Thursday, March 29, 2007

My Prayer!

Crossing my hands
For the miracle
.
.
.
That will never happen
.
.
.
But still, it may happen!
.
.
.
Pray for the sun to shine
Pray for words to smile
Pray for wounds to heal
Pray for tears were not so real
.
.
Pray
Pray
.
.
.
Just Pray
And wait
.
.
Still the miracle will never happen
Yet I will pray
.
.
Pray for hope away to fly
Pray for the tear to dry
Pray for my heart to cry
.
.
.
Only then, a miracle will happen
And I would die!


Wednesday, March 28, 2007

My Refuge!





اللهم اني توكلت عليك


وسلمت امري اليك


ولا منجي


ولا ملجأ


الا


اليك


____


O' Lord, You're my Refuge...at a time when I was devoured by my sick thoughts, when I surrendered and could no longer resist, when I was indeed helpless and so weak, when I strayed away from the right path, when I bent in humbleness to your great might, when I was all alone in my long long path and no hand extended to help, when I was indeed sick at heart, with a tired soul and a mortal body, when my ruthless visions started to haunt me, chase me, kill me!! O'Lord, You Are the Most Merciful, pull me out of this darkness, enlighten my path once more, grant me strength to fight again, grant me light to find myself once more, grant me peace which I've long been deprived of, grant me courage for all I face, and most of all, save me from my troubled mind!

Tuesday, March 27, 2007

امّا نعيمة..نعمين - الجزء الثاني


مشرف في اتحاد طلبة جامعة عين شمس.. بيطلب متطوعين من الطلبة....عشان ينتقلوا الي اللجان المتوزعة في العباسية : بالمدينة الجامعية و في كلية طب... الطلبة دورهم تعليق لافتات "حيادية" عن ضرورة المشاركة الايجابية (الصورة التالية)... اما عن دور الطلبة فهو تنظيمي ليس اكثر من حيث التشجيع ع المشاركة و التحدث عن الاستفتاء.. بحيادية..و استقطاب الناس انها تدخل تصوت علي خبيتها و خبيتنا..و يلزم التنويه ان موظفي الاتحاد من اعضاء الحزب الوطني..بس دع الخلق للخالق..حدش يقدر يمسك عليهم حاجة..لا اليفط عليها شعار الحزب الوطني الاخضر و لا حاجة.. بس بقي كانوا جايبين قمصان كدة عاملة زي البافتة بتاعة الاطفال كدة لونها اخضر و مكتوب عليها الاتحاد..تفتكروا اللون الاخضر مقصود منه حاجة لا سمح الله؟؟ عييييييب مافيش حاجة


.


.


احد لافتات اتحاد الجامعة: الادلاء بصوتك واجب وطني و ديني


يعني حضرتك..مش راضع من اغنية عفاف راضي مصر هي امي؟؟؟..يبقي اكيد بتخاف من عقاب ربنا و كلمة واجب ديني ديه يقشعر لها الابدان...ح تتحسبوا يا كفرة يعني


.
.


الساعة العاشرة صباحا: سألته باللجنة.. ينفع ادي صوتي هنا..مع ان ديه مش منطقتي..ولا مكان قيدي؟؟؟..لا..لازم تطلعي علي قسم الحي بتاعك عشان تعرفي انت مقيدة في انهي لجنة...عين العقل و الله و لا فض فوك... لجنته كانت لا بتهش و لا بتنش و فاااااااضية...و بيدللوا عليها- ملحوظة عاب الدكتور بطرس غالي علي ضعف الاقبال


.


.


لافتة طريفة من نكت مصطفي السلاب "نايب" مجلس الشعب في دائرة مدينة نصر : - اللافتة بتقول: ميزانية بلدك ميزانيتك تراقبها بمشاركتك


.


الله الله...شايفين الدرر... بقي ميزانية الدولة ميزانيتي..؟؟؟؟؟؟؟ يا حلاوة يا ولاد... كدة بقي انا عايزة حقي فكل مليم اتصرف يا ولااااااد -------تييييييييت


مش باقولوكوا قالها فيه رحلة دريم بارك..لو اديتي صوتك يا ابن الشعب


.
تحكي لي: لموا سواقين الميكروباصات و سحبوا منهم الرخص و قالوا لهم : بكرة (النهاردة الاثنين يعني) ح تعدي عليكم باصات تنقلكم للجان التصويت تدلوا بصوتكم و حنرجعكم مطرح ما جبناكم و نرجعلكم الرخص

.

.


يالا ان شاالله ما عن حد حوش... ايه الحلاوة ديه يا ولاد
اصلك ح تقول نعم يا حبيبي نعم يعني ح تقول نعم يا حبيبي نعم.......لكن احب اقول..اوعي يا قلبي برضه لأ لأ علي رأي الشحرورة


يا مهنينا..يا مدلعنا..يا مورينا كل يوم حلو...يا سبعي ..يا بعلي.. ياللي مااكيلنا الشهد.. ياللي ما في عهدك لا ولد مات و لا اتحرق و لا غرق.. ياللي مشرفنا و رافع راسنا..ياللي بتحوشلنا فلوسنا في بنوك اوروبا عشان احنا فقرين و بنصرفها...بنفرتكها..انت بتحوشلنا ..بتبص لبعيد... شدوا الحزام شدوا الحزام... البيت بيتك..اي و الله..البيت بيييييييييييتك


.


.


الساعة الواحدة: باكلم صديقتي في التنظيم عند احد لجان التصويت بطب, ردت عليا : ايوة تعالي انا اديت صوتي.. كوافدة.. يعني ايه؟ دي مش محتاجة بطاقة انتخابية؟؟؟ لا.. دلوقتي بيسمحوا بالتصويت لاي حد من اي حتة..المهم الورقة ..الصوت
.


