يا ريت بيتك كان..منو بعيد

الحتة اللي فيا اللي لسة بتسمع أغاني رايقة عن بنت صغيرة بتحب وعمرها ما ح تزعل، الحتة دي ..الصغيرة اوي..اللي جوا جدا.. هي بتخليني أمسك التليفون وأوشوشه "بحبك" لسة لغاية اللحظة دي..واللي لسة نفسها أخلص كوفيتك، وتسرق ساعة وتشرب قهوة معايا بقى*، الحتة اللي جوا جوايا اللي إنت بتوحشها أكتر من الكون كله..وده بيخليها تعيط كل يوم، هي نفس الحتة اللي بخبيها تحت جاكت تقيل وكوفية وشوية طبطبة...الحتة دي..التنتوفة الصغيرة اللي وعدتك تتشال وتنسى التفاصيل وتبطل تتوجع لإنك مش هنا..! الحتة العبيطة جدا دي..لسة بتستناك على فكرة.ه

____

تمت

من أغنية "قهوة" لفيروز كراوية*

العنوان: لفيروز، "شو بخاف"ه