي بيتف في الشارع..معلهش ع القرف
الجبنة- الملوخية
القطط- العصافير

اكتر 6 حاجات بتحبها؟

السينما
المسرح
دراستي
عزة و دينا- اصحابي
بيت جدتي
رمضان
حنية هبة- اختي الصغيرة

الشغل بالنسبة لك؟

الاستقلال التام او الموت الزؤام

الكومبيوتر والانترنت بالنسبة لك؟

نوع من التواصل التيموتيكي مع الاخريين...و ان كان بيأثر ع الحياة الطبيعية و التواصل الانساني

و أحب أباصي التاج لكل من

جدو اسكندر

Hoby

Captian Silver

el sede3'

Kelma

ام العيال

اكتب بالرصاص
ابو فروة- علاء الدين

علا من غزة

عبده باشا

____

بالمرة ح اعمل هنا التاج بتاع كلمة و هوبي ..بتاع افتح الكتاب صفحة 123

واكتب اول ثلاثة اسطر بعد اول خمس سطور من الصفحة

ايه يا عم التوهة دي :)

اول كتاب فتحته لقيت صفحة 123 كلها صور

فانا استقربت كتاب بقي و خلاص المرادي

"Upon
my words, madam," answered Sophia, " it is a book which I am neither
ashamed nor afraid to own I have read. There appeares to me a great
deal of human nature in it; an in many parts so much true tenderness
and delicacy, that it hath cost me many a tear."

from Tom Jones by Henry Fielding

دول اربع سطور مش تلاتة بس علي فكرة..بلطجة معلهش

مين ياخده بقي

مصري

وئام

لمياء محمود

ضياء

__

ملحوظة: كدة فاضل في ذمتي تاج واحد... اللي باعتيتهولي حلم و علا...ان شاء الله في الاسواق قريبا

تحديث: زجولا الطبيب الطنطاوي و وعد العيون ارسلوا نفس التاج....تشكروا يا اساتذة نجاملكم في الافراح ان شاء الله

Hallucinating again!!

Playground school bell rings again

Rain clouds come to play again

Has no one told you she's not breathing?

Hello

I am your mind giving you someone to talk to

Hello

.

.

One of the strange personality tests that I've received in my mail box..and – not like every time- I did take it this time…and just answered spontaneously..! What's weird about it..is the interpretation of my character and people in my life!

.

.

It's put PRIDE as the most important thing to me ( and to this I absolutely agree) LOVE comes in the second rank (yeah.. my pride succeeds over it ) FAMILY then ,and yes it constitutes an important part of my life! Then comes the CAREER in the fourth rank ,which speaks of my theory that I'm ready to sacrifice my own career that I'd love for the sake of FAMILY, LOVE and PRIDE! And finally comes MONEY! This explains why I always told them I don't mind if I'd start my life from scratches with a partner who really loves me, but gives me security , a thing not granted by money.. but warm feelings!! and they only accused me of being idealistic and romantic.. but in fact..I'm none of them..I am just being true with myself!!
.

.

If I smile and don't believe

Soon I know I'll wake from this dream

Don't try to fix me, I'm not broken

Hello

I'm the lie living for you so you can hide

Don't cry

.

.

The interesting part is in the spontaneous description of me and others! A word describes each! Me described as Honest! The partner as AFRAID (are you?! If that so..I'd be happy..it's a very healthy sign then..I wish I'd know!) my enemies described as FILTHY! And my Life as CALM as a Sea!! Yes thank you!! you put it all in a nutshell
.
.

Then ,it asked me to name some people and it figures out to be each has a station in my life and heart!... and yes it suits them all! Here, I added some short messages to them.. things I've never told them before.. and don't think I ever will!

.