.


يعني ادحدر بيهم الحال و قاعدين عايزين اي حد يصوت..معاك بطاقة انتخابية..مش معاك..من اللجنة ديه..مش منها..المهم تدي صوتك... صوتك امانة...صوتك واجب وطني و ديني..يا ابن الشعب


.


.
الساعة الواحدة و النصف: عند لجنة التصويت مشرف عام للجنة و ضابط بيكلمونا برفق و لييييين : يا ولاد اهم حاجة الاقبال.. هاتوا زمايلكم و تعالوا.. (بص لصحابتي اللي لسة ماديتش صوتها) انتي بتجيبي اصحابك و ماصوتيش ليه..مش ح تدي صوتك؟؟ لا ح اجي بس في الاخر لما اوصل بقيت اصحابي بس...و هربت منه و هو كمل كلام


:


يا
جماعة قولوا اللي تقولوه اه ,لا زي ما انتوا عايزين ماحدش ح يقولكم حاجة...سالته: ممكن اصور اللجنة و الصندوق الشفاف؟ ( بهلع) لااااااااا طبعاااااااا اوعي..لازم بتصريح!!
.
سألني و انا خارجة من اللجنة: قلتوا ايه بقي؟؟؟غير موافقة طبعا!!!!!!!! رد عليه الاخر: دول ناس واعية يا راجل!!

.


.


شفت ست عجوزة بطرحة و جلابية واضح انها علي قد حالها اوي...و كبيرة اوي.. شفتها بابتسامة كبيرة و رافعة ايديها في السما.. زي ما تكون كدا و الله اعلم..و عقبال عندكم و السامعين.. بتدعيلهم..اي و الله..ليهم مش عليهم (يمكن تكون ابواب السما مقفولة ساعتها)..و الست بصمة اصلا في الكشف... دفعولك كام يا شاااااابة؟؟؟


.


.


عملوا مشكلة كبيرة مع صديقة ليا في انها حاولت تصور صديقة اخري و هي في اللجنة.و سحبوا الكاميرا و هاتك يا زعيق و شخط و نطر.. فوبيا التصوير بتزيد..و كل اللي طالع عليهم عفريت اسمه: احنا مش بنجبركوا علي حاجة:, قولوا نعم او لا زي ما انتوا عايزين..احنا بلد ديموقراطية


.


وماله ديموقراطي ديموقراطي حد نطق بحاجة..و الدلييييييييييل قالولوووووووووه


الممتع بقي بجد..التلفزيون المصري العربي الشقيق..من القناة الاولي للتانية للثالثة لقناة النيل للخبار للنايل تي في..ماشاء الله كلهم ارسال واحد من صباحية ربنا..ازاي المسيييييييرات ماشية انها تروح تشارك في الاستفتاء...و تسمع خلفية صوت للمذيع تقولك ان الناس رايحة تدلي بصوتها بنعم او لا و ان الاجراءات ماشية يا حبة عيني بحيادية و مش بيجبروا حد..و تلاقي الناس ماشية في الشارع و الموظفين ماسكين صور سي النبي حرسه و صاينه الحاج ابو جيمي.. بابا حسني.. هوووب يقفز واحد ع الشاشة انا مع سيادة الرئيس انا شفت منه علي مدار السنيين اللي فاتت انجازات و دلوقتي انا معاه لما بيعدل الدستور لانه لمصلحتنا... يا حنييييييين.. و تطلع البنت من طول طالبة من جامعة الزقازيق الشقيقة: تقول لك انا لو شايفة انه صح ح اقول اه..و لو شايفة انه غلط ع البلد ح اقول لا..انا جيت ادلي بصوتي و انا باتمني ان صوتي يا ريت يتسمع (تصمت و اكيد المذيع هنا زغرلها و صاحبتها زغدتها فتضيف) بس انا متأكدة انه ح يتسمع اكيد ح يتسمع (هنا اكد علي كلامها البيه المذيع اه اه ايوه)و انا شايفة ان بتوجيه من السيد الرئيس التعديلات في صالح البلد


.

.

و طبعا لازم انوه عن دور النجوم و الافلاك و حظك اليوم في خلق اجواء الدعم.. فتتفرد الاخبار في بابها الثابت :انت و النجوم

فتقول في برج الثور : «غدا.. التجمع الشعبي الكبير فأنت مصباحه»
وعند برج الجدي تقول :كثيرا ما تبدع بأفكارك الجديدة خاصة ما يتعلق بالوطن».

اي و الله نقلا عن المصري اليوم .

و طبعا هذا الجدي من ذاك الثور اصلا

و مش لازم افكر حضراتكم ان الريس برج الثور

بس انا سعيدة اصلي انا كمان زي جيمي..برج الجدي

يا محاسن الصدف

وانا عارفة ان كل افكاري الجديدة لخدمة الوطن يا ابن الشعب.

.

و ختاما

و نشكر اما نعيمة لانها قالت

نعمييييييييييييييييييييين

و يجعله عامر

Monday, March 26, 2007

امّا نعيمة..نعمين

حكت لي صديقتي النهاردة و لولا اني اعرفها كويس جدا و احلف علي كلامها ما كنتش صدقت القصة ديه

.


