"The wheel breaks the butterfly*"

النهاردة قمت تايهة جدا. هو الحقيقة، مش النهاردة بس. امبارح، وأول أول.  بتحرك بطريقة اوتوماتيكية بحتة. كل حاجة باهتة ومن غير طعم. وأنا تايهة تماما. اتنقلت من فيلم للتاني، لحد الفيلم التالت شغلت ربع ساعة فيه..وقفلته. ايه معنى اننا نصحى ونروح الشغل ونرجع نكمل شغل.. ونتفرج لنا على حلقة من مسلسل حافظينه ونسمّع جمله ونضحك ضحكة خايبة، واحنا متكتفين أوي كده؟ واحنا روحنا تقيلة أوي كده؟

.

تعرف؟ فتحت مرتين مواقع من بتوع السفر. معرفتش أكتب عايزة أروح فين. قفلت وشغلت فيلم تاني (أو تالت أو رابع) بياكل شوية من الوقت...بياخد تركيزي لمدة ساعة ونص ولا ساعتين..وخلاص. ونرجع تاني لأول الخط. توهان.  بفتح موقع للسفر تاني، بلاقي تذاكر غالية جدا لأماكن معرفهاش. بقفله لأن مفيش حاجة محمساني لأي حاجة. بدور تاني وأكتب:(تذاكر طيران رخيصة من مصر) بتكعبل في موقع كنت نسياه..وبيقولي عايزة تروحي فين. ينفع أقوله اي حتة..اي حتة غير هنا؟ فعلا أي حتة.. شفتلي كام تذكرة سعرها معقولين، ابتديت أفكر في الفيزا، وحاولت أطنش الجملة السخيفة بتاعة "وحتسافري كده لوحدك؟ من غير سبب كده؟" وقفلت الموقع تاني. يونان ايه اللي أروحها بس؟! بقفل الكمبيوتر وأقلب مابين القنوات الكتير وملقيتش ولا علامة ولا أي
حاجة تشدني. ه

. 

عطلت. روحي عطلانة.. حركتها تقيلة. زي التايهة اللي كل الأسهم لكل طريق ملخبطاها فمبتتحركش من مكانها. أنا كل أفكاري متلخبطة. كل حاجة أنا كنت عيزاها كانت واضحة جدا...كنت عرفاها جدا..دلوقتي، مفيش! كل ترتيباتي للشغل، المستقبل.. اتنعكشت! عارفة ومش عارفة. كل حاجة دخلت في بعضها. كل حاجة مبقتش واثقة منها. فمبقتش عارفة اتحرك، زي اللي روحه عطلت بالظبط... وكل حتة فيك بتشدك لتحت، زي الغريق.ه

.

 أنا كل اللي عيزاه فعلا دلوقتي..اني أمشي، أمشي كتير أوي وأبعد. عايزة أقوم أحط حياتي كلها في شنطة وأمشي وأمشي وأمشي.. أمشي لحد ما كل حتة فيا تتكسر وتطلع كل تنتوفة وجع...وأمشي لحد ما كل حتة فيا تخف.. لحد ما أوصل لأبـعـد نقطة، وأقرب نقطة لروحي... لحد أما ألاقيني. ه

.

.

تمت

_____

*Title from "Paradise" by Coldplay

What if...

"What if we just acknowledged that we have a bad relationship, and we stuck it out, anyway? What if we admitted that we make each other nuts, we fights constantly..., but we can't live wihout each other, so we deal with it? And then we could spend our lives together.. in misery, but happy not to be apart..!"

.

(From "Eat Pray Love")

Strategy..

What you need to do right now:

1-Draw a circle for you to stand in.

2-Surround yourself with walls of protection.

3-Pluck the roots of every other space that doesn't belong to you anymore.

4-Substitute whatever robbed you of your voice

5-Be your own solace.