.
( 1 ) the one that I'll never forget : ---

indeed.. you're the unforgettable, wished things would have worked out.. but fear and hesitation and many things spoiled even our little lovely, warm friendship! Still you affected me so much and memories are to outlive us.. even if you've never recongnised that!! even if it meant nothing to you, it did mean a lot to me! I've changed a lot! But You were never to blame! I wished you were a little bit decisive more than that! I wish you were closer now , to sit by your side and narrate all stories like a child to you! but who knows! what's to come is to come! but if there is only one more chance to "Fight, babe, Fight" as Scorpions sang.. that would be something! I want you to prove to all of those who wronged me that I was right once.. I want you to lift me up high to the skies as you used to.. and then neither of them could touch me and hurt me as they do now.. I want to feel that security along with you.. that they'd be silenced forever ! Prove to me that I was once right! not blinded nor left in wrecks like they say! just one more time..my "unforgettable"!
.

.

( 2) the true friend: Azza

yes it's you! Dunno how you bore me all of that time.. , though you're a crazy Gemini and I'm a rigid Capricorn..we've got along together..we do have many things in common.. without words we do understand each other, we don't have to say any words of intimacy or love..our own jokes are the secret language between us !! and Dina comes to set the Trio right! thanks to both of you for being in my life,, for sharing my memories.. for listening! I could dispense with everything in the world.. for your presence in my life! and I do mean it!!
.

.

( 3) the one you really love: my mum!

I can hardly express my love or feelings to anyone..that's why they call me the rock-hearted gal.. kisses, love, amore are gestures that I rarely use! I've lost many friends because I did not master the flattery technique! But who said love is only expressed like that! I wish you can know how much I love you.. and you're being my ideal!! My life has been attached to you..more than the normal relation between a mother and her daughter! you're the angel in my life! If anything I succeeded in.. I just pray God that it would be dedicated to you for the sake of your own happiness!! That's how I say "I Love You",, hope you'd realise that and accept it ! it seems that's the only thing I can grant now.. I'm broke of any other tools!!
.

.

( 4 ) your twin soul: Heba ,my youngest sister!

Though you're 10 years younger than I, but that strange connection is between us since you were born! Yes.. you're my twin soul! Weird to know that you used to cry asking when I'll be back when I was away from home! Me too..I used to ask after you!! you're my smart little babe.. who understand me like the back of your hand.. despite your very young age!! Bebo..you succeeded all those who never understood me..even the closest! I don't feel ashamed when I cry in your arms and you just hug me.. though you never knew the reason..or even understood it… your pure instinct just knew that I need you at the moment ..so ,you just give me one of the warm of hugs of yours! Isn't it just beautiful?!

.

.

That what happens when I'm ill.. a state of frankness and hallucinations! it's when I unveil something deep inside me..! is that why I hate being ill ?? yes.. it's always been a state of weakness for me..it's when I am true with my own self !..anyway.. I'm done with my halluciantions this time!!

.

.

Suddenly I know I'm not sleeping

Hello

I'm still here

All that's left of yesterday

___

EVANESCENCE -Hello

هوي اصحابي

هي حكاية حرب و ثار:

من ساعة ما دخلت الجامعة و انا يرتبط في ذهني مفردات معينة..و اللي حكيت بعض منها زي البنات و الاكلسير , اتحاد الطلبة, كل الاحبة اتنين اتنين.,.. محاضرات و ملازم و سكاشن... المهم بالتجربة اكتشفت ان الجامعة مش كدة خاااااااالص... الا حاجة واحدة هي بقي حلمي هناك: رحلة الاقصر و اسواااااااااااااان, و لا اخفي علي احد ان من اول ما دخلت الكلية و انا باقول لماما: ممكن اطلع الرحلة دي؟,,,تقولي : لا, لما تبقي في سنة رابعة ان شاء الله..( كانت بتسكتني فاكراني عيلة), جت سنة تانية: يا ماما اطلعها بقي ما انا بقيت شحطة اهو!! تقولي: لا ,,انتي لسة صغيرة و بعدين لما تبقي في سنة رابعة...( امتي سنة رابعة دي تيجي بقي),,هوب تالتة: يا ماما اطلعها بقي؟ تقولي: لا... ( يعني تالتة فرقت عن رابعة؟) هوووووووب جت رابعة, مالهاش حجة بقي , اول ما طلعت نتيجة سنة تالتة و ابتديت استوعب ان انا فعلا بقيت في سنة رابعة , قمت نطة في الهوا وهيييييييييييييييييييه ح اروح الاقصر و اسوان.. تقولي: لا مفيش بيات برة.. يالهويييييييييييييييييي