هي بتحكيلي المكالمة التليفونية اللي تلقتها امبارح : الحزب الوطني معاكي ع التليفون مش حضرتك فلانة الفلانية (قال الاسم بالكامل) ساكنة في ستة شارع---- ايوة خير؟ حضرتك الاستفتاء علي تعديل الدستور يوم الاثنين و يا ريت حضرتك تشرفينا تدلي بصوتك و المقر لجنتك في مصر الجديدة.. و احب ابشرك ان الحزب الوطني مطلع رحلة مجانية لدريم بارك للي ح يدلوا بصوتهم... معلهش كنا عايزين رقم الموبايل لو فيه!!! ليه, لازم؟ اه لازم!!!

!!!!!!!!
.

.
سألتها :يا بنتي انتي عاملة البطاقة الانتخابية تبع الحزب الوطني؟؟؟؟؟؟؟؟؟
.
(هـي : المفاجأة بقي , اني معنديش اصلا بطاقة انتخابية.. انتي تعرفي اني ليا في الكلام ده؟!!!!!!
.
_____
تمت

.

.
جاب النمرة ازاي؟ و ده مش تعدي علي خصوصيات الاخرين؟ و عايز رقم الموبايل ليه؟ و رحلة ايه اللي طالعة مجانا ديه؟؟؟؟؟؟؟؟؟؟؟؟؟ و يتصل ليه..و بيدعوا لنفسهم كدة ليه..طب واحدة مالهاش لا انشطة و لا نيلة..جاب قرارها ازاااااااي..و كمان عايزها تقول نعم!!!!!!! نعم الله عليك يا حبيبي

.

.

ملحوظة: السلاب مغرق مدينة نصر يفط : نعم للتعديلات.. من اجل ان يقف النائب بجانبك..نعم من اجل رئيسنا...و ختاما اما نعيييييييييييييمة نعميييييييييييييييين
.

.

عمار يا مصر


Saturday, March 24, 2007

هدوء نسبي




وحدي
افكر
اتأمل
ماذا حدث
و ابكي


و انتظر
لما سيحدث


!



Thursday, March 22, 2007

عيد الأم



.


اذا فهو عيد الام...طب ازاي الواحد ممكن يتكلم عن الملايكة؟


.


صباح الخير يا مولاتي- سعاد حسني


.


.
كنت قد ما بافرح اني رايحة المدرسة يوم عيد الام..قد ما كنت بازعل اني اشوف انجي بتبكي. انجي توفيت والدتها منذ عدة سنوات..بعد معاناة مع سرطان الدم , تركت زوج و طفل صغير و انجي..انجي تبكيها في عيد الام...انجي مامتها واحشاها
.


.
انتي يا ماما ملاك من الجنة - شادية


.
ام احمد , ست بتيجي تنضف عندنا البيت يوم كل اسبوع, ربت و علمت و كبرت, جوزت البنتين, و التالتة اتخطبت, و الصغيرة في المدرسة و الكبير خلص الجيش و ح يتجوز, بتشتغل في البيوت, جوزها مطلع عينها , بياخد فلوسها, انما عرفت تحافظ علي بيتها و عيالها و تحفظ كرامتها و كرامتهم, غير متعلمة, انما حافظة من القران و بتصلي و تصوم,و حسنة المظهر, و ترجع اخر اليوم مهدودة مش لاقية اللي يساعدها, لكن بتحمد ربنا و اسمها زهرة
.


.
زمان سهرتي و تعبتي و شيلتي من عمر ليالي - فايزة احمد


.


.
بعد ان اعارتني جارتي كتاب كان لاختها, وجدت بين صفحاته الصفراء صورة لسيدة جميلة و ابنتها, و هي لم تكن معهم, رأيت ضحكة جميلة و الابنة تنظر لها بامتنان و حب, كانت الصورة لاخت جارتي الصغري اما السيدة الجميلة فكانت لوالدتهما رحمها الله... كنت اعلم كم مشاعر الندم التي تشعر بها جارتي ذات الاربعين ربيعا تجاه علاقتها المتوترة بامها لسنوات حتي قبل وفاتها , و كم تمنت ان تعود بها الايام لتكفر عما ارتكبته من حماقات تجاهها,, ذهبت اليها لاعيد اليها الصورة, لمعت عيناها شوقا لامها كادت تقبل الصورة.. لكني تركتها و هي تتسائل و تلوم نفسها لما لم تجمعها الصورة بامها الان؟
.


.
يا اغلي من روحي و من دمي - فايزة احمد
.


.
في بيت جدتي , نتجمع. خاله ولاده, مراته, انا و اخواتي, جدو, احتفالية بسيطة بمن قدمت لهذا العالم اتنين من المهندسين, سعيدة وسط احفادها من الولاد و البنات الصغار, سعيدة مع رفيق الدرب اللي المرض انهكه لكن كانت هي عيناه بعد ان اجهز عليه السكر اللعين, وهو عكازها بعد ان نال الزمن من حركاتها البسيطة.. سعادة من نوع مختلف
.


.
ماما.. يا اول كلمة نطقها لساني- شادية
.


.
هي, مزيج من الحب و الحنية مع بعض العصبية و الحزم, هي من قررت التفرغ لنا , هي من اعجز عن اسعادها, هي من قدمت الكثير و تحملت الكثير, و تعطي اكثر ولا تنتظر شيئا,هي من جعلتي من اكون, هي التي اذا وهبتها حياتي لما وفيتها حقها, هي من ادعوا الله في صلاتي ان يسعدها دائما وابدا, هي التي اود ان اصارحها في عيدها : "باحبك



Monday, March 19, 2007

وأيام حلوة متتنسيش




التاج اللي شيماء باعتاه و عليا غرامة تأخير 75 قرش




وانا مش معتبراه تاج قد ما هو نسيم جميل من فترة انا باحبها المدرسة طبعا



...




