انا كبرت اه..بس برضه لسة باخد عيدية
.
.
ح اشتري بمب وصواريخ, بس مش ح العب بيهم..باخاف منهم
.
.
العيد مش عيد من غير الصلاة ف جامع مصطفي محمود
.
.
وحشتني الوقفة ف البلكونة عند نينة..عشان اتفرج ع الدبح من بعد
.
.
ريحة الفتة اللي مش باحبها ولا باكلها
.
.
صفاء ابو السعود..و "سعد نبيهة" بتاعها ده اللي مطلهش سعد نبيهة (سعدنا بيها)0
.
.
البالونة الكبيرة اللي جواها رز..اللي بتعمل دوشة
.
.
لبس العيد..الجديد
.
.
يا رب ...خلي العيد بجد.."فرحة" علينا كلنا
21 comments:
هههههههههههههه اسمها سعد نبيهه مش سعد هنيه هههههههههه
كل سنه وانتى طيبه وكل سنه وانا بحبك كدا من غير سبب
:)
مبروك
يعنى خلاص هتصلى فى مصطفى محمود
كل سنه وكلكم طيبين
aywa el aid far7a :D
Thx to ur post :))
Happy Eid my frnd
السلام عليكم ورحمة
الله تعالى وبركاته
لحد علمى او لحد ما بطلت اشوفها لانها بصراحة بتغظنى من (الاصطناعى بتاعها!)صفاءابو السعود كانت بتقول العيد !!فرحةهههههه!! واجمل فرحة!!!ههههه
امال ايه سعد هنية ولا سعد نبيه ده
عفوا ولكن
هو انتى لسه سايبه
التاكيد على الكلمة
لحد الحين ...ليه؟
انا حرة
ههههههه
كنت نايمة واول ما صحيت باقول
مين هنية
اسمه سعد نبيهة
صلحتها يا نبيهة
:P
كل سنة وانتي طيبة
وقلبك جميل كدة
:))
Beautful Mind,
يا مسهل :)
كل سنة وانت طيب يا زين يا رب
:)
ما علينا
العيد فرحة
واجمل فرحة
يجمع شمل قريب وبعيد
:))) كل سنة وانتي طيبة
Norahaty,
وعليكم السلام ورحمة الله وبركاته
كانت بتقول في حتة ف الاغنية
سعدنا بيها..وكلنا كنا بنسمعها "سعد نبية" ههههههه
بس كل سنة وانتي طيبة
بالنسبة لكلمة التأكيد
تعذيب؟ ههههه
ابدا عشان السبام بس
:)
ده فرحه كبيره جدا يا هاجر
ياربت تفضل كده
بغض النظر عن ان الزمالك هيلعب اول يوم
بس برضه فرحة الصلاه وزيارات الاقارب وواد يوقفك ويسلم عليك فى الشارع ويقول لك كل سنه وانت طيب
دى فرحة العيد بالنسبه لى
....
كل سنه وانت وزوار مدونتك بكل خير
enti kaman konti fakraha sa3d nabiha? :D yeb2a akeed heia btenta2ha 3'alat! mesh ma32ool etnain 3abakra zaiena mesh beiesma3o kwaies:)
Happy eid dearest
السلام عليكم
هو سعد نبيهة بردوا كان عندكم
:)))
كل سنة و أنت طيبة
و ربنا يجعل أيامك كلها فرحة مش العيد بس
يا لهوووووووووووي ده احنا كلنا بقى بنسمعها سعد نبيهة.... صباح الأعيــاد
يعنى مش انا لوحدى
أحمدك ياااارب
كل سعد وانت نبيهة
اقصد
كل عيد وانت طيبة
اللهم آمين فرحة لينا كلنا كل سنة و انتي طيبة و السنة الجاية على جبل عرفات إن شاء الله
الاستاذ سعد نبيهه بيقولكوا محدش يجيب فى سيرته !! و كل سنه و انتى طيبه و انشالله ينعاد علينا بالخير
احنا
:) وانت طيب يا رب
عرفنا بمأساة الزمالك
يا رب يكسب ولا يتعادل عشان خاطرك يا شيخ
:D
Frustrated,
looool Oui! lol 3andek 7a2 ya benty! :D kol sana wenty tyba , dearest Dr. :)
No fear,
وعليكم السلام ورحمة الله وبركاته
:)) كان عند كل الناس
وانت طيب يا رب
ويجعل ايامك كلها فرح
تسنيم
يا بنتي ده تراث :DDD
كل سنة وانتي طيبة :)
ست المرتفعات
صدقيني
احنا كتير اوي :DDD
كل سنة وانتي سعيدة يا ست البنات
:)
ام هاجر
امين..ربنا يسعدك ويفرحك بهاجر يا رب
:))
احمد
ههههه امين وانت طيب يا رب
ويجعل ايامك كلها اعياد
بس الاستاذ سعد نبيهة بلغه تحياتي
:D
كل سنه وانتى طيبه
العيد عيد سعيد
اكيد
طول ما فيه بينا
خير
وحب
عيد مليان بالبمب والصواريخ
والعيديه
البوست ده اكتر من رائع
مش عارفه ليه كل حاجه حلوة بقت بصيغة الماضى
اخيرا لقيت حد سمعها زيي " سعد نبيهه " عمرى ما فهمتها
كل لحظة و انتى بخير
kol 3eed wenty tayeba :)
كل سنة وانتي طيبة ياجوج انتي وسعد نبيهة ومصطفى محمود
العيد فرحة لو مش هأدفع عيديات كتير
بكرة تعرفي كده
:-D
رومانسي
وانت طيب
وعيد سعيد عليك
كله حاجات حلوة وملونة
:)
موجة في بحر الحياة
كلنا كنا بنسمعها سعد نبيهة حضرتك
هههههه
كل ثانية وانتي جميلة :))
Hurricane,
mnwar the new blog :)
wenta tyb ya Rab..mn 3'eir hurricanes :D
مصطفي
:) وانت طيب وكتابتك طايرة فوق السحاب
يا مراكبي
:D كل سنة وحضرتك طيب
تعيش وتدفع عيديات
:DDDD
kol sana wenty tayeba :D
b monasbet "sa3d nabeeha"... lool... 2e7em... lessa 3arfa 2orayeb en KAZA 7ad kan fakerha keda fe3lan... msh ha2ool enny 3abqareya w kont fahma heya bet2ool eh.. la2 khales.. bas 3omry matargemtaha 3ala enaha "sa3d" w "nabeeha"... asl layomken yekoono dol asaamy l atfal fe oghneya!!!! :p
w ba3den ba2a aba 3ayza 3edeyya!!! maba2etsh akhod khalas... bey2olloh kebert :( :( :(
Post a Comment