Thursday, October 30, 2008

Whitish Dream..

رغبة شديدة اني ابص اوي للسحابة الكبيرة دي اللي في السما..وانط اغوص جواها! حاجة جدا زي ما تكون في قلب غزل بنات عملاق! رجليك بتكون لامسة حاجة ناعمة زي الريش..! كل حاجة بيضا..بيضا اوي زي الملايكة..بيضا لدرجة الهدوء..كل ما ح افتح عيني ح الاقي كل حاجة لونها ابيض هادي.. ابيض ناعم..ابيض بيشيل السواد بينسي الواحد شكل السواد كان ازاي ! سحابة كبيرة بيضا..ساقعة! مش ساقعة برد..لا انما منتعشة..بتزغزغ كدة! عايزة ادخل واغوص جواها..جواها اوي..وتمشي بيا بــعـــيــــد في السما الزرقا الواسعة !ه

____

الصورة من الاسكندرية لغفاري


9 comments:

محمد المصري said...

بعد ما شفت الصورة وقريت أول سطر كنت هدخل أقول إني طول عمري مبشوفش السحاب غير غزل بنات منقوش على صفحة السما الزرقا وكنت بنظّر بده مع اللي يعرفوني وأقدر أبوحلهم بخزعبلاتي بأريحية
فلقيتك كاتبه في تاني سطر "زي ما يكون غزل بنات عملاق"

حتى الخزعبلات بيكون لها سند منطقي يخلي أكتر من حد يشوفها ويؤمن بيها :))

حلو أوي البوست ده ، خصوصاً لما تقراه ع الصبح ، بيبقى ساقع .. منعش .. بيزغزغ كده :)

ياسمين حميد said...

الله
بس غزل البنات ما بيزغزغش، ده بيلزّق
:-)

انا حره said...

والنبى خدينى معاكى

karakib said...

طيران :))

esraa said...

كنت مفكره ان انا بس اللي بقول ان السحاب غزل بنات كبييييييير
(:

dandana said...

دايما فيه حاجة بتشدنا للى فوق
عصافير..سحب..قمر
بتحسسنا بالخفة

إننا نقدر نروح لأى مكان ونعمل أى حاجة

تانى بوست أقراه عن السحب والولع بيها

أستمتعى

wa3d-el3yoon said...

أنا بحب السحاب جدا
لانه اولا بيمنع اشعه الشمس وبيخلى الجو كده ساعه مغربيه طول اليوم والجو يبقى شكله كده ازرق من غير شمس حاميه بيبقى جو مالوش حل

فى اعلان كان بتاع تلفزيون توشيبا تقريبا كان فيه واحده نايمه على السحب كل ما شفها اقول انا بحسدك على فكره ههههههههههه

Epitaph1987 said...

محمد المصري
هي فعلا غزل بنات مفرح منكشح علي الحياة كدة :)

ياسمين
بيزغزغ القلب والروح يا فندم
:) وبيلزق ذكريات الطفولة

انا حرة
يلا بينا :) اتشعبطيلك في سحابة

كراكيب
انطلق يا انتوك :)

اسراء
مش لوحدك :)) كلنا هذا....الطفل
:)

دندنة
وانتي انطلقي :)

وعد العيون
اه تخيل لو كل واحد ياخد له سحابة وينام عليها
بس انا عايزة ادخل جواها
:D

يمامة شاردة said...

أد ايه جميل البوست ده

زي البلوج كله


أول تعليق .. بس مش أول زيارة

:)