هل كنت طالبة شاطرة فى المدرسة ؟




من كام يوم معرفش ايه اللي خلي ماما تفرج هبة ( اختي الصغيرة) علي شهاداتي و انا صغيرة.. بس هبة جت توريهم لي بكل فخر .. قعدت اتفرج علي ترتيبي ع الفصل بتاع كل شهر و في نهاية السنة.. الستيكرز اللي المدرسة كانت بتحطه.. التعليقات القصيرة من كل مدرس او مدرسة..(ملتزمة... هادية. ..مبروك انتقالها لاعدادي) و هبة شافت علي وشي ابتسامة منورة.. اصلي لقيت توقيعات ميسز نعمت رحمها الله.. ميس ضحي ماث (رياضيات يعني) مستر اسامة ساينس (علوم) امضاء مديرة المدرسة ميسز نرمين وبعدين دينا اسماعيل.. بادج المدرسة.. افتكرت وانا مروحة مع ماما في مرة وانا في رابعة ابتدائي و قابلنا ميسز وفاء عربي و بيتكلموا ان خلاص ان احنا كبرنا و لازم نتعود نحل امتحان في ورق خارجي..يا لها من صدمة!!! :) خلاص مش ح نحل في نفس ورقة الاسئلة تاني..!! افتكرت صورة ليا مع اصحابي في مجلة المدرسة للمتفوقات لهذا لشهر..افتكرت ميس سوزي اللي كانت بتديني في ثانية ابتدائي ماث و شفتها و انا باجيب هدير صدفة من المدرسة و انا في ثانوي جريت وراها و مش لحقتها و من يومها مش شفتها تاني مع انها سألت عليا بالاسم وهي كانت وحشاني..و افتكرت ازاي كانت بتكتب ع السبورة بسرعة و تمسحها بسرعة و انا ارجع لماما بالكراسة الدرس ناقص عشان ملحقتش اكتب وراها..(كنت بطيئة اعمل ايه) و افتكرت عيد ميلادي في المدرسة..و حفلة تكريم الاوائل..و في ثانوية عامة ازاي واحنا بنسحب الملف شفنا لوحة عليها اسمائنا


ويا ريت الدعاء عشان النتيجة اللي قربت تطلع بتاعة الكلية ان شاء الله :(


..




ايه كانت احب مادة و اكره مادة ليكى فى المدرسة و الكلية؟




.




مادة
مش
باحبها
العربي... عشان مش كره لغة القران و لا البلد و لا امتنا و لا ايه حاجة( قبل بس ما تخدكم الجلالة) .. عشان المدرسين اللي لازم يجيبوا اكتئاب و عشان العقد ..و عشان كتاب العربي اللي كان شكله يسد النفس..و عشان في الامتحان لازم اغلط في قطعة النحو..و في سؤال الاختيارات بتاع جمع نصيب :( نصب – انصبة- نصائب)و عشان كتاب الاضواء و عشان المادة الوحيدة اللي ماما كانت بتراجعها معايا بعد كل امتحان..و لازم تطلع الغلطات..وعشان موضوع التعبير اللي لازم كان عن توشكي و مصر السلام و انجازات الرئيس


.
في الكلية
احم.. العربي برضه..ماما لما دخلت كليتي..قالت لي انا فرحانة فيكي انك ح تفضلي تدرسي عربي ( اصلها بتعشق اللغة العربية و انا كمان بس مش من المدرسة) مش باحب عربي الكلية عشان لقيتهم بيعتمدوا ع الحفظ الشديد جدا.. صم و انقش..عشان الدكاترة عقد و قليل اللي اهتم انه يفهمنا و يعلمنا حاجة بجد..الله يسامحهم..و عشان لو صميت كويس تجيب امتياز و تذاكر العربي عشرة ايام قبل الامتحان..و تجيب تقدير امتياز او جيد جدا..عشان باقعد الترم استحمل دكتورة تقعد تتكلم عن انعدام الاخلاق و تشتم و تدعو لافكارها المتطرفة و انا مش عارفة اسم المنهج اللي بتدرسه ايه اصلا ( الكلام ده بيحصل الان هذا الترم يعني).. عشان بيبعلك كتاب قبل الامتحان بشهر عشان يجي قبل الامتجان يلغي تلات اربعه...و برضه غير مفهوم ..عشان قليل الا من رحم ربي..اللي حاول انه يعلمنا حاجة بجد - يعني مش باحب العربي لطريقة تدريسه ليس الا
.
.




احب مادة بقي




الانجليزي ..كل مدرسة من وانا في كي جي تو و بجد انا اتعلمت منها حاجة.. فاكره كتاب راينبو (قوس قزح يعني) بتاع ابتدائي والوانه المبهرة.. فاكرة القواميس الملونة للاطفال.. فكرة كراسة التعبير اللي كنا بنفنن اني ارسم رسمة مختلفة لكل موضوع و ازخرفه..فاكرة ميس رانيا و سامية و نسرين وبهية و ليليان و ايزيس و رحاب و سحر و هالة و نيفين و هدي العيوطي و مستر ناظم و ميس دعد و حنان بهجت وميس مني (دول مدرسيني من وانا في كي جي تو لغاية ثانوية عامة بجد)و فكرة مسابقة القاء الشعر في المدرسة و الاذاعة اللي كنت باكتبها..و فاكرة ملخصات قصص شكسبير و ديكنز اللي بنقراها من واحنا عيال..و فاكرة المشاهد اللي عملناها في تانية اعدادي مقتطفات من اعمال شكسبير و انا دوري كان منولوج هاملت (اكون او لا اكون)و تلك هي المسألة في طريقة تدريس المادة و انك تخلي الطفل يحب المادة من صغره


:)




.