و الله و عملوها الرجالة:

قبل امتحانات نص السنة عزة الانتيخ بتاعي بتقولي علي رحلة الاقصر و اسوان و نايل كروز و خمسة ايام و كلام كبير كدة و انها الفرصة الاخيرة, و هوباااااااااا محدش يسأل ماما وافقت ازاي لاني معرفش..لا و بابا كمان اداني الاوكي,,,.ربك يسرها و سهلها من عنده... انا حتي مش قلت لحد لغاية ما اتأكدت اني فعلا في القطر... انا + مسافرة+ لوحدي + الاقصر و اسوان + قطر = مش ممكن!! بس اي و الله ده اللي حصل.,..ناهيكم بقي اني اول مرة خالص اسافر لوحدي و ابات لوحدي. و اسافر مع عزة, و اول مرة اركب قطر (ايواااان) , لا و الادهي من ده و ده ان اول مرة اروح الاقصر و اسوان, المهم شديت الترحال , و سلامتها ام حسن

حلاوة شمسنا

بعد رحلة في القطار دامت المية و خمسين ساعة,.,, ( 12 ساعة بس) و الوسوسة اللي اشتغلت, يا تري ح يولع بينا القطر؟ يا تري وزارة المواصلات مش ح تعمل مصيبة لغاية اما اشوف نفحة و شلحة من اسوان حتي من غير الاقصر؟... المهم.,. عشان محدش يعيب في الوزارة,,, انا وصلت بالسلامة,,, هوووووووب نزلنا علي مزارات علي طول,, الجو راااااائع بجد, الهوا نقي فعلا.. و النيل اه ع النيل.. و المراكبي ..و يا سلام علي جزيرة فيلة,.,. جزيرة النباتات,, بس اللي بجد انا كنت متأثرة بيه اوي: السد العالي... لما اكون واقفة علي صرح عظيم زي ده , و بحيرة ناصر علي ايدي اليمين, و النيل علي ايدي الشمال,, بجد احساس جديد علي رأي الست نانسي عجرم, اما جزيرة النباتات , فعلا انا حسيت بالاكسجين النضيف , و انتهت رحلة الاسوان بجولة حرة و اهل بلدها اللي بجد حسيت قد ايه هما طيبين, و ناس بسيطة

الاقصر بلدنا بلد سوااااح

بعد معبد ادفو , و زعازيع القصب , اطلع ع الاقصر يا عم عزبي و غني ,دي بجد اللي حكاية, شارع كليوبترا , و الحناطير ( مش ركبته للاسف) و الصوت و الضوء , الكرنك, معبد الاقصر, غير بقي وادي الملوك و الناس اللي بيحبوك, الواحد لازم يكون بيعرف يتسلق جبال, و كله كوووووووم و مقبرة تحتمس التالت دي كووووم... انا كنت ح اروح فيها, العضمة كبرت و الواحد مش زي زمان مش بصحته ( ناسيين اني تمت عشرين سنة مرة واحدة), و مقبرة رمسيس , جوا ممنوع التصوير, بس عيب عليكوا لحقت لي صورتين ع الماشي كدة في الخباثة, بس الشئ المبهر جمال الرسومات و احتفاظها بألوانها و جمالها بالشكل الرائع ده, اما معبد حتشبسوت فانا فعلا كنت مبهورة بيه, رغم انه اتعرض لتلفيات كتير عشان مشاكل عائلية ما بينها و ما بين تحتمس التالت (مالناش دعوي كل واحد في حاله) انما معرفش ليه افتكرت الحادث الارهابي بتاع التسعينات (وهنا تبدأ الوسوسة: هل ح اروح فيها و ينزل اسمي من ضمن الشهداء حادث الارهاب الاثم في معبد حتشبسوت ؟ يا سلااام و يحنطوني معاها و يعملولي معبد انا كمان انا و الابطال الزملا اللي في الرحلة و العزبي يغني قفلوا عليكي يا حلوة تابوت...المهم ربك ستر), و تنتهي المزارات بمعبد هابو, و في اخر يوم معبد الاقصر ثم الكرنك اللي فيه واحد و عشرين معبد, غير المسلات, واخير و ليس اخرا , بجد بقي مش هزار و رغم كيد المعتدي ......عمار يا مصر

