Friday, October 31, 2008

سنة اولي ..شغل


مفردات جديدة في حياتي

......

السرعة


ريتم حياة سريع جدا جدا.. بيفرض دايرته عليا..وقليل وبالعافية اصلا اما باعرف اكسره عشان اخد نفس عميق واغطس تاني في دوامة الحياة, حاسة ان كل حاجة عاملة زي الدومينو المرصوصة ورا بعضها دي..لو واحدة وقعت..كل اللي بعدها ح يكر بقي

العلاج: خروجة, صحاب, اغنية, حاجة مجنونة, تسريحة شعر جديدة, ايشارب او لبس جديد, بعزقة ما في الجيب, شيكولاتة, واحيانا البكاء


القلم الاحمر

باصحح, واحضر, واطرد برة(مش دايما يعني مش شر هو برضه :) ), واكتب ع السبورة, اشتري ماركر وبشاورة (هي لسة اسمها بشاروة رغم اننا مش بنكتب بطباشير), وورقة حضور وغياب, والعدد الكبير..والامتحان شكله ايه

العلاج: هي في حد ذاتها علاج :)


الاستاذ وحيد

المرتب والخزينة..وعم نصر..والزيادة..والتدابير اللوزعية في انه يكفي كتب وتفاريح :)

العلاج: مالوش علاج..ربنا يبارك فيه ومايطرش بس ولو انه بيطير

:D


الامضاء

حضور وانصراف..وشريهان اللي بتعاملنا بقرف ساعات..والدفتر..حاجة روتين يعني :D

العلاج: برضه مالهاش علاج ..خنيقة بس مضحكة


الشنطة

شنطة كل ما بشيلها باحس اني متقمصة شخصية رجال الاعمال..ونظرة جد كدة بترتسم علي وشي غصب عني, باحس اني شايلة الهم معاها والله

العلاج: اني ارميها واشيل شنطة عليها باربي

:D


المكتب

وهو المكان اللي لو حصل ولقيت فرصة اني اقعد فيه بعد طول لف ودوران ..المكان اللي باحس فيه اني جوا كواليس حياة اشخاص متخيلتش اني ح اقرب لهم كدة, وهو مكان كل كلمة لازم تاخد بالك بتقولها لمين و عن مين..وبتعرف اللي بيحبك فعلا واللي بيتظاهر بكدة..واللي بيستعبط واللي مش تأمن له

العلاج: مش باقعد فيه كتير اصلا :D


____

وفي مقابل الحاجات دي كلها..بافتقد الهدوء..والقعدة مع صحابي..والتحكم في الامور مش العكس.. وراحة البال..والضغط اللي اقل شوية..بافتقد شنطة باربي..واللعب في المراجيح..والميس..واوضة الرسم ..وحصة الالعاب..ولعب زي الاولة..وفتحي يا وردة..وبلاك شوز.. وبريلة بريللية..وعم يحيي اللي كان بيوصلني المدرسة :)


اه ياني...دنيا ماشية بالشقلوب فعلا

:)





14 comments:

تسـنيم said...

دنية اييه اللي ماشية بالشقلوب هيا كده ماشية صح انتي اللي عايزاها ينقلب حالها وكان نفسك تضحكي عليها وتفضلي عيلة صغيرة

فوقي يا هانــم هاتخدي زمانك وزمان غيرك

p:

عـلا - من غـزة said...

هههههههههههههههه

ضحكني تعليق تسنيم :p

بصراحة ... البوست كتير حلو ومعبر ... عارفة احساس لما فجأتن تحسي نفسك كبرتي وصرتي مسئولة عن شغل والتزامات والذي مني
انا شخصيا جالي صدمة من الشعور هادا
بس بعدين رح تتعودي وتحبي الي بتعمليه اكييييد

تحياتي

mohamed alhaddad said...

تقريبا كل ده لانها سنه اولى شغل
بعد اجتياز فتره اول سنه دى اكيد كل حاجه حتبقى احسن انشاء الله

بس جميل موضوع شنطه باربى دى
تخيلى كده وانت داخله للطلبه بشنطه باربى D:

مـحـمـد مـفـيـد said...

انها بدايه الاختبارات الحياتيه

امرأة تقول الذي لا يقال said...