وفي الكلية.. بما اني بادرس انجليزي فكله حلو :)




.
كنت عايزة تطلعى ايه وانتِ صغيرة ؟
تلاتة احلام كان نفسي اعملهم في نفس الوقت
الاولاني و اهمهم حققته الحمد لله..كليتي.. اني التحق بكليتي اللي فيها دلوقتي و ادرس انجليزي
الحلم التاني.. اني اطلع طبيبة نفسية...عشان باعشق دواخل النفس البشرية
الحلم الثالث.. اني اكون دكتورة طب شرعي..عشان اشتغل في المشرحة..وده لاثبات اني قوية و مش يهمني, و قلبي جامد ولا رامبو..و عشان كنت معجبة بالافلام الاجنبي لما الاقي بقي بعد الجريمة يجيبوا الجثة و يقعد يحلل فيها عشان يعرف مات امتي و ازاي و كدة. بس عند دخول ثانوية عامة.. قررت اني اتمسك بحلمي الاولاني و ابتعدت عن العلوم.. بس حققت حلمي بدخول المشرحة ..عن طريق صديقة ليا في كلية طب.. و شفت الجثث و قلت لها شيلوا الميتين اللي هنا :)
.




.




يلا التاج ده ابعته مع الحمام الزاجل الي




جدو




مبرمج حر




عمرو
احمد




اكتب
بالرصاص


مصري


.


تحديث: اهداء خاص لعم ايــــام


.




بالشفا




:)



Friday, March 16, 2007

What do you call that One?!





You're the One who calls in the early morning, and like a child, I jump in joy.
You're the One whom I feel like a little kid with.
You're the One who saw my tears.
You're the One who make me hanging in your own circuit, with little hope.
You're the One who created every good memory for me to live with.
You're the One whom I see as my Saint.
You're the One who is never to blame.
You're the One who left me with tearful eyes for many nights
You're the One whom I forgave once I heard your voice.
You're the One who shared many moments in my life, if not all.
You're the One whose tone of voice makes much difference for me.
You're the One whom I could not get loose of.
You're the One whom I cross my hands every night, praying for your happiness.
You're the One who I feel blessed to know.
You're the One who I fully depend on.
You're the One whose call just makes me smile
You're the One to whom I can childishly say "I missed you"
You're the One whom I once thought I can hate.


You're the One who I wished for another chance to be close to.


You're the One who I wished for a new chance to forget.
You're the One whom I am grateful for.
You're the One who I will always remember with a big shiny smile on my face.
You're the One who was always there when I needed help.
You're the One whom I can call and find relief.
You're the One whom I don't know how you feel.
You're the One who I am not sure if you know how I feel.
You're the One who won't read those words.
You're the One who leaves me with dozens of questions.


You're the One whose absence is the sunset of my days.


You're the One who always had a unique way of making me happy.


You're the One who can lift me up high to the sky with a sole word.


You're the One who can leave me shattered if you're sad.


You're the One who once heard me singing.


You're the One who made the best surprise I'll ever have on my birthday.


You're the One who's my deep well that springs strength.


You're the One who after I hang up the phone, I sigh and smile.


You're the One whose name first crosses my mind when I feel happy or sad.


You're the One who will give the last strike.


You're the One whom I defended before all.


You're the One whom I will wait for.


You're the One who I wish will be gone.


.


.


Long ago.... I've locked my heart for fear to be hurt; the key to my heart lies at the bed of the river; it needs some real diver to fetch it, to struggle the waves of my flactuating personality, to stand up for the whirlpool of life!


.


.


..That will be a One indeed!

Wednesday, March 14, 2007

Rocks الصحبجية


اتشقلبت و جبت عشرة يتشقلبوا معايا عشان اشوف ح اروح ازاي حفلة المعلمين الكبارالصحبجية : حامد , كلمة, السدغ, و شركاه في ساقية الصاوي.... من العباسية بعد الكلية الساعة اتنين ظهرا قررت اني اطلع علي جدتي بالمهندسين استني ميعاد الحفلة, خاصة ان مفيش حد ح يروح معايا للاسف..لكني قررت في اخر لحظة اني اروح لوحدي و قد كان
.
قلب يا بحر الذكريات
وروح هات اجمل اماني
وارجع بقلبي للي فات
ايام صبايا الاولاني

حامد-بحر ازرق
.
اختيار اكثر من رائع للاغاني..كلمات
حامد.. وافكار جديدة.. كلمة كان ليه حضور برضه باشعاره و كان ختامها مسك اغنية "حبة حبة"..العود (محمد اسماعيل) و يا الكمان كان وهمي.. الجيتار و الطبلة و الدرمز...مزج الموسيقي الشرقي بالايقاع الغربي..و الالات.. الاغاني اللي بتتكلم عن البحر و مصر و الهوية ..و تلاقي الايقاع العربي بيتصارع مع الشرقي..جو تاني..لدرجة اني وانا راجعة قاعدة في العربية علي وشي ابتسامة عريضة و كأني عاملة دماغ متكلفة بجد..بس بموسيقي حلوة ماشاء الله
.
السنين مهما خدتنا
بعدتنا و فرقتنا
وفي ثواني قربتنا
صدفة حلوة جمعتنا
لسة عايش حبنا

ابو الصالحين- من غير ميعاد
.

