تاجنا عليك يا رب

يا صباح التاج...ثلاثة تاجات هاديين و رايقيين

من عينيا

.

.

Hurricane الاولاني بتاع اختبار انت تشبه مين من القادة جي من
وانا طلعت هتلر زيك بالظبط :D

عملت نفس الاسئلة تلات مرات بعدد اسئلة مختلفة و طلعت هتلر برض, مصابة بالبارانويا ,واني لا اشعر بالامان الا بقتل كل اعدائي و اني باشوف الخطر و التهديدات جاية من كل مكان, و دايما باتوقع الاسوأ - الاخيرة ديه صحيحة جدا..ماشي الف شكر
.

ضحية هذا التاج

عــــــــز

احمد ندا

ريموو

.

.

التاج التاني بتاع مبرمج حر وهو اللي عامله بقي و اخر مزاج

ده غير ان شيماء بعتتهولي

عن الهواية اللي باستغرق فيها تماما لدرجة ان ماما و بابا و الاسرة بسهواج و محمدين بالقاهرة و علا بالاسكندرية و تيتة بدمنهور ينادوا عليك و انت و لا علي بالك؟؟؟

.

عارف لما تسرح تماما مع رفعت اسماعيل ببدلته الكحلية اللي بيبدو فيها فاتنا..و للابد؟..ستظل معي للابد؟؟ حتي...طاااااخ ..و صوت الببر,,لك قلبي يسعد و بك يطرب.. جانب النجوم.. اسطورة المقبرة.. وبعدين ماتش كويدتش حامي لهاري بوتر و المقشة السحرية..ومالفووي الشرير..و لورد فولدمرت اووبس قصدي من لا يجب ذكر اسمه,رجع تاني....طب لما اجاثا كريستي خلت الطفل الصغير يلعب مع شبح ..ولم يهدأ الشبح الا لما الطفل مات..و بقيت اسمعهم -بيلعبوا في السطح..و بيضحكوا ...طيب وطوا صوتكم عشان ايما بتقابل مستر نايتلي دلوقتي و شكله ح يعترف لها بحبه..اخيرا نهاية سعيدة..شكرا لجين اوستين...اننا كارنينا ماتت..انتحرت......لااااااااا

.

حد كان بينادي؟

.ضحايا هذا التاج

محمد غفاري
نورهان مفيد

.

وادي تاج تالت من اوودي و ندا

حاضر :)

.

.

SECTION 1 - Last 1s?
1. last beverage?

ماشربش الشاي اشرب ازوزة انا....شوية مياة :)

2.last phone call?

مكالمة النهاردة الصبح الساعة تسعة و نص كدة..من حد عزيز عليا كان بقالنا كتير مش رغينا كتير مع بعض

3.last instant message?
ماوصلنيش حاجة
.
5. last cd played?

مشغلتش اي سي دي من اي نوع..و العنكبوت عشش خلاص في السي دي روم

6. last time you cried?

اخر مرة بكيت فيها من اسبوعين كدة يوم ما رجعت البيت افرح ماما بالنتيجة ..اكتشفت انها عيانة اوي..ورايحة المستشفي..واني حسيت انها زعلانة
.
7.last text message?

ولا اي رسالة مع الحمام الزاجل حتي

.
1. dated someone twice?
احنا بتوع غراميات من ديه برضه..لا

2. been cheated on?
لا..محدش غشني..المسامح كريم

3. kissed someone & regretted it?

بوس ايه و ندمت ايه......عييييييييييب :)

4. lost someone special?
فقدان بالموت..كانت مديرة مدرستنا في المرحلة الاعدادية ميسز نعمت رحمها الله
وخالة والدتي الله يرحمها كنت باحبها اوي..كانت دمها خفيف..و ست جميلة اوي رحمها الله

5. been depressed?
اكتئبت؟؟؟؟؟؟؟ كتيييييييييييير..انا خام الاكتئاب

6. been drunk and threw up?

منكر؟؟؟؟؟؟؟؟ ابداااااااا
.

Section 3 -
List 3 Favorite Colors
ازرق
اسود
بني

Section 4 - This month have you.
1.Made a new friend?

اكتسبت صديق/ة لهذا الشهر؟ - اعتقد - اي نعم

.
2. Fallen out of love?
لا...حب ايه اللي انت جي تقول ايه

.

