Thursday, July 24, 2014

3..2...1


النهاردة عديت على صوابعي الأيام اللي فاضلة..وحسبت الحسبة وطلع فاضل 432 ساعة بالظبط..ده مش رقم كبير بالمرة!! ده رقم يخوف، يخوف جدا كمان! يحسسك انه ميكفيش كل المشاوير وكل السلامات. ده من غير مانشيل ساعات النوم منه كمان..حيكش أكتر ماهو. يعني بحسبة تانية صغيرة لو بننام ع الأقل 8 ساعات في اليوم..يبقى شيل بتاع 144 ساعة كمان نوم..ده غير ساعات الأكل والتتنيح والهبوط...نقول حيتبقى 200 ساعة؟ ودول برضه مش حيبقوا صافيين...حيبقى فيهم مرواح ومجي وتعب ونوم تاني غير الأولاني...وتليفونات!! عارف المكالمات ممكن تاخد كام ساعة من دول؟! الآلة الحاسبة بتقول فاضل 182 ساعة...! ونسينا المواصلات..الطريق أبو نص ساعة بقى يتاخد في ساعة...نشيل مثلا بتاع 40 ساعة كمان مواصلات وعطلة مرور؟ 142 ساعة...وبرضه حيطلعوا مش صافيين. عارف الفيس بوك بيضيع وقت قد ايه مننا؟ عارف لو هما 4 ساعات في اليوم بس (وهما طبعا مش 4) حيتفضل كام ساعة؟ 70 ساعة...بس! 70 ساعة! مكملوش 3 أيام حتى! يومين وكسر. يعني بعد ماكان فاضل شهر..وفاضل اسابيع...الرقم عمال يكش ويكش لحد مابقى قد عقلة الصباع. ه 
70 ساعة
4200 دقيقة
252،000 ثانية


عارف بقى كام ثانية عمالين نضيعهم في الزعل والانتظار والسكوت...والوجع؟
_____
تمت


5 comments:

يا مراكبي said...

قصة قصرة
رشيقة
سريعة
وفيها وحدة ووجع

Anonymous said...

مدونتك كانت تايهة مني من سنين سحيقة مش متخيلة فرحتي اني لقيتها تاني و انك الوحيدة تقريبا من عصور البلوجسفير الزاهرة اللي نسبيا لسة بترتاد المدونة بتاعتها، انا مبسوطة قوي قوي إني لقيتك، رجعتيني لحاجات حلوة قوي، أرجوكي اكتبي تاني، اكتبي على طول

Epitaph1987 said...

Dear Anonymous,

:)))

شكرا ع الابتسامة بجد

Anonymous said...

رضوى عاشور.. الف رحمة ونور

Epitaph1987 said...

ربنا يرحمها ويصبرنا على فراقها