كل حاجة في الكلام ده عايزة أعلق عليها

بس حاجتين هم اللي عايزة أؤيدك فيهم جدا

شيريهان ((:
بجد أنا مش فاهمة هي بتعمل فينا كده ليه
دايما وأنا داخلة على أي حد لازم أبتسم له
دي خلاص خلتني أغير أسلوبي معاها بالذات ((:
مهما تعملي معاها مفيش إلا الوش البلاستيك
ربنا يهدي


الشنطة ((:
الجدية اللي بتترسم على وشك لما بتمسكيها أعتقد بتنبع من نظرات اللي حواليكي ليكي لما بتمسكيها
كمية يا دكتور اللي بتتقاللي بتخليني غصب عني أبأى جد ((:

esraa said...

ماحنا لازم نكبر بقي

بس المهم نحافظ علي الطفل اللي جوانا
(:

ahmEd_H said...

:D
ممكن توصفلى الشنطه ؟؟؟

فكرتينى بشغلى الاولانى جدا !!! بس تقريبا اتمردت على كل حاجه كانت موجوده و طبعا دا كان بيجى على دماغى بالخصم بس كنت بكون مستمتع جدا جدا انى باجى متأخر كل يوم ساعتيين مثلا و عمرى ما مضيت فى اى دفاتر و كنت بقبض من عماد

شغلى دلوقتى بقى بكون قبل معيادى بربع ساعه هناك ,, ربنا على المفترى

Beautiful Mind said...
This comment has been removed by the author.
Beautiful Mind said...

جميل جدا البوست ده..تحديد المشكله هوا نص الحل...هى البدايه كده دايما صعبه بس كله هيبقى تمام
بس مالها شريهان دى
نضيفها لاتباع الساحره الشريره ونقول للرجاله يخلصوا عليها ياكبيره؟
:)

Frustrated said...

oh, Miss Epi!! welcome to the real world:)

مصطفى السيد سمير said...

لازم الدنيا تتغير وتمشي مقلوب او معدول
المهم انك تعرفي تلاقي سعادتك ودهشتك في كل الاحوال
بالمناسبة
البوست اللي فات كان عبقري
يغسل الروح من جوة
احنا ازاي كنا مش حنقرالك تاني
؟؟؟؟؟؟؟؟؟؟؟؟؟؟؟

على فكرة انا لسة على رايي بالنسبة ل buried here
خصوصا لما اجي اعلق الاقي قبلها مثلا
6 buried here
وبعد ما اعلق واخرج يتكتب
7 buried here
ينفع كدة
: D

Epitaph1987 said...

تسنيم
هههههههه لا هي اللي ماشية بالشقلوب مش انا
:P

علا
ايوة فجأتن دي
امتي وفين وليه ههههه
ايوة "راح اتعود " دي
:)

محمد الحداد
اه تخيل شنطة باربي
يا سلااااااااااام ولونها بينك بقي وعليها رسومات وجليتر
شكرا علي تشجعيتك :)

محمد مفيد
فعلا!! :)

امرأة تقول الذي لا يقال
اه يا بنتي شريهان دي لا بترد حتي الابتسام ولا السلام
الله يسهلها بقي
الشنطة دي جيبالي الهسهس والله ههههه اديكي شفتي منظري بالشنطة اكيد
تحول يا بنتي ههههههههه

اسراء
انا مهما كبرت صغير
:)

أحمد
انهي شنطة؟ الباربي؟
:P:P:P
اتمرد..هي كلمة السر
بس مش ناااااااااافع
:DDDDD

beautiful mind,
كفاية علينا الساحرة الشريرة
:((((

Frustrated,
aaaaaaaaaah 7abeeeeby!!! Imagine I'm in the real big big world! :D
Miss you..wana moqsera gdn gdn gdn :( ana we7sh!! :(

مصطفي السيد سمير
ان شاء الله ح امشي علي خيوط السعادة والدهشة الرفيعة اللي بتلمع دي
:))))))) يا رب تلمس بايدك السحاب الابيض
وبرضه مش ح اغير
buried here :p:p:p:p
هههههههه

Geddo Iskandar said...

داري البوست ده للعيال فالكلية يشوفوه وتبقى فضيحة للأبلة باربي ;)

Epitaph1987 said...

جدة اسكندر
هههههههه
تخيل اصلا المنظر
ست المللثة المحترمة شايلة شنطة باربي
:D