الصحبجية

مع الاعتذار لفرقة الصحبجية الشهيرة (كلمة و السدغ و حامد و شركاه) ,انا بجد اسمتعت بالصحبة اللي سافرت معاها و روح التعاون اللي ما بينهم من اول محطة مصر و القطر رايح, وطول الرحلة لغاية اخر لحظة الوصول فجر يوم 30 يناير, تحس كدة ان المصري معروف بجبروته و قوته (علي رأي هنيدي) , ده غير بيتر المرشد السياحي اسواني الاصل اللي رافقنا طول الرحلة لاخر يوم و مايحلالوش الكلام و الشرح الا في اكتر حتي فيها شمس, لذلك منحناه لقب بيتر رع , اما ع الباخرة ( ايوة قلت انا انها نايل كروز) في اخر ليلة لينا عليها كان فيه حفلة جميلة لا يعيبها شئ الا الرعاشة- قصدي الرقاصة- اللي جت عشر دقايق ترعش فيهم و تمشي و الغازية لازم تنزل و يا ريتها ما نزلت, حفلة جميلة خفيفة الظل احلي ما فيها الضحك اللي بجد ويا الصحبة, غير بقي الي تتعب تلاقي مين من الموجودين من طب و لا صيدلة و غرفة الطوارئ اشتغلت, غير المشرفين و الدكتور الجامعي المرافق ( الرحلة تابعة لاتحاد جامعة عين شمس) اللي بجد انا اتفاجئت بمستوي التنظيم و الاحترام و الالتزام , كانت اسرة جميلة بمعني الكلمة, هنا في قطر الرجوع بيلعبوا الدويمينو و هنا مع المشرف بنلعب ميسر.. قصدي بووكر.. يووووه قصدي كوتشينا يعني , ح تفضل الرحلة كلها عالقة بالذهن الصراحة, لانها بجد تجربة جديدة من كل النواحي....اااااااااااااااااااااااااه و شفت فاروق حسني وش كدة في جزيرة فيلة..اي و الله كان البعيد في خلقتي مرتين مع وفد عرب و اجانب, جيت اخدله صوره, كنت ح اتمسك من قفايا, بكل هدوء الحرس بتوعه قالي لي: ممنوع يا انسة,, ده حتي تحتمس احلي, قلتها في سري طبعا

اهي دي صفحة جديدة و اتكتبت و اتشالت في شنطة الذكريات الجميلة... بس بجد بعد اللي شفتوه من الناس و المصريين اللي بجد و اثارنا و تراثنا و حضارتنا, يبقي بجد حرام علينا مانحافظش ع البلد دي, و نستسلم للي عايزين يضيعوها

عمار يا مصر

____

ملحوظة: اشكر الست زيزي هانم الشهيرة ببنت مصرية علي فض النزاع الاقليمي بين البلوجر القديم و الجوجل و انهاء الاعتصام, و نشكر كل من اكتب بالرصاص و احمد باشا شقير ع الدعم المعنوي و المعلوماتي و التكنولوجي, و اخص بالشكر الرقيقة حلم لتشجيعها و انها شاهدة ع الصراع البلوجراوي و اعتصامي و تأييدي و التنديد بالظلم و العدوان بالاجبار ع التحويل الي جوجل..و كذلك هوبا التي شددت من ازرنا في مصيبتنا... لا اراكم الله بلوجر يدوخكم..انتهي البيان

____

ملحوظة 2:

من قبل الامتحانات و فيه تاج عمال يروح وييجي ووعد الحر دين عليه: كلمة و مصري و هوبا و حلم و علا و
همس الليل....علم و سينفذ قريبا ان شاء الله...ترقبواااااااا... اوعي تغير المحطة :)