رغم اني مش متخصصة عشان اعرف الموسيقي واسماء اللالات ..الا اني حسيت بسعادة كبيرة و انا شايفة ناس موهوبة بجد بتقدم فن راقي .. بترفع من مستوي الفن اللي بيهبط..و موجهة لشريحة عريضة من الشباب..حتي الكبار استمتعوا...لانه فن جميل بيتقدم.. موهبة بتظهر في التلحين و الكتابة و العزف..مش حاجة تمر مرور الكرام..تجربة بجد تستحق الاشادة..و تستمتع بالعالم ده لاخر لحظة... عن نفسي انا كنت فخورة اني دول ناس انا عارفاهم حتي ولو كان من خلال تدوينات و تعليقات.. بس قد ايه كنت مبسوطة اني اعرفهم بجد
.
الليلة قلبي وحيد
وانت عينيك وحشاني
صوتي كأني بعيد
صوتك في وجداني

حامد
-اول ليل
.
الجميل بقي.. لما بعد اول اغنية. تلاحظ بقي ابتسامة الفرح في عيون اللي بيغني..و لا ضحكة السدغ لباقي الباند اللي والله وعملوها الرجالة..عينيهم بتتلاقي بجد.. فرحة الاهل بولادهم اللي شرفوهم بجد.. لاحظت عيون بتلمع بالسعادة..و طعم النجاح.. من وسط الجمهور.. الناس حبيتهم بجد..و كانت مبسوطة اوي..و مندمجة اوي اوي
.
-
بحلم بدنيا تساع قلوبنا
تكون حقيقة و صحبجية
تدور معانا تدور دروبنا
تكون رحيمة بدون اسية

كلمة-حبة حبة
.
صعب انك تقول ان فيه اغنية وحشة و لا نص نص ..او تطلع عيب..كل اغنية عرفت تشد المستمع بطريقة ما.. لان كل اغنية حالة لوحدها..الموسيقي بتشدك لاخر لحظة و كل لحن بيقدملك مفاجأة..فانت دايما منتبه..فكرة الاغاني كمان متنوعة ما بين الحب و الحنين و الذكريات.. حب الوطن و الهوية..اغنية "الدوار" من الاغاني اللي عجبتني اوي.. ده غير طبعا اعجابي ب"اول ليل" ل
حامد..و "حبة حبة" لكلمة.و " فرصتك" لحامد و لحنها و عزفها و غنائها كان رائع و عالي اوي ..و مش عايزة اتكلم عن قد ايه فوق الرائع.. باحساس عالي اوي فوق السحاب بجد
.
يمكن جلابيته بقت بدلة
لكن احلامه فيه فاضلة
مشتاق لنسيم الحرية
وبلون الزهرة البرية
احلامه عادية..لكن عادلة

حامد- الدوار
.
صوت المغني (احمد انور) كان جميل ماشاء الله فيه احساس.. ليه حضور اللي هو يتحب كدة علي طول ماشاء الله.. استضافوا برضه مغنية شاركته الغناء في بعض الاغاني .. ابتهال برضه من الاصوات الجميلة الرقيقة..و طبقات صوتها حلوة...و حضورها و خفة ظلها كان جميل ماشاء الله في مشاركتها القصيرة مع الباند..احيي بجد كمان الملحن محمد اسماعيل.. كان رائع بكل المقاييس.. الباند كله كان حاسس باللي بيعزفوه.. الموسيقي كانت مودياني في عالم تاني بجد..بجد فيه امل ان شباب عندها طموح و موهبة و ذكاء انها توجه طاقتها لحاجة بتحبها و تقدم من خلالها فكر و فن بجد
.
وغني يا بني و علي صوتك
اياك كلامك يكون سكوتك
وواحدة واحدة و بالهداوة
هنبقي قوة تكسبر تابوتك
كلمة- حبة حبة

.
ملحوظة: التقيت طبعا ب
كلمة, السدغ, حامد, معت, ولاء, و اجتماع مصغر من البلوجراوية :ابراهيم معايا, مصر هي امي, استاذ حسني سليمان, عمر احمد, سكايلايت ياسمين, احمد حداد.. سعدت بلقائهم ع السريع كدة : )
.
A Word to you

Personaly..I
was really impressed!! Indeed! No compliments in that! Your awareness

of what you were presenting on satge.. your choice.. your taste of

music.. this kinda love and intimacy between you masha Allah..all

created such a lovely atmpshere and amused all the audience! A real

wish from my heart to proceed with your success insha Allah!!
El so7bagya
ROCKS! Glad to know you , folks!! Bas eb2o eftekrona bas sa3eteha :
d


Friday, March 9, 2007

تاكسي


لازم اعترف ان التاكسي ده الاختراع السحري و منقذي من جميع الاماكن و المواعيد, لا تقولي ميكروباص و لا باص اخضر و لا احمر و ميني باص اربعتاشر... انا اتبع مبدأ "هين قرشك و لا تهين نفسك".. واللي هو اركب تاكسي و انجز.. و خاصة ان مفيش في حيي السكني مواصلات عامة كتير..و عشان اوصل لمحطة و لا موقف ميكروباص لازم اركب تاكسي برضه لاخر الشارع يعني التاكسي لا مفر منه
.
السائق : انا عامل زي السمكة و التاكسي عامل زي حوض السمك.. السمكة عمالة :تروح و تيجي و حوض السمك سجن صغير. تخبط في قزاز العربية الناحية دي و بعد كدة تخبط في القزاز الناحية التانية

.