3. Laughed until you cried?

الضحك بالدموع ده تخصصي
.

4.Met someone who changed your life?
حد غير من حياتي؟.....لا...شقلبها بس :)..لا محدش شقلب و لا باهدل حياتي هذا الشهر و لا ابدا

5. Found out who your true friends were?

عرفت مين اصدقائي الحقيقين؟هما هما بتوع كل شهر و يوم و ثانية و كل سنة و كل قرن لغاية ما موت

.6. Is there something you want to tell someone?

ماما : متزعليش
انا: انسي و اجمدي
عزة : ركزي
هدير: بحبك
.

7. Would you kiss anyone on your top friends?

هو ايه موضوع البوس؟ هما بيقبضوا ضريبة علي اللي بتبوس صحباتها؟

8. How many people on your top friends do you know in real life?

ايوة اصدقائي المقربين اعرفهم علي ارض الواقع..وان كان لي بعض الاصدقاء من العالم السيبري

9. How many kids do you want to have?

كام اطفال نفسي يبقي عندي؟ مفكرتش في الموضوع ده...اللي ربنا يرزق بيه...واحد يمكن ان شاء الله

10. Do you have any pets?
باكره كل الحيوانات الاليفة..ما عدا اسماك الزينة..عصافير لا ,كتاكيت لا, قطط لا لا لا, كلاب لا, سلاحف من بعيد لبعيد

11. Do you wanna change your name?

اغير اسمي ليه....انا باحبه...مش عايزة اغيره..حد يعترض بقي

12. What did you do for your last birthday?

اخر عيد ميلاد ليا..كان احتفالية خاصة جميلة...مصحوبة بالمفاجات من ناس اهتمت انها تجعله يوم مميز... كل حد فيهم اشكره..اه نسيت طبعا اني احتفلت احتفالية تانية في المذاكرة عشان كان عندي امتحان ساعتها

13. What time did you wake up today?
النهاردة صحيت الساعة:سبعة صباحا عشان الحق اتوبيس الكلية

14.What were you doing at midnight last night?
امباررح في منتصف الليل..كنت باكل رز مع الملايكة

15. Name something you CANNOT wait for?

حاجة مستنياها تحصل علي احر من الجمر.......هي حاجة انا مستنياها مع ان مفيش منها امل لكن انا باستناها...وانا اكره الانتظار لكن مجبر اخاك

16. Last time you saw your father?

اخر مرة شفت بابا كان النهاردة الصبح قبل ما انزل الجامعة

17. What is one thing you wish you could change about your life?
حاجة نفسي اغيرها في حياتي؟ ذاكرتي..ازود لها رامات كدة زي الكمبيوتر..و افرمتها من جديد..وبس

18.What are you listening to right now?
Hello- Evanescence

Suddenly I know I am not sleeping

Hello

I'm still here

All that's left of yesterday

19. Have you ever talked to Tom?

لا عمري كلمت توم و لا غيره..بس لو شفته قوله اني زعلانة منه يعني

20. Have you ever talked about someone behind their back?
نميمة و غيبة؟؟؟؟؟؟؟؟؟؟ استغفر الله العظيم
21.What's the last piece of clothing you borrowed from anyone?

استلف هدوم من حد؟؟؟؟؟لا طبعا

.
22.Who's getting on your nerves right now?
مفيش حاجة معصباني ولا مضيقاني دلوقتي...ولا قبليها
الحمد لله
23. Most visited webpage?
اكثر صفحة بازورها...جووووووووووجل

24. Coke or Pepsi?
ماتفرقش كولا و لا بيبسي
عادي..يفضل شويبس يوسفي
انا مش عارفة ليه دايما الناس بتتهمني اني مش بافهم..و ان فيه فرق..بس انا بالنسبة ليا اهو كله برتقال
يعني بيبسي او كولا..ولو كباية كاكاو يبقي احسن و الله
25. Mac or PC?
وابور الجاز ان شاء الله
.
so to whom I will send the tag ??????!
ح ابعت التاج ده

لعلاء الدين- ابو فروة

p.s
Geddo Iskandar, the three of them are all yours hehe :D.

صحيح..ملحوظة اخري: معزومين ع النسكافيه
و
الكابتشينو
معانا :)

ودمتم