ما تيجي نهرب؟؟ .. قالتهالي وهي بتلم شعرها ديل حصان قصير ورفعاه شوية لفوق. هي عينيها واسعة وبني كدة من امتى؟!نهرب...نهرب بعيـــد! عند البحر مثلا..نقعد ورا الكانتين ومحدش ح يشوفنا ولا دادا سميرة حتى فحنهرب !! -- رغم انها مجنونة قصيرة، وفكرتها مجنونة جدا..بس أنا عايز أهرب معاها ونروح نجيب قواقع من عند البحر! - بص، بعد المدرسة نكون مستخبين ورا الكانتين... المدرسة ح تنام وتقفل...واحنا نتسحب ، عم صلاح ح يروح يشرب شاي واحنا نهرب من الباب!! ونروح البحر! -- طب ويا فالحة ح نروح البحر ازاي لوحدينا؟! -- سكتت وتنحتلي كدة : هو انت متعرفش الطريق؟؟؟؟!ا
كسفتني...مبعرفش اسوق زي بابا عشان اوديكي هناك!!ا
ولا حتى بالعجلة؟
ولا حتى بالعجلة..الطريق طويل جدا يا عبيطة!!ا
بس متقولش عبيطة!!وعينيها دمعت...مش عارف عشان زعلتها ولا عشان مبعرفش اسوق فمش حوديها البحر!ا
خلاص بقى، متزعليش!! وطبعا خوفت اطبطب عليها لا تضربني زي ما ضربت حسن الغلس لما شد شعرها!ا
مسحت عينيها في كم قميص المدرسة اللي زراره دايما مفكوك معرفش ليه..طب انت ح تتعلم السواقة امتى؟
لما اكبر وابقى قد بابا طبعا!ا
ايه؟؟؟ هو انا لسة ح استنى تبقى قد بابا!! ما أيمن اخويا بيعرف يسوق وهو مش قد بابا وعنده... عنده ...عنده اكبر مني بعشر سنين! -- وسكتت كدة شوية..انت اكبر مني بكام سنة؟!ا
بشهرين! يبقى فاضلي عشر سنين الا شهرين ابقى قد أيمن واكون اتعلمت سواقة!!ا
طبعا بأعرف احسبها..أنا اصلا اللي أكبر منها وأشطر منها في حصة الحساب..ماهي لو بتركز مع "ميس سماح" كانت عرفت تحسبهم لوحدها ان عيد ميلادها في البرد في الامتحانات وانا عيد ميلادي في أجازة الصيف.. وبعدين هي بتنسى ليه عيد ميلادي..اشمعنى انا فاكر عيد ميلادها!افقعدت تعد على صوابعها..بصراحة كنت عايز اضحك على منظرها..وهي محتاسة كدة..بصوابعها الكتير..ه
واحد..اتنين..خمسة..سبعة..تمانية..تسعة..عشرة ونشيل من العشرة عقلتين..يبقى ...كل دول!!!!! - هما فعلا عشر صوابع الا عقلتين كتير شوية بس صوابعها صغيرةاوي وبتضحك زي العسلية الرفيعة- طيب خلاص!! ح نهرب بعد عشر سنين الا عقلتين وح توديني البحر! باي باي بقى عشان أيمن جه هناك اهو..متنساش كراسة الرسم بكرة عشان الميس متزعقلكش وانا حأعلمك ازاي ترسم فراشة .. متخافش!ا
مجنونة.. بس عايز اروح معاها عند البحر!!ا
_________
تمت
18 comments:
حلوة أوي أوي أوووي و دافية جداااااااااااا
و بطعم العسلية بالسمسم والفول السوداني
:)
حلوة فوق ما تتخيلي و ظبطت مزاجي
:)
:))))))
انا عملت كده كتير
ظبطت كل حاجه
فتحتي نفسي اوي اني انام
مع اني كنت مضربه :))
حبتهم , فكرونى ب أيمن
ابتسامه واااااااااااااااااااسعه
:))))))))))))))
allaaaaaaaaaaaah =D bosy kano s3'ayreen ezay w afkarhom so3'ayra ! feha bara2a mesh tabe3ya ... gamela w pure zayk ya Gog =)
وأنا كمان وأنا كمان :D
...
جميلة أوي يا جوج :)
ما هو ده الغريب في المدونة دي ... حلوة لأنها حقيقية و بسيطة و فراشات ملونة بتطير حواليها طول الوقت
الـلــه يا جوج
الله من هنا لحد السما
تسنيم
:))
خلتيني مبسوطة
:)
ميويا
ربنا يديم عليكي الابتسام
:)
Hste,
فكروني ببنت صغيرة مجنونة اعرفها
:)
The Girl in the Mirror,
يا رب دايما :))
Howiie,
They're just little innocent ones :) still young at heart :)
حنين
انتي حلوة يا روزا :)
كراكيب
مش كل الناس بتشوف الفراشات يا هاني
انت بتشوفها :) ودي نعمة كبيرة الحمد لله :))
دندنة
:)
الله الله الله
جميلة اوى اوى اوى :)
بسطتينى
رسمت بسمة جوا القلب.. في الزمن الصعب
:)
:-)
بجد جميلة جدا .. صحيح قصة طفولية لكن مليانة رقة وبراءة .. حاجة كده ناعمة جدا من بتوع زمان قبل ما تتخرجي
:-))
بريئة كالاطفال
شيماء
:) بتبسطني زيارتك
كلمات
:) دامت تلك الابتسامة
يا مراكبي
مش احنا جوانا اطفال عايزة تهرب برضه؟
:)
sharm,
حلم صغير معدي بسيط..ووعد مستني يتحقق
بس كدة
:)
بحب حوارات الأطفال دي أوي يا هاجر
:)
تحياتي
انتي ازاي بتعرفي تعملي حاجات حلوة أوي كده؟
انتي أكيد _من جوه_ أحلى من كده
شكرا كتير عشان خليتيني أبتسم كده
:)
مايكل
مين قالك بس انها حوارات اطفال
وكبار كمان
:)
يمامة شاردة
شكرا لانك حلوة كدة
:)
حدوتك الحلوه كانت بسمه جميله فى يوم كئيب
تسلم الايادى
:)
Post a Comment