والحقيقة..نوادري مع التاكسي كتير.. رغم اني باقعد في حالي باسرح وانا باصة من الشباك.. هادية مش ح احكي مع السواق..الا ان طبعا السواق الغلبان قاعد طول النهار نفس القعدة نفسه يتكلم في اي حاجة..ف بسيبهم يحكوا و اقعد اسمع في صمت ,نادرة المشاركة و كل ردودي من نوعية :اه صح.. ربنا يكرم..ربنا يستر.. ربنا يسهلك طريقك وربنا يرزقك..فيه اللي حكي ازاي ربي ولاده لغاية ما بنته اهيه بتحضر دراسات عليا.. (ماشاء الله) و عم الحاج الكبير في السن اللي وصف لي طريقة طبيعية من ورق الجوافة و غلي الليمون بقشره للقضاء ع البرد و الانفلونزا..و من المفارقات اني مرة ركبت تاكسي و مع السواق العجوز وقت الانتخبات بتاعة مجلس الشعب قعد يسب و يلعن في دايرة امال عثمان اللي حصل فيها تزوير..و بعديها باكتر من اسبوعين ركبت مع نفس السواق تاني و اقتكرني و قعدنا برضه نتكلم علي ما بعد الانتخابات و اكتساح الاخوان
.
السائق: انت عارف انا عندي حلم كبير .. حلم انا عايش علشانه.. ما هو الواحد من غير حلم ما يقدرش يعيش .. يلاقي نفسه وخم عل طول, مش قادر يتحرك من علي السرير, يكتئب, يبقي عايز يموت. انما بالحلم تلاقي الواحد يتحرك رهوان, يبقي فريرة, نار قايدة ما تطفيش

.

وفيه السواق اللي علق علي نغمة ام كلثوم اللي علي موبايلي..و الله فيكم الخير انكم لسة فاكرين الست.. و بص للراجل اللي كان راكب قبلي..قليل لما لاقي حد يحط ام كلثوم.....و فيه السواق اللي مستعجل عشان الماتش..ان شاء الله ح نكسب.. احنا شعب غلبان كانت ام كلثوم و الكورة بس هي اللي تفرحنا..و فيه اللي اسأله (لو المشوار كبير) ح تاخد كام؟ اللي تجبيه مش ح اقطع رزقي! وفيه اللي كنت راكبة معاه راجعة من ايام ثانوية عامة من درس متأخر الساعة حداشر بالليل وفوجئت بالسواق استئذن من الراكب اللي كان معاه من قبلي انه يوصلني الاول (مع اني مش طلبت منه كدة) و لقيته هو والراكب ده بيتعازموا و يصروا انهم يوصلوني الاول و يشكروا بعض.. وانا اللي طلع عليا اقوله " انا بجد مش عارفة اشكركم ازاي" –جدعنة اهل بلد بجد من غير ماتطلب و لا تتكلم
.
السائق: ابويا الله يرحمه كان دايما يقول اعمل خير حيرجع لك خير.. عامل زي الصوت وصدي الصوت لو مطلعتش صوت عالي من قلبك مش ح تسمع صداه.. وكمان الخير لو ماعملتش خير من قلبك للناس عمر ما حيرجعلك خير..الله يرحمك يا ابويا
.
و برضه فيه السواق الجشع اللي المشوار ابو خمسة عايز فيه عشرة.. و فيه السواق المتهور اللي ماشي يشتم في خلق الله و هو ماشي و يلعن في الحكومة و اللي مركب الناس ديه عربيات بملايين ماشية ع الارض..فيه اللي قعد يتكلم عن الازواج و ازاي الست تحافظ ع الراجل و الراجل يحافظ ع الست و اول ما اتكلم علي علاقتهم الخاصة قلت له "ح انزل ع اليمين هنا يا اسطي"..فيه اللي يبص لك بقرف و يقولك هي الاجرة كدة... تقوله الدنيا مش غليت عليك لوحدك.. يقولك و انتوا بتفرق معاكم!!..لكن برضه قابلت السواق المسيحي العجوز اللي يودعني وانا نازلة بحنية ابوية عشان الوقت متأخر و ماتخلي بجد يا انسة بابتسامة لم تفارقه تنسي الواحد القرف اللي بيشوفه طول النهار!
.
السائق : كل حاجة في الدنيا دي ليها جمالها..يكفي انك تفتح قلبك عشان تشوف الجمال اللي حوالينا..لكن لو انت زي معظم الناس مقفل قلبك ح تشوف النور اللي بيضوي حواليك ازاي؟


.
فيه اللي حكي لي ازاي انه كان في العراق..و البلد الجميلة قبل الضرب و الحرب..فيه اللي حكي عن تركيب الغاز بدل البنزين وازاي انه بيوفر له ..فيه اللي يقعد يتكلم علي نواب القروض..و الشوارع المكسرة اللي بتبهدل العربية..و الراجل الرتبة اللي ركب و مدفعش ولا مليم...فيه اللي مارس عليا الخدعة الشهيرة ان ابنه في المستشفي و مراته عيانة و انه رايح يجيب دوا و الاشعة... و انتي و ضميرك يا انسة...فيه اللي بيسب و يلعن في البنات اللي بتسوق..وفيه اللي اديلوا العشرة جنيه و اقوله هات الباقي و يقولي لا هو كدة حلو و يخلع.و فيه اللي يسألني مسامحة يا ابلة؟ وفيه اللي قعد يحكي ازاي سحبوا منه الرخصة و اضطر يدفع رشوة للضابط عشان ترجع له..و فيه اللي قعد يقول ازاي ايام السادات كان يروح بورسعيد و يشتري جهاز بناته من حاجة مطبخ.. ماركات كبيرة و بسعر رخيص..و يحكي ع الوكالة وازاي انحدر حالها للاسوأ..و ايام ما كان التفاح الامريكاني كان بكام و ايام الجنيه الجبس..و بعدين يقول الحمد لله..و يتحسر ع الايام الغبرة اللي عيشينها
.
السائق: ضهري اتيبس عل وضع القعدة دي.. اما باجي افرد جسمي بالليل ما بعرفش..ضهري بيوجعني اما بافرده..و العربية قديمة و مخرمة من كل حتة و السخونية بتاعة الموتور بتطلع علي رجلي و علي جسمي في الصيف.. ببقي عامل زي الكبابجي قدام اسياخ الكفتة.. الفرق انه بيشم ريحة لحمة حلوة و اننا باشم ريحة بنزين محروق
.
ده غير التاكسي في المنصورة (رحتها مرة زيارة خاطفة مع انها مش بلدي اصلا لاني قاهرية صرف :)..و تجولت فيها ع الكورنيش بالتاكسي..وتلاقيه يركب امة لا اله الا الله...طول ما هو في الطريق يركب ناس.. وكأن الموضوع عادي و الناس مش متضررة زي القاهريين. عادي ولا كأنه ميكروباص..هو ملزم انه يوصلك في لمكان اللي انت عاوزه بدون تأخير بس من حقه يركب اخرين يسترزق..و بعد مشوار طويل لا يقل عن تلت ساعة...في القاهرة ياخد فيه 5 جنية بالميت و يتخانق معايا كمان.. اديت للسواق عشرة جنيه و قلت له هات انت الباقي معيش فكة معلهش.. والاقيه مرجعلي تمانية جنيه لوحده عن رضا!!
.
السائق: والله عمري ما حسبتها, كسبت جنيه بأصرف جنيه, كسبت عشرة بأصرف عشرة.ممشيها بالتكال و علي فكرة مفيش سواق في مصر يقدر يقولك بيكسب كام.كله بالتكال

.


لكن يجي كتاب خالد الخميسي "تاكسي" عشان يكمل لي الصورة..و الاقي ان كل اللي شفته موجود فعلا و اكتر كمان.. في كتابه اكثر من رائع المتوافر الي الان بطبعته الثالثة عن دار الشروق..باسلوب سلس و اكثر من رائع.. ياخدك خالد الخميسي في هذا التاكسي الاصيل جولة ما بين مدرسة اولاده.. الي المهندسين.. لمدينة نصر للمعادي.. بتنهج وراه ...عايز تعرف رحلته في تاكسي الحياة ح يقابل مين و ح يسمع ايه.. ناس بسيطة بتكشف الزيف او الجمال اللي في الحياة.. ناس بتتكلم عن توشكي , عن التعليم, عن الفساد, البورصة, الاقتصاد, الانتخابات, عن روعة الحياة احيانا, و عن كأبتها كثيرا...معاه بتسمع الكلاكسات.. الضحكات.. الزعيق.. الحكاوي.. النكت..شرايط الكاسيت الدينية,, ترانيم الكنائس.. نجوم اف ام..و ثومة.. خالد الخميسي صور الحياة من داخل صندوق ذي اربع عجلات,, يمشي مسرعا احيانا و متباطئا كثيرا ,مرتحلا في دوامة الحياة
.

.
دار كل ده بذهني وانا راجعة من الكلية و التاكسي اتعطل بيا بعض بضعة امتار .. بهدوء سبت السواق يربط معرفش سلك ايه اللي اتقطع..دخل السائق يعتذر مرارا و تكرارا.. بأدب شديد.. علي مهلك و لا يهمك.. عربية قديمة للغاية.. الاسلاك عارية و متلصمة.. لدرجة ان ابتديت اشم ريحة الحريق من جوا.. صلح المشكلة و العربية دارت اتأسف تاني.. يا سيدي رزقك علي الله و لا يهمك مش مستعجلة (مع ان الساعة ستة بس خلاص ده رزقه وده نصيبه) شوية و ينصحني : لازم تتعلمي السواقة يا ابلة؟..ولما قلت له اني مش باحبها مش امان و باخاف منها...و ع الاقل مش دلوقتي.. صدق علي كلامي و دعا لي.. بعدها حكي لي عن ابنه اللي نجح بالثانوية العامة و دخل تجارة حلوان انتساب بالعافية.. انما اجتهد و موت نفسه بالجامعة و جاب جيد جدا و حول جامعة القاهرة طبقا لتوزيع الجغرافي للمنطقة السكنية للطالب.. وازاي انه فضل ورا ابنه انه يتعلم..وصرف عليه و علي دروسه..اصر السواق الطيب انه يوصلني الي باب العمارة.. ولف الشارع مخصوص مع ان كنت نازلة اعدي.. قالي مش كفاية استنيتي لغاية ما العربية دارت.. مش ح اوصلك يا ابلة؟..كان يكفي دعائه..و ابتسامته..و ودعته ودعوت له
.
السائق : انا كل يوم باخلص وردية التاكسي و انا خايف..خايف علي ولادي و خايف من المستقبل و خايف من الدنيا و بعد ما اخلص وردية الصيد ببقي كلي امل. امل في بكرة و ثقة انه انه كل شئ ح يبقي تمام و ان ربنا مش ممكن ينسانا.. ده مصر مذكورة في القران واحنا جند الله..ازاي بقي ح ينسانا.. مش ممكن" و كان اسم السائق " شريف شنودة"






_____

المقتطفات اللي باللون
الاحمر

مأخوذة من كتاب خالد الخميسي الرائع :تاكسي -

حواديت المشاوير


Thursday, March 8, 2007

صباح الفل








صباح و مسا


شي ما بينتسي


تركت الحب


اخدت
الاسي


.


.


لعل و عسي


اترك ها الاسي


و يرجعلي حبي


صباح
و مسا


.


.


بس انت


انت و بس


______


مقاطع من اغنية لفيروز- صباح و مسا



Tuesday, March 6, 2007

Not Agaaaaaaaaaain!!!










who kindled the candles of hope, again??!!!